16-06-1426 هـ, 11:35 صباحاً
 
16-06-1426 هـ, 03:36 مساءً
 
ماقصرتوا عالمرور الغاليات
16-06-1426 هـ, 06:20 مساءً
 
السلام اول الكلام...

عزيزتي اميرة البحــر ..

أحييج على هالذوق الراقي .. فعلا مجموعة روعة وتنم عن تصميم وحدة ذويقة .. عيني عليج باردة .. بس حبيبتي انا عندي كم استفسار.. لوسمحتي

الحين لو بغيت اطلب من عندج نفس الديزاين او التصميم بس بتعديل معين او اختيار احجار ثانية بدال اللي موجودة في الصور .. يصير؟؟ لأن الخاتم الاول وغيره من الخواتم عاجبيني بس المشكلة ان محيط الاصبع العريض مايناسبني او مااحبذه فلو بغيت نفس الديزاين بس محيط الاصبع يكون اضعف شوي ممكن توفرينه لي

واذا بغيت ديزاين ثاني مختلف تماما عن اللي في مجموعتج .. شلون؟؟ تقدرين تسوينه لي والا بيعج مقتصر على اللي معروض ؟؟

وياريت تعطيني تفاصيل اكثر عن كيفية الدفع وكيفية شرح التصاميم اللي ابيها وعن كيفية متابعة سير الشغل يعني البروفات للقطعة واذا بغيت اي تعديلات على القطعة اللي ابيج تصممينها لي ؟؟

وعن نوعية الالماس اللي تستخدمينها في القطعة .. هل هو بلجيكي وأي درجة ؟؟

لأني اشوف ان اسعارج بالنسبة للتصاميم جدا مناسبة بعكس الصايغ اللي اتعامل معاه .. صدقيني لو قطعة صغيرة وبسيطة اطلبها .. يشلخني بالسعر .. ولين قلت له وهذا وانا احسن زبونة عندك وجذي ؟؟ يقوللي مدام.. انتي تبين افضل نوعية من الالماس .. ويخليني ادفع بالالاف على بروش صغيرون ابو 13 حبة الماس و6 حبات زمرد..تصوري؟؟ مع ان الحجر اللي يكون بوسط الالماس من عندي بعد!!
مع ان تتوفر عندي على قطعة اقتنيها شهادة ومن كل مكان اشتري منه مجوهراتي (( خصوصا الالماس والاحجار الكريمة)) لأني افضلهم على المشغولات الذهبية .. بس بعد مثل ماقلت لج يشلخني بالاسعار .. يعني اقول لو ديزاين ثقيل مهب خساره فيه
لكن الاستغفال والاستغلال منه ماحبيته .. واضطريت اوقف تقريبا التعامل معاه .. واقول تقريبا لأن بعدي مااستلمت طلبياتي الاخيرة منه .. وحتى صديقاتي قالولي خليه عنج .. ودوري على غيره .. والله مكثرهم .. وانا في صدد الآن اني اودي القطع الموجودة عندي مع شهاداتهم للوزارة عندنا .. علشان يشوفون اذا فعلا هالقطعة تستاهل هالثمن .. يعني شغلات ترخيص واثبات جودة ..

عموما عزيزتي .. واسمحيلي ان كنت طولت عليج .. احب الديزاينات الناعمة واموت في الديزاينات الانـتــيــك والكلاسيك وماحب صرعة الموضة في المجوهرات اللي سائدة هالايام.. مادري اذا تقدرين تزوديني ببعض التصاميم اللي تناسب ذوقي عندج
وتعلميني عن تفاصيل اكثر وياريت لو احصل على رقمج ورقم محلج واسمه والبزنس كارد لج او للورشة وياريت لو تعلميني عن اي ضمانات ممكن تقدمينها عند عملية البيع والشراء

والسموحة على الاطالة اختي

تحياتي
16-06-1426 هـ, 08:22 مساءً
 
إختي الغاليه قلب طاهر من حقج تسألين اللي تبينه وكل أسألج جوابهن بتلقينه عالخاص وماقصرت يالغاليه عالمشاركه
17-06-1426 هـ, 08:27 صباحاً
 


الساعة الآن 01:10 .