استشاره .. اطلب الطلاق أو لا ...

السلام عليكم..

بإختصار سأحكي لكم قصتي

انا متزوجه من 4 سنوات ولدي طفله..

زوجي انسان لا يحسن التودد ولا الكلام عنده نقد دائم بدون تقدير لكل ما أفعله ..

في بدايه علاقتي معه وبالملكه وشهر العسل كان بخيل جدا جدا بالمشاعر رغم انه وقتها كان يقول انه اختارني بأرادته واني يوجد لدي صفات احبها

لم اشعر اني زوجه يوما لم اشعر أيام الدلع مثل باقي البنات لم اسمع منه كلام معسول او غزل او حتى مدح لما اقدمه

فأنا ولله الحمد وبشهاده الجميع بستثنائه انسانه اهتم بنفسي ومعاملاتي مع الغير راقيه الكل يحترمني ويقدرني ويراني مثاليه بكل شي

لم اقصر معه بحياتي الزوجيه من ناحيه معشر ونوم وأكل ولبس و و و

عيبي الوحيد لكي تكونوا بالصوره اني مع تراكمات الامبالاه بمشاعري وانوثنتي انفجر أحيانا وارادده اذا حصل مشكله وابين له وجهه نظري وهو يعتبر هذا قله احترام ...وهذا شي طبيعي لأن لا يوجد رصيد له عندي .. واثناء الحوار يشعرني اني غير انثى ولا استحق الكلام الجميل وفوق هذا كله حتى وان كان هو المحخطيء اتنازل غالبا واراضيه

حاولت ان اغيره واعبر له برغباتي وانني انسانه عاطفيه الكلمه الطيبه تؤثر فيني كما السيئه تغير أقل من شهر عشت فيها سعيده واعتقدت ان ربي اخيرا استجاب دعائي

لكن مع اول نقاش رجع كما كان واسوء

معاملته معي جافه جدا رغم اني أعلم اني أفضل منه بالعطاء وهو يعلم ولكن لا يريد ان يحسسني بذلك

قلت بنفسي لا اريد منه شي اهم شي لا يضايقني بالكلام الجارح

اعطيته شروط وقلت له تريد علاقتنا تستمر

لا اريد منك شي الا انك تعاملني بإحترام ولا تخدش انوثنتي ولا تبخل علي بالمصروف

رغم انه يعطيني مصروف شهري الا انه يحسسني باني لا استحق ويشعرني ببخله المادي وكل شي اطلبه منه يجب ان يقتنع به

يحب نفسه كثيرا فمهما تضايقت او زعلت او بكيت فدموعي لا تحرك به ساكن ينام ويداوم ويفعل كل شي

اهله يحبوونني ودائما يمتدحوني عنده والعكس ايضا امه وهي امه قد جائتني مره تبكي لأنه عاملها بسوء

وعندما اقول له ان اهلك يرووني كما انا ويحبونني وسافرت معهم و و يقول لي : اهلي يجاملونك !!

اذا صليت الليل يتسلط ويقولي وهو على الفراش يشهد ربي اني مو راضي عليك تصلين وتتركين زوجك!!!
كم مره قالها

وانا ما اظلمه دينه كويس ويخاف الله لكن ليش مايحبلي الخير...قلت يمكن فعلا يبيني

في كل نقاش لما اسأله فما معناه ليش ماتعبرلي عن حبك وانا ادري انك تحبني

يحسسني ان لا شيء واني ما استحق الكلام اللي يقوله وان مافيني اي شي مميز وكلي عيوب

واذا قلتله ايش معنى انت تشوفني كذا وبرغم اني ماقصرت معاك والناس كلهم يشوفوني عكسك

يقولي الناس مثلي اول ماعرفتك لو تتهاوشين معهم عرفوك على حقيقتك !!!!!


رغم اني احبه وسويت علشانه كل شي اهتم بكل تفاصيله دايم احاول امدح رجولته وان زوج ناجح قلت يمكن هالشي يغيره

اذا صارت مشكله وتنازلت احسه يبعد اكثر واكثر تعبت وانا احاول اصلح نفسي علشانه واصير مثاليه زي مايبي لكن خلاص هو زي الذبابه مايشوف الا الشي اللي مو حلو

عممممره مامدح شي اسويه لا طبخ ولا لبس ولا شكل ولا شي

احيان احسه يغار مني ومايبني اكون افضل منه

دخلت دوره قران عبر الهاتف يعني احفظ واسمع وانا ببيتي وكان جالس يلعب بجهازه وطلبت منه يسكت شوي علشان احفظ

قالي انتي فيما معناه مكانك بيتك وبنتك و كأني جاريه مالي حق يصير عندي هوايه او حتى اهتم بشي لآخرتي

ويقولي ربي يشهد اني ماني راضي تحفظين قرآن وتهمليني وتهملين بيتك !!!!!!!

حفظي بنتك الكلام الزين مو الكلام شين !!

لأنه بس تقول كلمه حيوانه وتعرفوا الأطفال في هالسن اي كلمه يحفظوها وانا الحمد لله ماني انسانه لعانه

يحسسني ان كل شي اسويه ولا شي...قلتله ليش ماتقدر اللي اسويه وكنت توني قايله له اني احبه واقدره...... قالي انا ماعندي تقدير ازعجتني بالتقدير ولا تقولين لي كلام زين ولا شين عاملني انسان عادي

ياربي وقتها مدري كيف اتعامل مع انسان كذا كل نقاشاتنا سخيفه مايعرف يتناقش معاي كأنثى ويجيني بأسلوب حلو ....رغم انه اذا بغى شي انا ماابيه عرف كيف يحسن اسلوبه

24 ساعه ماسك ايفونه او ايباده حتى واحنا طالعين مطعم سوا لا يسولف زي الناس ولا ياخذ ولا يعطي

في البيت ياجالس يشوف مباريات ياطالع علشان يدخن والدخان كان مشكله بحد ذاتها لاني مشترطه انه يبطل الدخان وبطله فتره ورجعله وانا ماادري لكني مشيتها وتنازلت ولما ناقشته طلعني الغلطانه

انا مادري وين الخلل بحياتي حاولت اجيب لكم مقتطفات ابيكم تساعدوني انا ع وشك اطلب الطلاق لأن حياتي معه اذا هذي بدايتها وعند كل مشكله يحط اليوم علي ويجرح بالكلام ولا يقدر قيمتي كأنثى وزوجه كيف بعد 7 سنوات وفوق

تكفون قولولي رايكم انا احس بيجيني مرض نفسي بسبب أنسان بارد عاطفيا بخيل علي ماديا منان لو ما أطلب الشي ماعطانياه ... يقلل من قيمتي ولا يقدر اي شي اسويه ويقولي لا تسوينه اذا تبين مقابل انا ماابي مقابل انا ابي تقدير وان اللي اسويه يحس فيه ... انسان مايشوف الا الشين الرين لا يمكن يمدحه او يعبر عن رايه فيه


انتظركم:44: