الف الف مبروك والله اني فرحت لك
وادعي لي انهم يقبلوني لاني من زمان ابغى اقدم عليهم
وابغى اسألك ؟هل طلبو منك ضمانات مثل ارض اومبلغ مالي؟
21-03-1433 هـ, 06:30 مساءً
 
انا غير ووووينك ردي على استفساراااااتنا بجد حيل متحمسه
ووبشري عسى زوجك وااااااافق
21-03-1433 هـ, 08:03 مساءً
 
الموظف ماقلي اي ضمانات لما سئلته بس هذي الشروط قالي ايوة احنا نبي نخدمكم

قالي تجين المقابله الشخصيه ومعك


موقع المكان>>قلت له باقي ماعندي مكان قالي عادي بعد المقابله استأجري ونجي نشوف المكان

اثبات سكن

كرت العائله


امممم زوجي باقي ماجاء البيت اول مايوافق ببشركم


بس لو ررفض اتوقع بيجيني اكتئاب كم يوم
21-03-1433 هـ, 08:13 مساءً
 
والله فرحت لك من قلب بصراحه من مده وانا اشوف مواضيعك واشوفك ماشاء الله متحمسه لتجاره ....الله يرزقك من اوسع ابوابه ويحقق مرادك يالغاليه

انا برضو قاعده افكر بالتجاره وانطط من شيء لشيء لين اثبت على شيء معين

الله يسهل امري وامر الجميع يارب
21-03-1433 هـ, 08:21 مساءً
 
اقتباس مشاركة  (صمت-)
بسالك حبيبتي انتي من وين
ووش الاسئله اللي سالك ياليت تفيدينا
لاني بصراحه كنت مفكره بمشروع ومعتمده ع صندوق المئويه بس قااالولي حيل يطوووووول يقعد شهووور واحيانا" سنه وعليهااا
وكم القرض اللي راح يعطونك

انا في الشرقيه

قالي وش مشروعك وقلت له

قالي حاسه ان المشروع بيفيدك وبتستفيدين منه

قلت ايوة وشرحت له ان المنطقه مافيها مشاغل قالي ممتاز يعني المشروع ناجح

قلت وش المطلوب بالضبط لاني سمعت بشروط تعجيزيه

قالي اول شي عندك موقع وكم مساحته قلت لا ماعندي قالي اوكي مومشكله بعد المقابله الشخصيه استأجري موقع بس اهم شي تجيبي معك بالمقابله اثبات سكن وكرت العائله وتشرحين للجنه افكارك واحتياجاتك قلت اجيب اوراق والا وش

قالي الافضل تتكلمين بنفسك لان اللجنه تبي تشوف قدراتك

قلت طيب انا مو موظفه ولا عندي شهادات كبيرة

قالي عادي انتي عندك فكره واراده وهذا يكفي

قلت طيب يقولون لازم اذابفتح مشغل يكون عندي دوره وشهاده

قالي لا كان اول الحين تقدلاين بدونها

سئلني كم تكلفه مشروعك قلت انتو كم بتعطوني قالي على حسب طلبك قلت سمعت انها 100الف قالي 150الف او 100الف او اقل على حسب طلبك

150الف اقساطها 2000

100الف اقساطها 1200
21-03-1433 هـ, 08:33 مساءً
 


الساعة الآن 01:08 .