باسافرانا وزوجي آخذ اولادي او لا

السلام عليكم


انا باسافر انا وزوجي بنروح الهند 10 ايام


وعندي ولدين الكبير عمره 4 سنوات والصغير عمره سنتين


ومحتاره آخذهم معي او لا

هي سلفتي تبيهم عندها لانها تعتبر اولادي اولادها وماتفرق بينهم

حتى في الحلاوة اذا اشترت لهم تشتري لأولادي معاها اذا صاح ولدي تروح معه البقاله عشان يسكت

و احيانا توديه الحديق اللي جنب البيت عشان يسكت

انا معاها اكثر من خوات هي تساعدني في اولادي وانا اساعدها احيانا اغسل ثيابهم واذا صرت في شقته وهي

مشغوله واحيانا اساعدها في اولادها

اساعدها وحنا على طول مع بعض واكثر من خوات

المهم وصلت لكم المعلومة علاقتنا مع بعض مو مجامله الا حب في الله

وقلت لها قبل فترة اني باسافروبعطيها اولادي ووافقت وقلت لها تكلم زوجها ووافق

بس بعدين انا ترددت احس مالي قلب اسافر بدونهم بس انا مطمئنه عليهم عند مرت عمهم

وقلت لها خلاص باخذهم وحاولت فيني اني اخليهم لا اتعب في السفر بس انا رفضت وهي كانت مصره

والحين انا مره محتاره آخذهم اولا

انا وابوهم محتاجين شوي نغير جو بدونهم

بس ولدي ابو 4 سنوات كاسر خاطري يقولي متى بنركب الطيارة بنروح الهند لاني انا مدخله في باله هالمعلومة والحين هو تعلق يبي يسافر

بس هالولد متعبني مره جنون وحجايج السنه اللي طافت سافرنا وغربلنا في السفر صياح وحاله وماتهنينا

وكاسر خاطري لانه نفسه في السفر

وفي نفس الوقت خايفه يجنني

واحس انه مابيستفيد من السفر لان مافي لاملاهي ولا خرابيط

انا باروح منطقه مافيه الاطبيعه ومنتجعات مافيها اي وسائل ترفيه للأطفال

يعني حق استجمام بس حتى مجمعات مافيها وبيكون فيها شوي تنقلات بين المناطق على مرتفعات بالسيارة وكذه يعني بتكون متعبه لهم

شنو رايكم محتارة مرة