لااله الا الله

بنت حوا أخذت فكرتك ربي لايحرمك الأجر يااااارب

ررررررررررررررررففففففففففففففففففففففععععععععععععععع

بالتوفيق

المشهد الاول(الماضي) "هند+دانيه"

الطلبات"لعبه"

الام تشاهد التلفاز بحزن: اللهم انصر المسلمين وأذل اعداء الدين

البنت تلعب ثم تترك العابها فجاه بعدما شاهدت تاثر امها:ماما من هؤلاء الاشرار؟

الام: الصهاينه.

البنت:الصهاينه؟!من هم الصهاينه؟

الام:هم عدو المسلمين الاول.كانوا مشردين في دول مختلفه فلا يوجد دوله تريد ان يبقوا على اراضيها .لذلك اختلقوا القصص والاكاذيب بان فلسطين هي دولتهم واستوطنوها بالسلاح..لكنهم لم يستطيعوا مقاومة قوة المسلمين في الدفاع عن اراضيهم والمسجد الاقصى. لذا فهم يخططون ليل نهار ليضعفوا قوة المسلمين

_____________________________________________________________

المشهد الثاني( الحاضر)"هند+***"

الطلبات "جوال+قهوه وفناجيل+بودره للشيب"

*** تكلم بنت جيرانهم وصديقاتها ف التلفون:لا ياريم اعذريني انت تعرفين رايي في هاالتجمعات وانا ودي حتى انت ماتروحين

لاني اخاف عليك واحب لك الخير مثل نفسي.

تسكت شوي ثم تكمل:ما اقول إلا الله يحفظك ياريم.انتبهي لنفسك.

الام تتقوى:وش عندها ريم؟

البنت:البنات مسوين حفلة دي جي وتبيني اروح معها.الله يهديها اليوم جايتني مبسوطه تقول امها سمحت لها تشتري التنوره القصيره اللي شافتها في مانقو..وفصلت عباة كتف لزوم الحفله..قلت لها:انتبهي ياريم،الانحراف يبدا بالتدريج

سكتتني وقالت:بلا تعقيد بلا تعقيد.

الام:الله يهديها هي وصديقاتها اللي ضيعوها..

البنت تمسك جوالها  شوي ثم تطير عيونها:ياالله مو مصدقه..استغفر الله..استغفر الله

الام بخوف:بسم الله الرحمن الرحيم.وشفيك؟ احد مات؟؟؟

البنت:لا ..اشد اشد...هذا واحد كاتب كلام مايرضي احد..الله يرده لدينه

الام:اكيد انه كافر

البنت:هذا ليبرالي يمه

الام:لبرراري؟!وش برايته؟

البنت:اليبراليه او العلمانيين ..هذولا مجموعه من الناس يفصلون الدين عن الحياة العامه..مايحكمون دين ولاسياسه

يقولون دين الانسان ضميره وبس..ومعجبين مره بحياة الغرب.على ان الغرب نفسهم مو راضين بعيشتهم ويطالبون

بحقوقهم وعندهم نسب الجرايم والانتحار عاليه..ومع ذلك العلمانيين يطالبون بالانفلات المطلق اللي يعيشه الغرب

 

المشهد الثالث(المستقبل)"هند+     "

ريم:خالتي؟شلونك ان شاء الله بخير.

هند ماعرفتها:ياهلا  بخير الحمد لله..من انت؟

ريم :انا ريم صديقة *** بنتك في الثانوي..شلون *** بشري عنها

هند:ياهلا وغلا..*** بخير..

ريم:وش اخبارها بعدي؟؟

هند:الحمد لله..هي الحين تدرس في الجامعه،وولدها محمد الكبير هذي اخر سنه له يدرس جراحه الحمد لله،

والثاني امام الجامع الي في حيهم،اكبر بناتها تدرس هنا في الدار..غلا انت وش عندك هنا في الدار ووينك انقطعت اخبارك عنا

ريم بحزن :ايييه ياخالتي قصتي طووويله.. ماشيت صديقات السوء وضيعت نفسي وبيتي، قبل  سنتين اصريت اسافر اكمل دراستي ف الخارج.وتركت اولادي هنا.ويوم رجعت لقيت عايلتي ظايعه..ولدي طاح ف الشلل والاستراحات وبناتي

بناتي ظيعتهم بيدي ياخالتي..والحين عرفت اني ع الطريق الخطا..وبديت من جديد والتحقت بالدار وهذي بداية طريقي للخير باذن الله

هند:الحمد لله اللي ردك يابنيتي..والبعد عن الدين ابد ماهو تطور

ريم:صحيح ياخالتي،الذكي اللي يتعظ بغيره، ولا يسمع كلام اعداء الدين  اللي يغزون الواحد في محله ولانهم  ماقدروا يقاومون المسلمين بالسلاح صاروا يستهدفون المسلمين بناس منهم وفيهم.وبدلوا غزو السلاح بغزو الفكر..حتى يضعفونهم

لكن  

"يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ"

"يريدون ليطفئوا نور الله بأفواههم والله متم نوره ولو كره الكافرون"