Analysis Services
هذي الشعيريه مااستغني عنها في بيتي
مو نفس الماركه لكن نفس النوع
ممكن تسويها حاليه زي ماقالوا الأخوات
او مع الشوربات قبل مااطفي الشربه ب5 دقايق اضيفها لأنها تستوي بسرعه
والذ شيء هو الرز بالشعيريه
تكوني عادي منقعه الرز وغاسلته
وتحمسي الشعيريه بشوي زيت او زبده وإذا تحمرت تضيفي عليها الرز وعادي كانك بتسلقيه
تضيفي المويه والملح وكم حبة هيل يطلع رووعه
ويطلع احلى من الرز الابيض الساده
29-03-1433 هـ, 03:55 صباحاً
 
هذه نسوي منها بلاليط
تسلقينها باماء نص سلقه دقيقه بالكثير وتصفينها وتضيفين سكر وهيل
بالقدر بصل مفروم ممكن تستغنينه عنه مع الزيت بس يتغير لونه تحطين البيض
وملح وفلفل اسود رشه وزنجبيل وهيل رشه
وتخلطين الشعريه معه وتتركينها على نار هاديه مع رشه ماي ورد وزعفران
29-03-1433 هـ, 05:46 صباحاً
 
هذي في البحرين نسميها ... بلاليط
نسخن موية لين تغلي
ونحطها فيه ولما تحسينها صارت لينة وتحسينها للحين ما إستوت كويس
صفيها في المصفاة
بعدين حطيها في القدر وعليها ملعقتين كبار زيت نباتي
وحطي عليها ثلاث فناجين قهوة >> سكر
وحطي هيل مطحون وإذا حبيتي زعفران
وخلطيه على خفيف وخلي النار خفيف مرررررة
وتركه عالنار لمدة تقريبا 20 دقيقة
ونقدمها مع بيض اومليت
وإن شاء الله راح تعجبك
هذي الأكلة نحب نأكلها بالأعياد عالفطور الصباحي... وأحيانا عالعشاء
29-03-1433 هـ, 07:15 صباحاً
 
ليه متورطه بالعكس حلوه

جربي طرق الاخوات وانا وزوجي نحبها حاليه مع قشطة التاج بجد لذيذه
29-03-1433 هـ, 11:57 صباحاً
 


الساعة الآن 06:36 .