Analysis Services
احب كل الاطباق اللي تحتوي على اللين
ومن بينها الشاكرية
تجنن طعمها وهي عبارة عن لبن ولحم موزات
بس للأسف ما اعرف اطبخها
اللي تعرف تساعدني ودمتم بخير اخواتي
03-06-1426 هـ, 01:38 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي الغاليه انا اعرفها

اهي شوربه باللبن تقريبا
اول شي تاخذين المقدار اللي تبينه من اللحم ويفضل اللحم اللي يكون فيه عضم بس شويه علشان يمسك ومايذوب باللبن
تسلقين اللحم بالماي والبصل والثوم وورق الغار والبهار وتحطين الملح اخر شي بعد مايستوي اللحم
.. تصفين اللحم من المرق وتخلينه على صوب وتصفين المرق مال اللحم من اي شي مثل الثوم والبصل
بعدين بجدر على النار تحطين الليب ومقداره يكفي 8 اشخاص تحطين علبتين لبن الخاثر من كيديدي الوحده لتر تقريبا او اي نوع من اللبن تحبين حموضته
وتزيدين عليه من المرق مال اللحم تقريبا 3 اكواب حسب ماتحبي ثقل الشاكريه وتمين تحركين بشكل دائري وماتوقفين لانه اذا وقفتي تفسد المرقه وانتي تحركين تكونين مذوبه ملعقتين وسط من النشا بماي شوي وتضيفينه على اللبن مع التحريك لين يغلي اللبن حزتها خلاص ماراح يفرط او يخترب تقصرين النار وتضيفين له حبة ماجي مكعبات وكيس شوربة الماجي وتذوقينالملح لان الماجي فيه ملح وايد
ولما يغلي 5 دقايق ضيفي اللحم مالج والملح حسب رغبتج
بجذي يكون استوى وصار جاهز
الحين اكو تقليه اختياريه واهي تزيد نكهه للشاكريه تحمسين شوية ثون مقطع صغير جدا بزيت الزيتون لين يحمر وتحطينه على الشاكريه يعطيها نكهة الثوم الحلوه واذا تبين بعد فركي عليه شوية نعناع مجفف واخلطيهم مع اللبن يعطونج نكهه سحريه

وسلامتج واتمنى اني اكون افدتج يالغاليه وبالعافيه
03-06-1426 هـ, 09:39 مساءً
 
فرحة عمر انا بعكس اسمك واقول
جعل كل ايام عمرك فرحة وسعادة ويحقق اغلى امنياتك يارب
انا بجربها وبقولك حبيبتي دمتي برعاية الله
04-06-1426 هـ, 12:27 صباحاً
 
هلا اختي انا طريقتي مختلفه وسههههههههله
تسلقين اللحم بعدين
تجطين با الخلاط3علبه زبا دي او الكميه الي تحبين من الزبا دي وتجطين معها ملعقة نشا ء و1 بيضه وفص من الثوم وبعد الخلط حطيهم بقدر على النا ر مع استمرار في التحريك حتي تشوفين اللبن اصبح يغلي وبعدين تضعين اللحم عليه وتضبطين ماحه واذا شفتي انه اللبن اصبح سميك اضيفي عليه من مرقة اللحمه بس لا زم تكون المرقه حا ره حتى اذا كا نت با رده خرب عليكي اللبن وفصل عن بعض واطبخي بجا نبه رز با الشعيريه
وبا الهنا ء والعا فيه
04-06-1426 هـ, 02:31 صباحاً
 
ينقل من الساخنه لاطباق حواء
05-06-1426 هـ, 04:27 صباحاً
 


الساعة الآن 11:30 .