للرفع وانتظر احد يجبر بخاطري
انتظرررررررررررررررررررركم
حبيبتي تبين وصفات مرق ؟؟؟؟
اول شي سلام اممممم وثاني شي انا اول مره اشارك وحدي مخترعه اخاف اكتب الموضوع قلط بس عاد انتي وحظج مابي اطول عليج هذا ايدام كويتي على اصوله
(مرق نخي)
المقاديركلها على حسب العايله يعني على البركه:
لحم مع عظم بس يكون مقطع قطع صغير وسط يعني مو كباار فهمت علي؟
نخي الاصفر الصغير حق المرق لي يحطونه مع الحشو مو النخي الكبار الي مقسم نصاف جنه نص دائره
بطاط مقطع مكعبات
بصل مقطع مكعبات صغيره
طمام مبشور بالمبشاره الي يبشرون فيها البصل مو اتحطينه بالخلاطه انا قتلج
ثوم مبشور ناعم
بهارات مشكله - بهارات لحم - كمون مطحون - كركم وكلهم مقدار ملعقة طعام
3 مكعبات ماجي
ليمون اسود مطحون
ملح اذا حابه اتحطين لا تنسين انج حاطه ماجي بس انتي ظوقي طعم وحطي حسب رقبه
معجون طمام kdd
زيت
ماء لسلق الحم
وماء للمرق
طريقه:
نسلق لحم نص سلقه ونشيل زفره لي تطلع على الوجه واذا قرب انه يستوي نحط بالجدر لحم الي نسلق نص سلقه بعد مانصفيه من الماء ونحمسه بزيت ابروحه لين يتغير لونه وصير بني فاتح مو يحترق بعدين اصير مو حلو وبعد مايتحمر اشوي نحط البصل ونحمسه مع لحم حتى يذبل البصل وياخذ لحم طعم البصل وبعدها نحط الثوم ونحمس لين مانشم ريحت الثوم وبعدها نحط البهارات كلها مع الماجي ونحمسها زين بالخطوه خذي سر طعم المرق بعدها انحط الطمام المبشور ونحمس عدل وكل شي لصق بالجدر راح يطلع معانه وسبه ماي طمام وهذي خطوه مهمه وبعديها نضع المعجون علبه كامله ونحمس اشوي بعدها انحط الماء على حسب ذوق يعني الي يبيه ثقيل اقلل الماء ولي يبيه خفيف اكثر ونحط انخي والبطاط عشان يستوي مع لحم ويتسبك
ملاحظه: يجب سلق الحم نصف سلقه لا اكثر عشان مايتفتت معانه عند الحمس ويخرب شغلج كله
هذا المرق احسن مرق بتسوينه لانه لذيذ وهوى من الاكلات الكويتيه القديمه
ونشالله يعجب وسامحينه على القصور
مع سلامه
والله انا من السعودية بس حبيت اسلام عليك

وان شاء الله البنات الكويتيات الحلوات يفيدونك


الساعة الآن 06:53 .