السلام عليكم ورحمة الله ياحوائيات
بإذن الله راح يكون عندنا بالدار طبق خيري
وانا اطمح ان يكون مميز.. ومليت من الروتين اللي دايم
يسوونه بتلك الاطباق لا من ناحية الديكور ولا من ناحية الاطبااق
حنا دايم نسوي اطباق مكونه من معجنات بانواعها وقسم للحلويات وقسم
للشعبيات وقسم للاطفال وانا حابه اغير واجيب شي مبتكر وجديد ومميز
وابيكم الله لايخليني منكم ولا يحرمني من هالابداعات انكم تساعدوني
وتعطوني افكار وش نسوي غير المعجنات والحلويات
واللي عندها حركات للديكور لاتحرمنا منها الله يوفقكم ويسعدكم
ويجزاكم جنات النعيم ويفرج لكم كرب الدنيا والاخره
انتظركم حبيباتي
03-04-1433 هـ, 11:47 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
روحي لم المنتجات الوطنيه .. عندهم بسكوت الاسكريم الكرتون ب 25 ريال فيه 300 حبه جيبي منه وجيبي اسكريم علب ..

وحلاو شعر البنات بعد عند المنتجات الوطنيه ..

جيبي اواني منزاليه من المستودعات او محلات الجمله بيعهاا في سعر معقول ...

فيه بعض المحلات تحب تشارك اسالى كذا محل ..

جيبي واحده تعرف تسوي خبز وقرصان .و مصابيب تسوي قدام الحضور..

وحده تقلي لقميات اذا شاف الشي امامه حبو الاكل ...

سوي ركن كوفي .. وركن عصير .. وركن مشاوي

شوفي اي كوفيره تجي وتقص الشعور الناس بسعر حلو .. والله جربتهاا مرره كانت روعه .. واكثر ركن اقبل عليه ..


عاد الديكور ما فني اقول لك لن ما اعرف المساحه ولا شكل القاعه ..


اتمني اني عطيتك افكار...

وين داركم ابي اجي عندكم
03-04-1433 هـ, 12:08 مساءً
 
شوفي الطبق بس خاص لبنات الدار ومايسمحون لنا نجيب احد من برا مثل الكرافيره وكذا
ودارنا مو بالرياض والا اتشرف بجيتك ياحلوه
والمساحه صغيره مو كبيره مره
ومشكوووره ماتقصرين واتمنى من الباقين يفيدوني
بليييز لاتدخلون وتطلعون ع الاقل ارفعوه لايروح
03-04-1433 هـ, 12:51 مساءً
 
ماقصرت خالت برهومي الله يييعطيها العافيه وانا اقول بعد وحده تنقش حناء واستغلى انو وقت الجنادريه بدا الوقت يعني جيبي كليجه قرصان مطازيز مرقوق جريش والديزاين خليه تراثي شعبي بحت وومي صعبه افتكر انا وصحباتي سوينه بالمدرسه وادا ماعندك فيهه بعض محلات تجهيز اللرحلات بتلاقي عندهم ومووووفقه يااااارب
03-04-1433 هـ, 12:54 مساءً
 
اهاا تو اشوف ردك ترا صحبة اختي بالجامعه تعرف تنقش ونقشتهم يعني شوفي صحباتك وووادا عرفت فكره تانيه اقوللك
03-04-1433 هـ, 12:57 مساءً
 


الساعة الآن 12:13 .