حتي ولدي الصغير صار فيه تكفون=راجعي الاعلان المثبت+يخص قسم التجارب والحلول المنزلية

السلام عليكم ورحمة الله وبركاته
مدري من شفته في ولدي الصغير ابو 11 شهربس ضاق صدري ولا جا في بالي لا انتم قلت ماراح تقصرون وراح تفيدوني لان احنا تربطنا المحبه في الله وهي اصدق شئ في الكون
بنات قبل اسبوعين جتني بنتي اللي بمتوسط مصدومه من حشرات براسها طبعا ماعمرها شافت القمل جتني تصيح وتقول امي وش ذي طبعا الحبيبه وهي تذاكر وتلعب بشعرها شافتها اول مره انصدمت ورمتها بزباله الغرفه وانتم بكرامه:icon33:وبعدين جتني حطيت لها بارا للقمل وكمان استخدمت لها شامبوا سنان والمشط الخاص بالقمل خف الحمدلله ولكن رجع ها الاسبوع ذا وبرضوه اعدت اختها الكبيره اللي بثانوي ضاق صدر بنتي الكبيره وغابت عن المدرسه يومين تقول فشله لو يشوفونوني زميلاتي عاد تو رجعت بعد ماراحوعيالي للمدرسه وصلحت رضعه للنونو وانا منسدحه اللعب بشعره وهويرضع نايم يابعد عمري الا قمله تمشي براسه شعره خفيف حيل وشقر فتشت راسه حصلت بيض القمل ثنتين في شعره تكفون يابنات من عندها حل يخلصني نهائيا اخاف يجي حتي بنتي اللي بالابتدائي وربي ضاق صدر حيل مدري وش اسوي اول مره يجي بناتي القمل والمشكله بنتي اللي بالمتوسط لما سالتها في احد براسه قمل مالمدرسه قالت لا ولمارجع لها مره ثانيه اعترفت ان صديقتها فيها قلت قولي لها قالت امي مابي اجرحها