حبيبتي هذي طريقتي المعتمده
تبلي السمك الفليه لكل اربع قطع عصير ليمونه نص ملعقه كبيره كمون كركم كزبره ناشفه وفلفل اسود وملح لمدة ساعه
افرشي الصينيه بطاطس حلقات حطي السمك بالخلطه وبعدين حلقات بصل وثوم وفلفل رومي وطماطم اذا تحبي ورشيه زيت زيتون وحطي نص فنجان شاهي مويه ود خليها الفرن وولعي من تحت لمدة ربع ساعه مايطول. قدميه مع رز ابيض وبقدونس على الوجه 
13-03-1433 هـ, 07:50 صباحاً
 
مششششكورات خواااااتي يعططيكن ربي الف عآفية ولا يرد لكن دعوة يآرب امين
13-03-1433 هـ, 08:08 صباحاً
 
عندي لك طريقه ادمااااااااااااان صراحه وكانت اول مره لي اسوي فيليه وكان عندي جمعه بنات عجبهم مرررره و زوجي كل فتره يقولي سويه

حطي الفيليه في زبديه تبليه كمون, كزيره ناشفه, فلفل اسود, ملح, بهارات مشكله, شوية زنجبيل مطحون, وبرش ليمونه >> البهارات اختياري اللي تحبينه انا احب اكثر الكمون و برش الليمون

3/ 4 فص ثوم مدقوق و عصير ليمون انا احط تقريبآ اثنين من الكبار و ملعقتين خل ابيض و اربع ملاعق لبن زبادي (ورب)

خليهم ساعه ساعتين اي شي بس كل ماتطول كل ما كان الطعم احلى والذ

بعدين قطعي خضار اللي تحبينها مربعات

فلفل ملون اخضر اصفر و احمر أنا اكثر الاخضر و جزر و بروكلي و كرفس و بازيلا لخبطيهم مع بعض واخليهم على جنب

بعدين حطي في الصينيه بصل كبيره حلقات وفكفكيه يعني لمن تقطعين البصله مو تجي دوائر جوة بعض انتي افتحيها خلي كل دويرا لحالها بيطلع شكل البصل اكثر وحطيها فوق بعض وخلي شوي على جنب

وبعدين حطي فوقها الفيليه وحطي كل الخضار وبعدين باقي البصل واخر شي طماطم حلقات وبقدونس مفروم

ورشي على الخضار شوية ملح وكمون و زيت زيتون

وبعدين حطي عليها القصدير وخليها في الفرن تقريبآ ساعه

وحطي جنبها رز ابيض و سلطه طحينه او سلطة حمر او الاثنين مع بعض

وبالعافيه مقدمآ حتى لو ماسوتيها دحين احفظيها عندك صدقيني رووووووعه

بالتوفيق يارب
13-03-1433 هـ, 09:57 صباحاً
 
البنات ماقصرووو
وممكن بعد ماتبلي السمك بالبهارات والليمون
تعملي الكشنة وتحطي عليها حمر وفلفل حااار مرررره لذيذة
13-03-1433 هـ, 02:12 مساءً
 
انا احمر الفيليه في طاوه تيفال بمسحه زيت حتى يصير لونه ذهبي واحط طبقة من بصل دوائر مفككه في بايركس وبعدين السمك و طماطم واحده مقطعه صغيره جدا مع الملح وحلقات ليمون مقشر و احط حمر وادخلها الفرن فوق وتحت على ١٨٠
لاحظي من غير ماء راح تستوي بسرعه لانه السمك تقريبا استوى مع التحمير يادوب تتسبك
13-03-1433 هـ, 06:15 مساءً
 


الساعة الآن 08:29 .