كيفك حبيباتي

زي منتو عارفين انا عرضت من فتره ماهي طويله عن الكريستال البلجيكي

وهي نوعيه جديده محد سبقني فيها من البنات

ابي وحده من برى السعوديه تتبنى اغراضي بدون ماتدفع فلوس

انا راح ارسلهم لها

العرض الاول :

مثلا من الكويت :

تعطيني عنوانها وراح ارسل الاغراض لها .. تبيعهم بحكم معرفتها

واذا انباعت ومشى حالها .. تعطيني بس قيمه الجمله

يعني هي راح تبيعهم بسعر المفرق

ولكن اذا ارسلت لي الفلوس .. ترسل لي بقيمه الجمله وباقي الفلوس تاخذهم لها

وبكذا هي تكون مادفعت شي .. ولا دفعت حتى قيمه الشحن

وهالشي فيه ربح لي ولك حبيبتي

عشان اوضح الصوره اكثر

مثل انا اعطيتك علبه كلينكس عدد 4

سعر الجمله 15 ريال

انتي راح تبيعيها بـ 25 ريال

4 علب × 25 = 100 ( بالمفرد )

4 علب × 15 ريال = 60 ريال ( بالجمله )

يعني تعطيني الـ 60 وتاخذي الفرق وهو الـ 40 ريال

بس انا ماراح ارسل لك علب كلينكس بس

راح ارسلك عينات من كل شي بالكريستال

يعني يمكن تطلعي بالاخير بقيمه محترمه من كل عينه

العرض الثاني :

ارسل عينات قليله ..

يعني ارسل 1 علب كلينكس
3 وردات
3 قلوب .... وهكذا

وانتي بيعيهم وخذي قيمتهم كامله لكي ......... بس بشرط

تصوري الكريستال

تكتبي شلون كانت البيعه معك .. وهل الكريستال يستاهل الواحد يشتريه او لا

لان ارسلولي بنات كثيره عـ الخاص انهم يبون يشترون بس متخوفات لان الصور ماهي واضحه

وانتي بعدين اذا شفتي البيعه مربحه

تقدرين تتعاملين معي كمندوبه

تاخذين طلبات البنات وتبيعين بالسعر اللي تبين

ملاحظه :

من اشتغلت بشغله الكريستال من شهر تقريبا وانا استفدت 5000 ريال سعودي بس من الاهل والاقارب والمكتبات الصغيره


عشان كذا
ودي يكون لي مندوبات من خارج السعوديه

ومبدئيا ابي ثنتين

وحده من الامارات
ووحده من الكويت


عليها بس تختار العرض اللي تبيه الاول او الثاني .. وان شاء الله نتفاهم بالخاص



ملاحظه :
ابي وحده تكون ثقه ولها سمعه طيبه بالمنتدى

الصور وروابط المواضيع بالتوقيع
بالتوفيق اختي..

بس انا ودي اقولج ان باذن الله بعد فتره بسيطه.. عندنا مركز بينظم سوق نسائي في قطر..

فاذا ودج اعرض اغراضج فيه..انا ماعندي مانع..

بس حبيبتي انا من قطر.. وانتي طالبه الامارات والكويت بس

خذي وقتج بالتفكير وردي علي حبيبتي..

والله يرزقج ويوفقج في بنات يخافون الله.. ويكبر مشروعج ويتوسع اكثر
ويوفقك يارب حبيبتي

انا حابه الفكره

بس متى العرض تقريبا يبتدي ؟؟

عشان اشوف اقدر اجهز طلبيه ثانيه مخصوص عشانك او لا

وان شاء الله خير
يعني الغالية انتي بتطرشين الأغراض واحنا نبيعلج صح؟؟ بعدين نعطيج القيمة النهائية للأغراض واحنا الربح.. حلوووووووو

والله بخاطري من زمان بهالشي بدون ماكون مندوبة يعني أبيع للبنات وأخذ الفايدة..بس المشكلة أخاف انهم ماينباعون بعدين شو بسوي فيهم؟؟ واذا بقى شي منهم؟؟ نرجعهم والا كيف؟؟

خبريني.. واذا ناسبني الوضع أنا موافقة..

اختي انا طرشت لج رساله خاصه

جيكي عليها


الساعة الآن 08:24 .