السلام عليكم
بنات تعرفون اني مخلصه دبلوم حاسب والى الان مالقيت وظيفه طبعا فكرت في مشروع صغير على قدي وهو
اني اروح الراشد والحين كله تخفيضات واخد لي اغراض زين وابيعها على الناس واني راح اسافر واجيب معي ايضا بضاعه بسيطه طبعا راح ابد براس مال صغير مو كبير واجد واحط الاغراض في غرفه في البيت وابيعهم بأسعار معقوله يعني مو فرق كبير وشوي شوي لين الله يكتب ويكبر المشروع
هاااااااا ويش رايكم لاتبخلون علي
لاني خلصت طفشت

الله يفتح عليك ويرزقك
اخيتى شفي ادخلى على موضوع الاخت صبا مثبت للاخت 11صبا11 وفيه موضوع لي عن اكثر من 100 وظيفه ادخلى وراسلى الشركه شغلهم جدا مربح وسهل جدا وبامكانك تدخلى منه خير غير كذا راح ياخذ وقتك من حلاوته وانت ماتدري والله يرزقنا واياك ولا توجعى راسك ببضاعة الراشد الى هي غاليه جدا حتى مع التخفيض لانهم ياخذون الاجار من ظهرى وظهرك وموفقه يارب
{لاإله إلا الله وحده لاشريك له له الملك وله الحمد وهو على كل شيء قدير}
سبحان الله وبحمده سبحان الله العظيم
الفكرة معقولة اهم شي يكون عندك زباين وتجبين الاشياء الضرورية مثل كريمات البشرة الشعر قمصان النوم ملابس البيت .
والله يوفقك وانا لو بالدمام كنت شاركتك( أمزح )
شمس الأصيل
اخدي البضاعه بسعر الجمله وبيعيها بسعر معقول ولو صار انك وسافرتي دوري على اسواق الجمله ولو جيتي الامارت عندك اسواق الجمله في دبي والله يوفقك ويوسع عليك ولكن وصية اخت لك في الله الصدق والامانه والكلمه الطيبه هي راس مال التاجر
العمر لا يقف عايقا امام الاحلام حققت حلمي واكملت تعليمي وتخرجت من الكلية تخصص هندسة ديكور وكل ذلك وانا جده وام لسته ابناء اكبرهم في عمر الثلاثين عاما والحمد لله رب العالمين
انصحك ماتاخذين اشياء مخفضه
الافضل انك تدورين سوق الجمله عندكم في المنطقه الشرقيه اوتعاملي مع شخص يجيبلك الاغراض اللي تبين بسعر الجمله كيذا بتستفيدين ***** الله
اذا حبيتي ارسليلي على الخاص ةنتفاهم


الساعة الآن 07:03 .