السلام عليكم ورحمة الله وبركاته

كيفكم بنات حواء

عندي مشكله وابيكم تسساعدوني..~

مشكلتي هي اني اسوي عجينة خلية النحل وابدا ماتزبط والقهر ان زوجي يموت فيها وكم مرا يطلب واتعذر وخذيت
كذا وصفه من منتدانا وكذا منتدى والله يمكن اكثر من ستين مرا سويتها ابدا ماتزبط العجين يطلع يجنن بسس المشكله بطعم ماحس ابدا فيها طعم واحسها زي البسكوت موعجينه قاسيه وغريبه تكفوووووووون ساعدوني والله ابتلشت والله لدعيلها اللي تقولي شسوي

طولي في مدة العجن والافضل تعجنيها بمويه دافيه مو بارده ولا حاره
العجينه بعد ماتعجنيها خليها تتخمر ساعه وبعد الفرن حميه قبل ما تدخلينها بنص ساعه او ثلث ساعه ودخليها بس ماتطول مره
يمه فقدت بيتنا
تأكدي من الخميره الفوريه
ومن كميه الزيت
ومن طريقة العجن ومدة التخمير

انا اسويها بها العجينه
4ملاعق زبادي
نص كوب زيت
4 ملاعق سكر
4ملاعق حليب مجفف
و1ملعقه خميره فوريه
و1ملعقة بيكنج باودر
وكوب مويه
و4 اكواب طحين
ورشة ملح
اخلطي السوائل ثم ضيفي الطحين
واعجني حتى تصير العجينه مزبووطه وما تلصق لا بيدك وولا بالعلبه اللي عجنتي فيها
تصير ناعمه قفلي عليها العلبه مدة نصف ساعه ثم احشيها جبن وكوريها ورصيها في الصينيه
واتركيها تتخمر قبل تخبزيها ربع ساعه
ثم اخبزيها مدة 20 دقيقه
وممكن تحشيها مارس
او كت كات
وتصبي على الوجه صوص 3حبات كيري ب3ملاعق حليب مجفف ب3ملاعق سكر ب3 ملاعق قشطه اخلطيهم في الخلاط صبي على الوجه
تطلع جدااا لذيذه
وبالجبن سقيها بالشيره بس لا تكثري
وممكن تكون بدون شيئ حسب رغبتك
والله يهنيك فيها جربيها وبأذن الله تدعي لي لاني دائما اسويها بها الطريقه ولا قد خربت علي
بس تأكدي من الخميره الفوره
والعجينه اللي تاخذيها شوي سمكيها عشان تنفش اذا تحبي القطعه تكون حلوه
انا اسويها بعجينة العشر دقايق مره تطلع روعه لنجاح العجينة الدقيق له دور انا استخدم الكويتي وكمان كل ما طولتي بالعجن صارت العجينة حلوة واهم شيئ تصبري على العجين حتى تختمر لحالها ويكون الفرن حار قبل تدخلي الصينية


الساعة الآن 07:52 .