اممممم والله ودي اعطيك طبخه جديده

بس ماعندي حاليا
شوفي ياحلوة
غسلي الدجاجه زين ونظفيها بعدين حطيها بالقدر لحالها لين تنزل مويتها يعني تقريبا ثلاث دقايق على نار وسط وبعدهاحطي فوقها البصل والزيت والثوم والبهارات وااقرفه والليمون الاسود والملح وكم حبة حيل وبيالة مويه حاره وكركم نص ملعقه صغيره وحركيهم وغطي القدر لين يتسبكون سواء ولا تنسين تحطين مكعب ماجي بعد يعطي طعم حلو .. غطي القدر وخليه ربع ساعه على نار متوسطه وبعدها اغلي مويه وصبيها على الدجاج لين يغطيه وارفعي النار واتركيه يطبخ تقريا نص ساعه او اكثر شوي
وقتها يكون الرز مغسول ومنقوع .. بعد ما تستوي الدجاجه ارفعيها من النار وحطيها بصينيه ودخليها الفرن تتحمر وخذي موية الدجاج وصفيها بمشخل وكبي الرز على موية الدجاج اللي صفيتيها واذا حبيتي زيدي ذرة كركم علشان يزيد اللون الاصفر وخلي الرز يطبخ على نار عاليه لين تطلع فقاعات بعدين قصري على اخر شي وغطي القدر لين تنشف موية الرز

وبالهناء والعافيه
وربي يرجعه لك سالم غانم محمل بالهدايا الحلوة ياعسل
يارب اكتب لي الخير حيث كان ثم ارضني به ..


الساعة الآن 11:22 .