بسم الله الرحمن الرحيم
هادي طريقة ايدام دجاج باللوز من اختراعي طعمه يجنن ررررررهيب مافي احد ذاقه الا عجبه وطلب طريقته وهو اقرب للايدام الجاوي
نبدأ بسم الله
المقادير :
دجاجة مقطعة للايدام يعني 8 قطع
بصلة كبيرة مفرومة ناعمة
ثوم مفروم ناعم
طماطم كبيرة مطحونة
قارورة زبدة الفول السوداني ( قودي )
صويا صوص معتدلة
حبتين ماجي
ماء
بهاراتك المشكلة الي تحبيها او اذا عندك ابازير جاوية يعطي طعم يجنن وفلفل اسود
مكعبات بطاطس مقلية
كشنة ( اذا حبيتي )
الطريقة :
تعملي كشنة بصل وثوم تحطي الماجي والدجاج وتخليهم سوا الين يتحمر الدجاج شوية انتبهي لا ينحرق :35: حطي الفلفل الاسود وبهاراتك وبعدين حطي زبدة الفول السوداني كل القارورة وقلبيها معاهم ( شمي الريحة دحين امممم )حطي الطماطم المطحونة وزيدي موية بحيث انه ما يصير مرة خفيف زي الشوربة يكون زي الباشميل (فهمتو قصدي اكيد )
خليهم على نار هادية واذا ثقل عليكي زيدي موية
لما تحطيه في زبدية التقديم حطي مكعبات البطاطس عالوجه والكشنة
اعملي معاه رز ابيض وفلفل اخضر حار
بالعافية
على فكرة ممكن تعمليه بصدور الدجاج او السمك الفيليه او الجمبري يطلع جنان
جربوه حتحبوه:cook:
Make Me On @make_me_on
عضوة جديدة
يلزم عليك تسجيل الدخول أولًا لكتابة تعليق.
$$شيهانة الخير$$
•
يسلمووووو
الصفحة الأخيرة