اسمعي ياقلبي علوم الحريم القهوة على اصولها عندي >>>وخرو عن طريقي كلي وله وصلت نيا ها ها ها

شوفي لاتدوخي راسك حطي عباتك فوق خشتك وطيري لاقرب عطارة وقليله ابغا بن خولاني لاتدورين غيره واطلبي منه يطحنه قدامك عادي انا مااحمصه بالبيت ولا شي ماتعب نفسي الطاحون يسوي كل شي يحمصه ويطحنه ومايزيد ولا هللة نفس السعر قدامك اعتقد الكيلو ب 40

بعدين لابد من خلطة القصيم ب 10 ريال
و خلطة ايرانية حق القهوة تجي علبة صغيررررة وغطاها احمر هذي روووعة تحطينه ربع ملعقة فقط اذا ماحصلتيها لاتبكين وتتحطمي عدي ترا اسويها كذا مرة بدونها

الحين درعمي على المطبخ

وحطي موية اذا ماتعرفي مقدار الموية عبي الترمس الي بتسوي فيه قهوة موية وزيدي ربعه وحطيه ببراد القهوة وشغلي النار

حطي فنجان قهوة لكل ترمس هذا المقدار دايم اتبعيه
بعدين طيحي اربع حبات مسماؤر
وطيحي ملعقةصغيرة خلطة القصيم وخليهم يغلو مع بعض وصبي فوقهم شوي يعني مقدار ملعقة صغيرة حليب سايل

اللحين اتجهي مباشرة نحو الترمس حق القهوة وحطي فيه ملعقة كبيرة هيل مطحون طازج او له اقل شي 10 ايام مطحون
وحطي ملعقة خلطة القصيم وحطي ربع ملعقة صغيرة من االقهوة الايراني اذا ماحصلتيها لاتزعلين لان الفرق مو مررة ياثر

خلي البن يغلي حق خمس دقايق فيه حريم يقولو اغليها نص ساعة وربع ساعة حشا ماهو بن هذا لحم حاشي>>>>احس بتصفق

لا بس جربت واحس والله مافرق الطعم فليه الغلبة

المهم بعد ماتغلي صبيها في الترمس وغطيها ورجي الترمس عشان يختلط الاشياء وهذي الحرة حلوة ومهمة

وبس اشربيوراح تدعيلي

ومستحيل احد شرب قهوتي وماسالني عن الطريقة والشغله كلها ماتاخذ 10 دقايق
15-03-1433 هـ, 02:42 مساءً
 
ماشاء الله البنات كفو ووفو
15-03-1433 هـ, 05:50 مساءً
 
موفقه
15-03-1433 هـ, 06:39 مساءً
 
رـفــــــــــع
15-03-1433 هـ, 07:03 مساءً
 
اشتري قهوه رقم واحد حلوه وثقيله

كل يسال عنه عندنا جربيها روعه
15-03-1433 هـ, 07:10 مساءً
 


الساعة الآن 06:58 .