السلام عليكم
كيف الحوائيات

ابي مساعدتكم الله لايهينكم
ويسعدكم دنيا واخره
ابي تقولون لي وين الاقي صناديق الفخمه اللي نحط فيها المهر
طبعاً مهر اخوي كل شي جاهز ماناقصنا الا هالصندوق لان بالاول ماكان ببالنا نحطه بصندوق اكياس وتخب علينا
ما شاء الله
مهره لانه بيتزوج من غير قبيلتنا
100000
وطقم ذهب 13500

و20 طاقة قماش
و20 عباية
وبشت لبوها 1200
و5 عطورات من الماجد للعود
ووقيتين عود تجاري

عاد نبي اللي يجملنا قدامهم

طبعاً السبوع اللي فات زوجة خالي تورين مهر ولد اخوها طبعاً هم بالشرقيه
وشكل الصندوق مرررره فخم
حجمه كبر التلفزيون من فوق غطا قزاز وواجهته من قدام ابواب قزاز
وهو ثلاث اطباق
الطبق اللي فوق فيه بشت الاب وطبق للعود وطبق اكبر شوي للفلوس 50000
والطبق الثاني فيه نفس المجسم اللي بمحلات الذهب عشان يتلبس العقد
والطبق الاخير
فيه قرآن بالوسط وحولينه عطورات 3
فخم مررررره فخم عاد من برا شكله خشب عودي لونه
عاد انا قايله لها اشتريه وارسليه لنا
ولما جاء اخوي قال لمي ترى مهري بتودينه يوم الاثنين
وزوجة خالي رايحه الحين للكويت عاد هي تقول هالصناديق رخيصه ب250
عاد توهقت مرررره
تكفون ساعدوني وين الاقيها في الرياض
وحده من صاحباتي قالت انها موجوده بالمعيقليه بس تقول اتوقع
ابي اذا احد منكم سبق وشافها يقولي مكانها
تكفون الله يسعدكم دنيا واخره
اللي تعرف لاتبخل علي


عاد يارب الاقي اشكال حلوه والله لصوره المهر والصندوق واخليكم تشوفونه
 

لٓوَ آلسَعَادهـ تَنَشَرى يَآهَلِ آلمَآل
رَيِحَتِ قَلٓبِيِ وُآشَتريتْ آلسَعَاَدَهـ

خَذِيِتِ مِنَ لَحِنَ آلَشِقَآ كِلَ مَوُآل
وُآناَ حَفيِد أهَلِ آلَسمُووَالَسَعَآدَهـ
ماشاء الله ليش مكلفين على انفسكم ؟؟

حنا اربعين الف وتربط بسير بعد خخخخ......
يالبيه
كذا طبع العائله
اللي يتزوج من برا لازم 100000وفوق
اما اذا اخذ من العائله
60000
ومن غير نفس بعد
اختي 60وعلى دفعتين بعد
لٓوَ آلسَعَادهـ تَنَشَرى يَآهَلِ آلمَآل
رَيِحَتِ قَلٓبِيِ وُآشَتريتْ آلسَعَاَدَهـ

خَذِيِتِ مِنَ لَحِنَ آلَشِقَآ كِلَ مَوُآل
وُآناَ حَفيِد أهَلِ آلَسمُووَالَسَعَآدَهـ
لا اله الا الله ماشاء الله لاقوة الابالله
ليه 100 الف مهر خخخخخخخ
على قولة جود 40 ونربطها بمطاط بعد خخخخخخخخ

اتوقع تلاقي طلبك بمحل العربيات احنا نعمل عربية ملكة

وتكون 3 طبقات او 4 حسب الهدايا بس غير عن هداياكم

ربي يوفق اخوك وتكون العروس تستاهل هالمبلغ
تسلمين
امين الله يجزاك خير
ويارب صدق تكون تستاهل
لان الله يستر ماسبق وشفناها ولا شفنا اخواتها
مانعرفهم ابد
بس اللي نعرفه ابوها صاحب الولد
حتى مافيه نظره شرعيه ولاشبكه ولا شي
يعني مايشوفها العريس الا ليلة العرس
اكشط واربح
حظ نصيب
لٓوَ آلسَعَادهـ تَنَشَرى يَآهَلِ آلمَآل
رَيِحَتِ قَلٓبِيِ وُآشَتريتْ آلسَعَاَدَهـ

خَذِيِتِ مِنَ لَحِنَ آلَشِقَآ كِلَ مَوُآل
وُآناَ حَفيِد أهَلِ آلَسمُووَالَسَعَآدَهـ


الساعة الآن 12:42 .