بنات وش مستلزمااااات النفاس من الادويه الشعبيه الله يخليكم ساعدوني

قشر القهوه رائع
الرشاد حطيه مع تمر
اخلطي كمون ويانسون مع القهوه وزنجبيل

الماش روعه مع الشوربه يدر الحليب ويقوي عظامك


فققققققققط

وابعدي عن الحلبه تراها تسبب احتباس لسوايل الجسم وتسبب مويات تنزل منك وغازات وهوا

كيف طريقة قشر القهوة الله يسعدك يافي عيوني البشر

نضام اختنا قشر قهوه الله يوفقها ناويه عليه بنفاسي





يكفى ...

اذا انتى بدوره المشوار يكفيك ثلاث شهور

تحطين ادويتك بثلاجه لمده ثلاث دورات قدام

ومشوار واحد اذا انتى نفاس يكفيك الاربعين كلها

مع اخت النفاس ..

لاتقولين ماعرف

عجزت

حوسه


بتصير امورك حوسه اذا اهملتى

طلبت من بنتى تصور لكم طريقتى بالعلب

بس للاسف الجهاز مو ذاك الزود .. 

الموضوع بابسط صوره ...


علب النفاس والدوره

علب مهمه وضروريه لكل وحده

علبه .... علبه .... مابين ... رشاد ... وحلبه


خوذى لك كم علبه .... 



وحطى عليهم ورقه صغيره وسجلى عليها اسم الدواء


وابدى جهزى العلب بنفسك


علبه الكبو .....


هذه تكون وسط .. وتكتبين عليها بورقه صغيره كبو

ويفضل تكون بحمام .. دائم ... 

والكبو ...

خواجوا 

قرن بقره

فلفل هواء
كمون

قشر بصل

مره 

وتطحن المقادير 

لان الكبو الناعم يطول معك على الفحم وتستفدين اكثر

وتغلفين صحن بلاستيك قديم بقصدير

وتحطين فحم

وشوى من الكبو 

بوسط كرسى الحمام

واجلسى كانك تقضين حاجه

والبسى فوطه حتى بدون دم ....

الكبو اخر الايام

من دوره ونفاس

واكتبى على العلبه

اخر الايام ...

____________


علبه .... الطبخ 


تكون كبيره شوى

اجمعى فيها

حبه سوداء

ماش

رشاد

حب بدون طحن

وتحطين مع طبخك

المرقوق

المرقه

______________

علبه صغيرونه دواء قهوه

وهذا دواء قهوه شكل مبسط لكل مبتدئه

يكفيك تحطين كسره مره بفنجالك

او تجمعين بشكل مبسط

مره

عنزروت

مقل

وتطحن

وتحطين بفنجالك شوى ويكون فنجال كبير

وتشربين عليه قهوه عاديه بس بدون هيل

لان الهيل حار.. وانتى بدوره او نفاس تاكلين لهوم وتحر عليك بزياده

__________


علبه 

سفوف اولى ... ايام اولى

ابسطها

ماش + حلب

تطحن ..

ملعقتين صبح 

وملعقتين بالليل

واى لهوم او سفوف ماتشربين بعده مويه

او عصير

اشربى شاهى اعشاب

او حليب دافئ

___________


علبه سفوف اخيره .. ايام اخيره

وابسطها ..

محلب

رشاد

حبه حلوه

تطحن

وملعقتين صبح

وملعقتين بالليل

_________

علبه شاهى اعشاب

وتكون كبيره

وتجمعين فيها

كمون

دارسين

فوه

قيصوم

بدون طحن

وتطبخين مويه بابريق

وتحطين شوى من الشاهى

ويطبخ

ويحلى عادى ...

الشاهى طول الايام

ايام اولى + ايام اخيره بكل وقت

___________

علبه الخمس الفنجايل

وهذه مقاديره معروفه عندكم

تكون اخر ايام دورتك

واخر ايام نفاسك 

والعلبه تكفيك شهور قدام بس تكون بثلاجه

__________

علبه صغيره

فلفل اسود

مطحون

رشه مع اكلك

رشه مع الحليب الساخن

واكتبى عليها فلفل رشه

والفلفل طول الوقت 

______________

علبه صغيره رزنه

مطحون

مع كاسه الشاهى حطى شوى واشربى 

هذه كل وقت طول النفاس والدوره


___________

علبه غسول

وتكون وسط

اجمعى فيها

ارطا اعواد وقشر مان

واطبخى شوى منهم

بقدر ويركد

ويستعمل غسول

اخر الايام من دوره ونفاس

اول الايام ملح ومره افضل 

__________



هذه عشره علب 


10

انتى بحاجه لها ....

بكل دوره 

وكل نفاس

بشكل مبسط 

طبعا فيه ادويه وخلطات تدخل بتركيبها مكونات كثيره

وصعبه

بس اعذرونى ماقدر اقولها تخص الوالده ... وهى تاجره فيهم

بس الى قدرت اكتبه ويفيدكم كتبته ...

نظام علب بسيط

بس فيه فايده 

اذا استخدمتتى العلب وسط جو صح

يعنى وسط محافظه 

من الجوع

والهواء

والشمم

والترويش الغلط

والمشى حافيه

طريقة القهوه جيبي قشر القهوه واطحنيه وخذي مثلا ملعقه كبيره علي تقريبا قد كاسه كبيره مويه مغليه واغليهم شوي قبب لاتطفين ابقهوه بدقيقه حطي ذرة كمون وذرة يانسون ولو بغيتي نينخه وزنجبيل ذره وخليها تقلب قلبه وحده بس وطفيها وحطيه بترمس ولشربي بالهنا والعافيه


وياختي انتبهي من كثرة الاعشاب ترا هي ضاره ومامنها فايده وانتي بترضعين طفل صغير بطنه ومعدته ماتتحمل هالخرابيط اللي ياخذونها

خير الكلام ماقل ودل

وانتي اهتمي بالنظافه والتدفيه واتنشيف المنطقه وغسليها بملح خشن وما دافي وجففيها وحطي كريم ميبو تراه كريم سحري لجروح الولاده
وصلي الله وبارك

الدارسين 
والكمون  
 يانسون 
 قشر قهوه
 سكر نبات 
 نونخه 
فوه 
 قيصوم
شمر
رزنه 
ماش 
حلبه 
عدس 
حزاة
عباءة السيده
_____________________________
 
الرشاد
المحلب
حبه سوداء 
 قرنفل
 فلفل اسود 
زنجبيل
_____________________________
 
مره
عنزروت
خوا جوا
فلفل هوا
_____________________________
 
ارطــا
ملح فارسي
صبره 
قشر رمــان << هذا انْتَي تشترينه وتطحنينه احسسن !
 زعتر بري
لوبيا
_____________________________
 
 هذا اعشاب النفاس تسوين فيهم بذاير للاكل ولهووم مع الحليب اللي هي خلطه العتيبات والخمس فناجيل والغسول بااخر الايام

واذا تبين اذكر لك بالتفصيل راسلني خاص