Analysis Services
بنات جعل ربي يسعدكم اللي عندها اكلات صحية ماتمتن تقولها لي لان زوجي صار يخفف
وانا ماادري ايش اسوي له غير البطاط المسلوق هو مل منها وماعاد صار يتعشى بالمرة
حتى الفطور ماادري ايش اسوي له غير الجبنة واللبنة حتى صار مايفطر في البيت ارجوكم ساعدوني طفشت كل ماقدم له شي قال ذا يمتن تكفون ساعدوني بسرعة
منتظرة الرد
22-03-1433 هـ, 08:15 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
موفقه
22-03-1433 هـ, 09:41 مساءً
 
سلام عليكم

... كورن فلكس او بران فلكس مع حليب قليل الدسم وفواكه

فاصوليا حمرا المعلبه الجاهزا انا اسخنها بدون زيت واحط فلفل اسود واحمر مجروش وشطه مع نص رغيف بر

قطعه او قطعتين وافل او بان كيك مع ملعقة شيره او مربه

سندوتش جبن شريحة سلايس و2بريد بر او نخاله وتقدرين تحطين فيهم خيار وطمام واوقات احط فلفل رومي

فووول بدون زين مع خبز بر

بيض مسلوووق تقدرين تسوينه سندوتش ولا تاكلونه بطريقه الي تبونها

بقصم او شابوره بر

انا تقريبا اتعشه نفس الفطوور بما اني اخفف

بسكوت دايجستف مع حليب او قهوا

عجة بيض تقدرين تسوينها بملعقة زيت وحده

عندك انواع البقول بس لاتكثرين منها

سلطات سلطه يونانيه سلطة زيتون انواااع

ذره الاكواز كبده مه خبز بر او صامولي نخاله

شووربه

برجر تشوينه داخل الفرن مع صامولي او بريد بر وتحطين معه خضروات طمام والي تبيه

تبين دجاج لحم ستيك اشويهم داخل الفرن مع رز ابيض وسلطه

سمك مشوي وروبيان تشوينه داخل الفرن

بطاطس تسلقينه نص سلقه بعدين تتبلينه وتحمريه داخل الفرن رووعه بجد
او تشوينهااا فوق الفرن تغسلينها وتقصدرينها وتشويها

انا استخدم في طبخي للخضروات ملعقة زيت وحده واشوح بصل وفلفل رومي وفلفل حار وطمامط وكوسه الخضار الموجوده عندي واحط عليهم بهار وملح لين يدبلون وشويه ليمون
تقدرين تسوينهم مع صدر دجاج مشوي داخل الفرن ورز الابيض وسلطه

كل انواع طبخي استخدم بس ملعقه وحده من زيت


وبتوفيق ***** الله والله يكون بعونك
23-03-1433 هـ, 12:06 صباحاً
 
وانا بعد ابي اكل يساعد ع الحمية بخفف
23-03-1433 هـ, 01:07 صباحاً
 
قطعي دجاج ارباع مع حبه طماطم وحبه بصله وقرن فلفل وبهارات وملح وربع كاسه مويه وحطيها في قدر الضغط ربع ساعه بس
بعدين حطي الدجاج في صينيه وادهنيها بكاتشب شويه بس ياخذ لون وحمريها بعدين حطي المرق الباقي على الدجاج وتقدم مع رز وسلطه

هاذي الوصفه حلوه للريجيم ولا نقطه زيت
23-03-1433 هـ, 01:30 صباحاً
 


الساعة الآن 07:19 .