هلا اختي
راح أتكلم عن نفسي, انا عندي 3 بنات وولد الله يحفظه ويحفظ خواته يارب ويبلغني فيهم مبلغ حسن, طبعاً جبت الولد بعد الـ 3 بنات, ماتتخيلين كيف كنت شفقانة على ريحته وعلى كل شي في واأثر علي هذا الموضوع إلى هالحين لأني صرت أخاف عليه من الهوا الطاير وأمي دايم تدعي يارب تجيبين الثاني عشان نفسك تهدأ ويارب يستجيب لها عاجلاً غير آجل يارب وعندي صديقتي عندها بنت وحيدة واولاد نفس الحكاية تخاف عليها خوووف عظيم, لذلك يحصل لعكس لو اني جايبة 3 اولاد ورا بعض طبيعي أحن واشفق على البنت, غير كذا الولد خصوصاً في السعودية مهم جداً هو يودي ويجيب ويهتم بخواته ويصير لهم عون وسند حتى في مشاكلهم مع ازواجهم بعدين, الولد والأخ عزوة, انا عندي اخوان واحس ان زوجي مايقدر يقولي اي شي اذا قلت له بقول لاخواني, تحسين فعلاً لهم هيبة على الرغم من انهم كلهم اصغر مني ومنه لكن الله يحفظهم رجال ولهم هيبة, طبعاً أنا حامل الحين بالسادس وقالوا لي بنت مع اني عملت بكل الاسباب عشان أجيب ولد لكن ربي كتبها بنت ووالله ضاق صدري يوم دريت مش اعتراض على حكم الله, اكيد لا , عشان كنت ناوية ما احمل ولاافكر بالحمل مرة ثانية خصوصاً اني عمليات وتعرفين مخاطر العمليات القيصرية, وودي ومنى عيني ومن جبت ولدي وانا أدعي قايمة قاعدة اني اجيب اخ لولدي عزوة له, يشاوره ويكون له عون وعضيد في كل شي خصوصاً أننا في عيلة زوجي اغلبهم بنات ويفرحون بالولد. والله الولد نعمة والبنت نعمة والله لايحرمنا منهم ولاتنسين في كتاب الله لما قالت ام مريم لما انجبتها ( لَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَى, وَلَيْسَ الذَّكَرُ كَالْأُنْثَى ) وكثير آيات فضلت الرجال على النساء مثل ( لرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ )
صدق الله العظيم, لذلك لاتلومون الرجل او المرأة إذا تمنوا الولد وطبعاً يااختي تمني الولد لايعني أننا بنرمي بناتنا بالعكس حنا نتمنى الأولاد عشانهم ومثل ماتعرفين مجتمعنا السعودي ماتقدر الوحدة تروح وتجي بدون رجل صح ولا لا؟ والبيت اللي مافيه بنت بصراحة ( قبر ) بإختصار, البنت ملح البيت ودلوعة أهلها لكن حلو يكون له اخو واثنين وثلاثة وبرضه لها خوات يكونون سند لبعض لاغمضت عيوننا.

اعتذر عن الإطالة لكن اشرح وجهة نظري اللي اتوقع تمثل كثير من النساء.
ودعواتكم ربي يسهل علي ولادتي ويرزقني بعدها بالحمل اليسير بالولد الذكر الصالح يارب العالمين ويحفظ لي بناتي وولدي ومافي بطني وكل احبابي, ولكم جميعاً هذا الدعاء يارب ومن قال آمين.

الولد عزوه لنا ويخدم البنات وشي طبيعي الي ربي رازقها بنت تتمنى ولد
زينه للحياه الدنياء

والي عندها بنات مستحيل ما تتمنى الولد فطره يا اختي في قلب كل ام
واعرف حريم ازواجهم راضين بس هم يتمنو اولاد

والي عندها ولد تتمنى بولدثاني يخدمون ابوهم ويشولونه في غيابه وامور البيت

الله يرزقنا اولاد وبنات صالحيييين
وترزق كل وحده محرومه

والله كلهم خير وبركه وكلهم نعمه من رب العالمين

عن نفسي افضل البنت اكثر

لكن انا اعيش في مجتمع خليجي سعودي وهالمجتمع يفضل الذكر على البنت

ويعتبرون اللي عندها بنات كثير بلا ولد انها حسود وبتحسدهم لان ما رزقت بولد ذكر

عشان كذا تتمنى الوحده تخلف الولد

الحمدلله ربي رزقني بكري بنت ورزقت وراها على طول ببنوته جميله وخفيفة دم وحبوبه ومرحه لكن للأسف

عند اهلها غير مقبوله ليه؟؟؟! لانها البنت الثانيه !!!

واحمد الله ليل نهار ويارب لك الحمد والشكر انه رزقني بولد وفرحتي فيه لما عرفت انه ولد غير عن فرحتي بالبنات مو كرهاً للبنات

بس كونه بيسد افواه الناس وتصرفاتهم البايخه معي

وماعاد يهمني الان لو يجيني 10 بنات .......

أنا عن نفسي عندي ولدين وبنت وبصراحة نفسي ببنت ماأبي بنتي تكبر لحالها بدون اخت وبصراحة احس البنات الحين افضل من الولد تجلس مع امها تونسها وتساعدها وتسولف معها وتاخذ رايها انا واخواتي 4 وكلنا صديقات لأمي افكارنا قريبة من بعض ...

ووحده من قرايبي عندها 8 بنات وولد واحد بس تقول ياليت ربي خلقه بنت وريحني اشقاها الضعيفة ومسبب لها هم...
طبيعة البشر تختلف من وحده لثانية....

المجتمع ثم المجتمع ثم المجتمع ، صدقيني اعرف نسوان يحبون البنات بس الناس اللي حواليها ماتخليها تفرح بيها تظل تسئل ايش قالت الدكتورة ولد او بنت ، يالله ان شاء الله المرة الجاية ولد ، واذا جابت بنتين ورا بعض يظلوا يسألوا اكثر ويضغطوا عليها اكثر وحتى الزوج انا اشوف انه احيانا وغالبا مايكون كثير مهتم بس من اصحابه واللي حواليه يتغير بس في النهاية الام لازم تكون قوية ومؤمنة بالله عشان ماتتأثر بكلامهم وتكون ردة فعلها ضارة بالبنت اللي مالها ذنب ، ماادري اشوف الاجانب يحبون البنات اكثر ولما تحمل بولد ماتكون فرحتها قد لما تكون حامل ببنت ، وترا ماهو عيب ان الوحدة تتمنى ولد بس العيب انها لما تعرف ان اللي بطنها بنت تكره نفسها وبنتها