مووووفقة


أحس أنسب طريقة لك للتسويق البازارات

لأن التاس فيها بتتغير و كل بازار بيجيون ناس مختلفين يشوفون أغراضك
ما فيها بيع بالأجل اللي بتشتري تعطيك فلوسها كاش

و أخيراً إذا ما تبغين البازارات بسبب الخجل فأنا أقولك في البداية بس بتحسين بالخجل لما بدأوا الزبائن يشترون حتلقين نفسك اندمجتي مع الجو و ما تحسين بأي خجل على الإطلاق



..... متوقفة عن التجارة حتى إشعار آخر....




اقتباس مشاركة  (حنايا*)
مووووفقة
الله يوفقك حبيبتي
اقتباس مشاركة  (Hoopy Shop)
أحس أنسب طريقة لك للتسويق البازارات

لأن التاس فيها بتتغير و كل بازار بيجيون ناس مختلفين يشوفون أغراضك
ما فيها بيع بالأجل اللي بتشتري تعطيك فلوسها كاش

و أخيراً إذا ما تبغين البازارات بسبب الخجل فأنا أقولك في البداية بس بتحسين بالخجل لما بدأوا الزبائن يشترون حتلقين نفسك اندمجتي مع الجو و ما تحسين بأي خجل على الإطلاق

هلا حبيبتي

أنا معك ومسألة الخجل بأمكان الأنسان يتغلب عليها

لكــن البازارات عندنا غاليه بصراحه ... وبصراحه أكثر عندنا ركوووود غير طبيعي في البازارات

وتحسين الناس يتفرجون أكثر مما يشترون

لأني وقت البازارات أروح وأشوف الأجواء وأسمع تذمر البائعات وخسارتهم

طيب أنتي جربتي تبيعي في البازار؟

في البازار الناس بتدور على الأشياء الحلوة و الرخيصة
من نوعية بضاعتك إذا أسعارها بين 20 ريال و 50 ريال أو حتى تنزل إلى 15 ريال أقولك إنها إن شاء الله تمشي

لكن إذا عطوراتك و بضاعتك أسعارها من 70 ريال و طالع ما أتوقع تمشي في البازار إلا بصعوبة

أنا لو بأروح لبازار بأدور على أشياء حلوة و رخيصة في هذي الحدود ممكن أشتري عطر ب30 ريال و إذا مرة ريحته مميزة ممكن أدفع 50 ريال خاصة لو ما كان متوفر في الأسواق
و ممكن أشتري لوشن بس ما يزيد عن 25 ريال لأني في جميع الأحوال أبغى أخرج من البازار بأغراض كثيرة متنوعة و يكون البازار تجربة ممتعة لي


و حطي فبالك البازار مفتوح و إذا في واحدة عندها نفس بضاعتك الزبائن حيقارنوا الأسعار و أكيد بيختارون الأرخص
حطي سعر مناسب و ما يكون غالي جداً على الزبونة و لا يكون منخفض إلى درجة أنك تخسرين فيه

إذا قدرتي تضبطين أسعارك صح يبقى أنك تتأكدين بأن البضاعة اللي عندك راح تغطي تكلفة الطاولة في البازار و يطلع لك ربح حتى لو 100 ريال
شوفي بضاعتك كلها كم يطلع ربحك منها و اقسمي الربح بالنص هل النص يغطي على ثمن الطاول و يطلع لك من ربح أو لا

و أخيراً حاولي تبحثين عن بازارات بأسعار اشتراك رخيصة من 100 إلى 200 فقط و لا تزيدين و جربي يمكن ربي يفتحها عليك و تعجبك التجربة و تكررينها

لما تكونين تاجرة في البازار حتتطلعين على أشياء و تفهمين أشياء أكثر مما لو كنتي زائرة و سواء ربحتي أو خسرتي بتتعلمين أشياء كثيرة و تستفيدين منها و إن شاء الله ربي يوفقك



..... متوقفة عن التجارة حتى إشعار آخر....






الساعة الآن 06:03 .