Analysis Services
السلام عليكم
انا توني ساكنه شقه جديده والجيران بيجون يتعرفون علي
نقلت خمس شقق من تزوجت ولا قد تعرفت على احد هذي اول مره ومتوهقه حيل بالضيافه لان ماقداختلطت باحد ابد ولا اعرف بالضيافه ولا فنها شي
مدري شنو اقدم لهم ولا اعرف كم عددهم تقريبا ثلاث او اربع او ممكن عايله وحده تجي مدري لان الكلام بين الرجال وهم بيجون وقت المغرب او العشاء او العصر ماعتقد فيه عشاء
الزبده شنو اقدم لهم وبشنو اقدم طبعا كل شي من برا ماعدا الشاي والقهوه في البيت واقرب شي لي سنابل السلام ومخابز هرفي
طبعا بيكون يوم للحريم ويوم للرجال
وايه كمان شنو تلبسون هههههههه وكذا ترى مدري وش الطبخه ساعدون من طق طق لسلام عليكم الله يجزاكم خير ويسعدكم ويحقق امانيكم
06-04-1433 هـ, 01:36 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مبروك النقل ولاتشيلي هم الموضوع مايبغاله كلفه هذي تعارف قدمي اول شي عصيرات مشكله وسوي ثلاجة قهوه وقدمي معها تمر وقطع كيك صغار من سنابل مابتكلفك ومعمول والشاي قدمي معه مكسرات مالحه ويابانيه واذا حبيتي تقدمين معاه معجنات براحنك وخلك عاديه بلبسك وشكلك ترا البساطه حلوه البسي شي يريحك بالجلسه والقومه وان شاء الله تستانسون ويمكن يساعدونك وكل وحده تجيب معها شي ماتدرين
06-04-1433 هـ, 02:51 صباحاً
 
نفس كلام الأخت جروح تروح و زي ما قالت لك هذي اول مرة و تعارف و لما تزوريهم انت المرة الجاية و تشوفي طريقتهم بالتقديم بتصيري تعملي زيهم اما اللباس طبعا لازم يكون شي حلو و مرتب مميز و بنفس الوقت عملي
06-04-1433 هـ, 07:40 صباحاً
 
صباح الخيرات ..

لاتشيلي هم .. كلها شاي وقهوة وتمر وأي نوع حلى أو شوكولاتا ومكسرات

وقدمي بصواني فواكه وفطاير صغيرة مشكلة مع أكواب عصير وكيك

وإلبسي جلابية مرتبة وأهم شي نظافة المجلس والبخور .. وجهزي كل ضيافتك قبل يجون ضيوفك

حتى ماتروحي وتجي وهم جالسين ويبان عليك التوتر ..

موفقة
06-04-1433 هـ, 10:51 صباحاً
 
شوفي حبيبتي اذا عندك غرفة حريم جهزي فيها القهوه والشوكولاته

والحلا او الكيك اللي بتقدمينه

وكمان الشاهي والمكسرات اوالمعجنات علشان يكرن كل شي جاهز مايحتج تروحين للمطبخ وتشيلين بالصحون

واذا جوك الضيوف ضيفيهم بالصاله وقدمي العصير واذا اكتملو كلهم دخليهم ع غرفة الحريم اللي بيها القهوه

وبالنسبه لشكلك حطي مكياج خفيف واذا شعرك قصير مايحتاج ترفعينه واذا طويل سوي ذيل حصان مع غره

اسهل لك واللبس بنطلون جينز او تنوره قصيره مع كعب

اتمنى اني افدتك وعذرا ع الاطاله
06-04-1433 هـ, 11:01 صباحاً
 


الساعة الآن 01:52 .