بنات الله يوفقكم
وش رأيكم في مشروع مفارش وملابس كروشيه
أنا أعرف اسوي كروشيه فقلت يمكن يفيدني في التجاره

ابغى آراء المجربات والمبدعات في الكروشيه

هل المجال مربح
ولا تعب على الفاضي

هل لها إقبال
أنا إسوي مفارش المطبخ
بس ما جربت إسوي للأسره والستاير
أحسها متعبه

وكيف احط الأسعار
على كم يعني ؟
أخاف بعد التعب يطلع بلاش



الله يوفقها اللي بترد أو بترفع الموضوع

إذا انتي موجوده بالرياض راسليني عالخاص عندي مشروع محتاج لمصممة كروشيه.

قل لهم كل ابوكم ياقطيع النعاج ..مابكم عربيا ً ثار وأشفى الغليل
لا والله عزيزتي أنا من الجنوب
مشكوره على الرفع
الكروشيه مشروع مربح
لكنه يعتمد أولاً و أخيراً على جودة الخامات المستخدمة و درجة اتقانك للعمل و مهم أيضاً نظافة العمل
الأسعار احسبيها كالتالي لكل قطعة
تكلفة الخيوط المستخدمة + تكلفة الخامات المستخدمة (سحّاب ، أزرار، كريستال ، ورود) + تقديرك لجهدك ووقتك الذي أمضيتيه في انهاء هذا العمل
ما يميز العمل في الكروشيه و غيره من الأعمال اليدوية أنه حتى لو كانوا 20 واحدة يشتغلون كروشيه تلقين كل واحدة شغلها يختلف عن الأخرى و دائماً يوجد مجال للابتكار و التطوير على عكس شراء منتج و بيعه حيث يكون المنتج نفسه عند أكثر من تاجرة

أنصحك تبدأين بأشياء صغيرة مثل مفارش للمطبخ أو مفارش طاولات للمجالس أو مفرش للتسريحة
و ممكن غطاء لعلبة المناديل و هكذا

أيضاً بإمكانك المخاطرة و عمل بضع قطع من الكروشيه ثم عرضها للبيع
أما إذا كنتي تريدين عمل مضمون و عندك استعداد لاستقبال الطلبات في أي وقت يمكنك عمل كتالوج خاص بك و في حال وجود طلب تقومين بعمل القطع المطلوبة

الله يوفقك و إن شاء الله ينجح مشروعك



..... متوقفة عن التجارة حتى إشعار آخر....




من خلال تجربتي فيه اشياء تمشي سريع ماشاء الله
وفيه اشياء تمشي مرررره بطيء

وحسب الاسعار والمجتمع اللي بتسوقين فيه
فيه ناس تحب الشي الغالي والمميز
وفيه ناس تدور الرخيص

وفيه اوقات يجي الشغل ماشاء الله ما الحق
واوقات مافيه شغل


الشغله شويه تحير , لانو يختلف الشغل , لكل وحده ذوق يمكن يعجب ناس كثير ويمكن يعجب فئه قليله
لكن مع الممارسه راح تكون الامور واضحه قدامك

والشغله اكثر شي تعتمد ع الهوايه , اذا انتِ حابه الشغله بتكملين ان شاء الله

من خلال تجربتي في المنتديات , الاغلبيه يدورون الاسعار الوسط او الرخيصه
اعتقد المفارش ماراح تمشي الا اذا صار سعرها اقل من الوسط << للاسف
يمكن لو تسوين افكار مميزه وغريبه , تمشي معك

بالنسبه للاسعار
احسبي تكلفة الاغراض اللي شريتيها + الوقت اللي استغرقتيه في الشغل

لو قلنا مثلا تكلفة الاغراض 10 ريال
الوقت الافضل يكون مابين 40 الى 50 ريال لل 6 او 8 ساعات
واجمعيهم

التكلفه 10 ريال + 40 = 50 ريال

وقارني بين سعرك وسعر السوق , يفضل يكون سعرك مقارب لسعر السوق


اتمنى اكون وضحت لك الفكره

واي استفسار راسليني ع الخاص لانو يمكن ما ارجع للموضوع


الساعة الآن 05:31 .