اختى الغاليه فعلا السوبر ماركت مربح ولكن بشرط ان يكون فى موقع جيد وعلى الشارع العام وخدمة توصيل للمنازل وموفقه ان شاء الله
لله يفتح عليك الرزق الحلال ,,,, هذا مشروع ناجح ان شاء الله
((رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَ ا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا ))
بالتوفيق أختي

وفعلا محل البقالة من المشاريع التي تجلب أرباح ونسبة الخسارة فيها بسيطة

والأهم هو اختيار الموقع المناسب
[center]34429alsh3er
بالتوفيق ****الله
السلام اول الكلام..

اختي فتاة الشاطيء .. اول شي ادعي لج بالتوفيق وان الله يرزقج على قد جهدج وعملج ونيتج ان شاءالله..

مشروع البقالة حلو والمخاطرة فيه قليلة بس على شرط التحكم في نوعية الخدمة والبضائع..

بالاضافة الى ماتفضلوا الخوات واطرحوه احب اضيف بعض الخطط والافكار لزيادة دخل البقالة اللي ناوية تفتحينها ...

قبل اي شي حبيبتي .. سوي دراسة او مسح على الموقع اللي حطيتي عينج عليه طبعا يكون من الافضل مثل ماتفضلوا الخوات يكون في منطقة سكنية وعلى شارع عام ويكون منفرد وحتى لو كان بجنبه بقالة ثانية حاولي تطرحين اسعار تنافسية وبضايع مب موجودة عند المشروع المجاور .. راقبي الحركة في المنطقة .. شوفي الكثافة السكانية فيها.. ايش احتياجاتهم بالضبط .. انتي اكيد بتنوعين في البضاعة مااختلفنا .. بس ادرسي احتياجات اهالي المنطقة وشنو الشي المطلوب او اللي يطلبونه دوم ..

بالاضافة الي توفير بضائع متنوعة ابتكري افكار وانشطة جديدة تطرحينها في مشروعج مثل احضار ماكينات عمل البوب كورن والذرة المسلوقة (( لها اقبال شديد هالايام)) .. ماكينات الايس كريم الصغيرة .. وضعيها امام مدخل البقالة او حتى بقرب المدخل من الداخل ... هالشي راح يزيد من دخل البقالة .. توفير بطاقات هاتف وجهاز عمومي ثابت عندج في البقالة من الداخل (( اذا كانت قوانين الاتصالات تسمح بهالشي في الامارات)) تقومين باستئجار الخط والجهاز بمبلغ ثابت .. وربحه من عملية الاتصالات اللي يقوم بها الناس تكون لج .. حاولي تتعاقدين مع احد محلات الورود انج تاخذين كمية بسيطة من الورود وتعرضينها للبيع في بقالتج مقابل نسبة معينة (( بس حاولي تدرسين هالموضع بدقة واذا كنتي بمقدرة تمكنج من السيطرة على هالشي خصوصا ان الورد عمره قصير )) يعني حاولي تتفقين معاهم على شروط توفر لج الحماية في هالنقطة والقرار راجع لهم .. طبعا بهالشي راح تستغلين كل زاوية في محلج علشان تدر عليج ربح ومال باذن الله .. لا تخلين ولا زاوية خالية .. اشغليها بفكرة تدر عليج ربح ورزق

لاتستعجلين .. وشوفي احسن محل للتموين والجملة ممكن يوفر لج سعر حلو ويكون التعامل معاه مريح وبأمانة .. سوي بحث ودراسة على كذا محل لين توصلين للسعر اللي يريحج ماديا .. لاتستعجلين..


خصصي زاوية لبيع الخضار .. وزاوية لبيع الخبز (( واتخذي نفس اجراء التعاقد مع ماسبق ذكره))

خدمة التوصيل للمنازل خدمة حلوة مثل ماذكرت الاخت الفاضلة .. بس خليها مقتصرة على المنازل القريبة بس .. لتفادي مشاكل التأخير والشكوى المحتملة من الزباين .. وتفادي تأخير أحد عاملي البقالة عن العودة للبقالة وبالتالي تعرقل سير البيع والشراء داخل البقالة والتي تعتبر المكان الرئيسي لمزاولة التجارة.. يعني التوصيل بيكون شي اضافي

فأول شي تسوينه ..

- البحث عن المكان المناسب بعد دراسة وافيه للموقع والساكنين في المنطقة
- توفير شروط الصحة والبلدية
- تفقد محلات التموين بالجملة ومقارنة الاسعار ولو كان راس مالج بسيط تقدرين تتفاهمين مع احد هذي المحلات انج تاخذين البضاعة بضمان السجل التجاري او اي ضمان آخر متوفر يعني تاخذين من عنده ويتم التسديد آخر او اول كل شهر حسب الاتفاق واللي اعرفه انه معظم تجار الجملة يتبعون هالطريقة مع عملائهم لتسهيل التعامل .. شوفي انتي احسن واحد يعطيج بسعر حلو
- اختيار العمال بدقة

واذا قدرتي تسوين هالشي فماراح تدفعين الا تكاليف استخراج السجل التجاري والتصاريح وايجار المحل لمدة 3 اشهر مقدم والديكور .. ومااعتقد تحتاجين اكثر من ارفف وستاندات للبضائع وثلاجات لحفظ الاطعمة المجمدة وحتى ثلاجات المرطبات من بيبسي وغيره الشركة تعطيج اياها مجانا على حسب علمي عند التعاقد معها .. وحاولي تحطين ارفف من المنيوم .. بتكون ارخص من الخشب او الزجاج اللي ارتفعت اسعارها هالايام وعلى الاقل سعرها فيها لأنها تبقى صالحة لمدة طويلة وماراح تتأثر بعوامل الجو بسرعه


وأهم شي اختي التأني في اتخاذ القرارت .. لاتاخذين قرارج الا اذا شفتي انه احسن اختيار موجود .. وباشري عملج بنفسج او على الاقل اشرفي بنفسج .. وكوني دوم على راس العمال لاتتركينهم ينهبونج .. واخذيها مني نصيحة مجرب

بالتوفيق اختي .. والله يرزقج من اوسع ابوابه

تحياتي..


الساعة الآن 02:32 .