ابي رايكم في ساسبورق النمساويه ومدينة بادن باد الالمانيه كثير مدحوها لي وافكر ازورها بس بعد ماتعطوني معلومات عنها وافيه اوعن مدينه يمكن الانتجاع فيها بشرط تكون حلوة وامينه ودعواتي بالتوفيق.
هلا حبيبتي.. انا رحت سالبزبورج.. النمساويه..

بصراحة قطعة من الجنة على الارض..

لكنها غالية ناااااااااااااااار.... بصراحه انا ما طولت فيها عشان جذي ما اقدر افيدج ..

والله يهنيج حبيبتي..
هلا بأختي ام تولينا
انا بصراحه رحت لسالزبورغ....مررررررررررررررررة حلوة وتاخذ العقل روحي لها والله ماراح تندمي أمان وجو وخضار يرد روحك

شوفي ياعمري انا من النوع الي مايحفظ اسماء فكنت اسجل كل اسم شارع بنوته عندي لكن انا عندي والنوته والصور ببيتي راح اوصف لك

1)ساكنين بأوتيل اسمه صاخير هو تاريخي لكنه حلو الفطور عندهم يأخذ العقل لأنه يطل على النهر,,النهر هذا في سفينه صغيرة كل ساعه تمشيك على طول سالزبورغ حلوة

2)قدام الأوتيل كله اسواق بكل الماركات الموجوده في السعوديه وفي متحف الموزارت

3)في عندهم ساحه كبيرة يكون بعض الأحيان عرض لمختلف السيارات وخيول وناس تعزف وناس ترسم وناس تبيع ومليان مطاعم وكافيه...
3)في كثير مطاعم فيه مطعم ايطالي صغير جو حاره القعده عاديه لكن اكلهم كويس وفي كافي وسناك هذا يجنن القعده مره حلوة لأنها في الروف وتطلين على النهر ومرة زحمه هذا جو اوتيل يطل على النهر راح
4)في منتزه فوق جبل نسيت اسمه بس احلى حاجه روحي بالباص مو بالسيارة تبعد عن سالزبورغ 10 دقائق داخل الحديقه اشياء تاخذ العقل متاحف وتكون مثل القروب يحكون لكم قصه وانتم تمشون المويه تطلع مثل النوافير من تحتكم....تجنن
5) في مثل القطار يمشي فوق الجبل(نفق) تشوفينه وانت جالسه على النهر لكن بصراحه انا ماركبته اخاف.
6)حلو لو تركبين سيكل(دراجه) لو تعبتي من المشي.
7)في حديقه مشهورة عندهم مقابل فندق صاخير عكس اتجاه النهر مررررررررررة كبير وكلها ور تصلح تصورون فيها
8)عندهم سينما لكن مافي باللغة الإنجليزية كلها ايطاليا والماني
9)عندهم محلات شنط مرة حلوة

هذا الي اعرفه واعذريني مااحفظ اسماء((متعقده من نفسها ))
هلا باختي ام تولينا اولا عندي سؤال شنو معنى اسم تولينا ؟؟؟
ثانيا انا رحت سالزبورج وما عجبتني ....
اللي عجبني فيها زلمسي احلى بكثير من سالزبورج وفي منطقه تبعد عن زلمسي 10 دقائق بالباص اسمها سلاباخ فيها منتجع ريفي حلووو اسمه هانت قيلم منتجع ريفي حلووو راح تستانسين فيه وفي بحيره زلمسي بس المنتجع هذا عندي احلى واحسن فيه تل فريك ومزارع مثل اللي انشوفهم بالرسوم المتحركه وفية مزارع صغيرة فيها حيوانات للاطفال وراح تستانسين وادعيلي
اي نسيت اقولج ترا الجو بالنهار بسالزبورج مو حلووووو يعني في حر اسكني بفندق فيه تكييف وبعدين جو زلمسي روووووعه فعلا من قال انها قطعه من الجنه في الارض وعلى فكره المنتجع اللي بزلمسي فيه كل شي من تأجير الدراجات الهوائيه ( قاري ) وفنادقهم حلوووه والمنتجع عباره عن مراعي خضراء وجبال وتل فريك حتى بالليل وانتي قاعده بحديقة المنتجع راح تشوفين بالليل ليتات تضيء صغيره وهي عباره عن قطيع من الماشيه راجعه لبيوتها فعلا والله منظر روعه مثل مراعي هاااايدي اللي بالرسوم المتحركه
وبالتوفيق مقدما


الساعة الآن 07:10 .