قلبي يعورني لكم أم حرمت من أطفالها الله لا يحرمكم منهم و لا من ريحتهم أدعولي

السلام عليكم بنات
أنا إلي زوجي أخد أولادي مني أدعو لي فيني حرقة قلب على أولادي يالله رحمتك رحمتك تواصلت أنا زوجي لاكن الجفا مزروع و يبغى يغربني عن ديرتي و يستبد بظلمه لي لوحدي بالغربه
مو لي تسال ليه ما جربت المحاكم قلت بخلي خط رجعه و ما ابغى المشاكل من خاطر عيالي ممكن ارجع ما يبنغى يرجع لي عيالي و لا يبغى نتفاهم أنسان ظالم يا رب لك الحمد كما ينبغى الحمد لله على كل حال يا رب لطفك و رحمتك قلبي ما تحمل و لا يتحمل فراقهم احس ما في حلول لاكن املي بربي كبير و الله يا بنات تعبت تعبت
ما يقتلك في قلبك غير عيالك مو قادره احس بقلبي ألم ما قد حسيت فيه
يا رب ما ادري هذا الكلام إلي بقوله صح لكن انا جملت و تعبت و لدت وربيت و علمت و شلت و طعمت و حضنت
من أي مبداء ياخذهم مني لسه صغار يا رب رحمتك يا رب رحمتك أنا ضعيفه و أرحمني أبغى أعرف كل أم أنحرمت من أولادها كيف عايشه بدونهم و كيف صبرت روحها ساعدوني حتى بدعوه منك لا إله إلا الله
اعتذر يمكن كلامي مو مرتب دموعي سابقه عباراتي و أنا جالسه أدور في النت لقيت شعر زاد ألمي لأن عبر على الأقل ربع إلي بدخلي






ماعاد باقي في حياتي عناوين
أعيش في ذكرى عيالي حزينة
..
أم أمتلكها الحزن بفراق غالين
تربت يمين اللي يساره يمينه
..
يالله ياللي لك عبادك مصلين
تردلي عمري وفرحة سنينة
..
تعبت ادورهم من الحين للحين
حنين قلب الأم يغلب حنينة
..
ياولدي أنته وين بالله قل وين
يادمعة اللي منحرم من ضنينة
..
اللي أخذكم مني ببطش يدين
يحرمه ربي من رضا واالدينه
,.
غيابكم كيف أختصارة ببيتين
غيابكم دمع القهر والغبينه
..
مافيه أحد يسأل دموعي من العين
كيف البحر يسأل حطام السفينة
..
روحي تبيكم لكن الواقع الشين
يرد روحي للمسا والسكينة
..
بلغ صغيري سلامي سلامين
وبوس وانا أمك ملامح جبينه
..
أحضن صوركم يصبح الحضن حضنين
والمح صوركم في دروب المدينة
..
وش أكلكم؟هو صحن؟أو أكل صحنين؟
وش من ملابس ياترى لابسينة
..
دمعي انجرح دمعي على موس خدين
أبغى الخبر يمكن تقلي (جهينة؟)
..
البعد والذكرى غدوا ثقل حملين
أشيلهم بالدمعة المستكينة
..
يارب يارب الضعوف المساكين
ترد لي من غاب وترد دينة
..
يالله ياناصر نبيك بحطين
نصرك على دنيا بغيضة لعينة
..
والله ماعاد أدري وأنا أمك أنا وين
لاعاد لامرسى ولاعاد مينه
..
الله يعين اللي مفارق محبين
قل يا ولدي مثلي الله يعينة
..
بلغ مها قلبي وحضن السكاكين
وأبلغ منار الموت ومشيعينة
,,
وابلغ لعبدالله سلامي سلامين
وبوس وأنا أمك ملامح جبينة
..
الشعر منقول
تمنيت أقولكم كل الموضوع منقووول لاكن للأسف منقول موضوعي من قلبي