Analysis Services
1- المطلوب لفتح سجل تجاري
-برنت مصدّق لهويتك من الاحوال المدنية
-حجز اسم السجل التجاري من النت عبر موقع وزارة التجارة والصناعه والانتظار حتى الموافقة على الاسم
وتشيكين كل شوي حتى يتم وضع تاريخ القبول ويتسجل رقم الحجز ( تكتبين هالرقم عندك بورقه )
-ملف اخضر / ابيض
-محضّرة مسبقا نشاطك اللي راح تشتغليه بالمؤسسة
وانا اقول لك اضيفي كل شي يخطر ببالك

اكسسوارات ملابس شنط نظارات جزم الله يكرمكم
عطور اجهزة كهربائية مواد غذائية .. الخ

2-وش الشروط الي تتوفر فيكي
-يكون عمرك فوق الـ 18
-غير متوظفة بوظيفة حكومية


3-اي اضافات او التزامات مطلوبه منكي
-مبلغ 200 ريال للسجل التجاري بالسنة وتقدري تخليه اكثر من سنه
-مبلغ 1020 ريال لتسجيل عضوية بالغرفة التجارية في مدينتك

4- نصيحه تقدميها لكل اخت لكي حتى لاتقع فريسه

وصيده سهلة لضعاف النفوس

يعني نصيحتك للي توها مبتدئه وماتعرف شي عنه
انصح كل وحدة تبدأ تقدم على امتلاك سجل تجاري
لتكون جميع تعاملاتها رسميه ومريحة
وروحي بنفسك لوزارة التجارة والصناعة بمدينتك فرع النساء .

5- مما تحذرينها ؟ ومما يجب ان لاتفعله بتاتا ؟

يعني وش الي تقدر تعمله بهالسجل ويسمح لها

ووش هو الشئ الي وااااااااااااااااااااجب تحذر منه

ولا تسويه نهائي

كل شي كتبتيه ضمن نشاطات المؤسسة بالسجل التجاري فهو مسموح بإستيراده جملة والمتاجرة به بشكل رسمي
لايسمح أن تكون الادوية ضمن نشاطات المؤسسة بالسجل
لو تذكرتي احد النشاطات التجارية ورغبتي بإستيرادها
تقدري تعدلي بالسجل بمبلغ 100 ريال لكل تعديل سواء اسم المؤسسة او تغيير النشاطات او نقل اسم صاحب المؤسسة لشخص اخر ,
يسمح لك السجل مستقبلا بإستقدام عاملات لمشغل كوافير او خياطة مثلا
او فتح محل حيث انه مايبقى لك غير ترخيص من البلدية وهذه امرها سهل

والله يوفقك وييسر لك
15-03-1433 هـ, 09:11 صباحاً
 
15-03-1433 هـ, 09:20 صباحاً
 
بالتوفيق .للجميع

الله يعين بتنافسنا الرجال؟ وش بقي لنا...!!!!
16-03-1433 هـ, 02:22 صباحاً
 
مشاء الله ماقصرت شروق الجمال كفت ووفت

عندي ملاحظة بالنسبة للاشتراك الغرفة التجاريه هو ٣٥٠ ويزيد بزيادة عدد النشاطات المدرجة في السجل

الاسم ما يحتاج تحجز ينه من الموقع مع انه افضل لكن يطول . لازم يكون الاسم عربي واذا اسم غريب لازم تجيبين معك معجم عربي فيه الاسم ويأخذون منه صوره
16-03-1433 هـ, 08:17 صباحاً
 
ماقصرتي عزيزتي شروق الجمال وربي يحفظك


بس انا بعمل توكيل لاحد قرابيي

هو الي بيشرف على العمال والشغل وكل شي وهذا قصدي من التحذير

وهنا سؤالي والحذر من ايش

الله يوفقك
16-03-1433 هـ, 06:48 مساءً
 


الساعة الآن 07:16 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏