rosered

rosered @rosered

عضوة نشيطة

ساعدوني في اختيار لون سجادة مناسب

المنزل والديكور

السلام عليكم ورحمة الله وبركاته

أخواتي الفاضلات كيف حالكم

عندي مشكلة وقلت مالي غيركم تساعدوني

أنا بيتي فارشته موكيت لون وردي بس مو فاتح مرة درجة وسط بين الفاتح والغامق

في الصالة عندي طاولة طعام من سنتربوينت ( 6 كراسي ) لونها خشبي غامق والكراسي جلد أسود ..

وبإذن الله ناوية أجيب كمان في الصالة مدخل مراية كبيرة وتحتها دولاب بأدراج برضه بنفس درجات الوان طاولة الطعام بلون بني غامق شفته من كم يوم ومرة عجبني في السوق ( المرايا مستطيلة وعليها برواز عريض بلون خشبي غامق )

سؤالي أبغى أجيب سجادة كبيرة في وسط الصالة ( تحت طاولة الطعام حتكون ) ومعاها سجادة طويلة للمر اللي بعد الصالة بس محتارة في درجة لونهم ايش اللون المناسب مع لون الموكيت ولون الطاولة والمدخل ..
وفي النفس الوقت ابغى درجة اللون تكون مو فاتحة لأنه عندي أطفال والفاتح يتوسخ بسرعة معاهم ..

أنتظر نصايحكم وجزاكم الله كل خير
7
3K

يلزم عليك تسجيل الدخول أولًا لكتابة تعليق.

تسجيل دخول

الحب والسلام
الحب والسلام
افضل يكون بني افتح شويه
ام هااااجر
ام هااااجر
مالك الا البيج او الرصاصي
ام فارس و محمد
حطي السجاده تحت الطاوله بني بالوردي عشان تربطي لون الموكيت بالاثاث ..

و السجاده الطويله للممر بني ساده
rosered
rosered
جزاكم الله كل خير
يعمي اللي فهمته إنه احصر الوان السجاد في البيج والرصاصي والبني هذي الألوان اللي مناسبة
ام فارس و محمد
الرصاصي غريب و البيج ما يتحمل

خليك علي البني