حبيبتي انتظري مفاجئة عالم حواء قريبا ان شاء الله
انا بفيدك بحكم اخوي مبرمج مجنون وهاوي وعنده مكتب

شوفي اول شي لازم تحجزين دومين مثل www.

قيمته من تقريبا 10 دولار بالسنة ويكون ملكك بس مو للابد لازم تجديدين دايم والا يروح لغيرك

وبعدين قيمة استضافة على الانترنت ولها خيارات واسعة لكن ما تهم موقع مبتدي

وبعدين التصميم والبرمجة

انا قاعدة اساله واكتب وترا بعض الاشياء مو فاهمتها
شوفي اختي اانا فاهمه عليج انتي تبين كل شي قانوني
عليج في 3 اشياء وتقدرين تسوين هالشي بنفسج
اول شي
تكون عندج دومين والدومين هو رابط موقع مثلا
www.yoursite.com
وعلشان تشترين دومين افضل موقع هو قودادي وهو اجنبي عالمي مشهور في هالمجال بس لازم يكون عندج كريدت كارد

وهاي الموقع
www.godaddy.com/Domains
وتقريبا سعره في السنه مايكلف مثلا 40 ريال او 60 قطري او درهم او ريال سعودي

بعد ماتشترين الدومين تجيج بيانات الحساب كلها في الايميل المسجل لج

وبعدها تحتاجين موقع الاستضافه والموقع الاستضافه اهي مساحه تحطين فيها موقعج فيها

و اذا منتدى جديد او صغير انصحج بأستضافه اجنبيه تفضلي هالموقع

http://www.top10bestwebsitehosting.com/
وابتعدي عن الاستضافات العربيه لانها مو 24 ساعه خدمه مساعده نفس الاجانب
الرابط الي عطيتك اياه للاستضافات كلها اجنبيه مشهوره واغلب الاستضافات في الرابط الدومين مجاني يعني مب محتاجه تشترين من قودادي

هذا الرابط يعرض لج افضل مواقع الاستضافات الاجنبيه ويعطيج مميزاتهم ومساوؤهم وكل كل كل شي
الدفع بعد كرديت كارد

الحين شبه خلصتي تقريبا لكن الان تحتاجين قاعده بيانات المنتدى واشهر نوع لقاعده البيانات اهي vBulletin الي اختصارها vb
واهي اكثر الشركات العالميه للخدمه المنتديات وتلقين 99% من المواقع العربيه اهي vBulletin
وهذي الشركه غير مجانيه وتحتاجين ترخصين لاستخدام خدمتهم
واغلب المنتديات الغير كبيره العرب يستعملون منتديات غير مرخصه ولو عرفت الشركه كان سكرت منتداهم
وعلشان تشترين الترخيص تفضلي موقهم للشراء
والرخصه للابد
https://www.vbulletin.com/order/

بعد ماتخلصين كل شي تحتاجين تصميم لموقعج والمصممين كثار عرب في المنتديات وانا اعتذر ماقدر اساعدج في هالشي لاني ماعرف

اذا حابه اساعدج بمقابل الدعاء انا حاظره راسليني على الخاص
لا انصحك بفتح منتدى حاليا لانه توجه الانترنت حاليا لغير المنتديات
المنتديات الناجحة والمستمرة واللي لها نجاح هي القائمة من سنوات والمعروفة مثل حواء وغيره من المنتديات الاخرى سواء النسائية او المختلطة
لكن فعليا ما انصحك ابدا تسوين منتدى
ممكن موقع يكون له هدف معين ببالك
أشكر كل إلي ردو
وإلي راسلوني على الخاص وعرضو خدماتهم كمان مشكورات
بس أنا أبغى أعرف كيف والخطوات الصحيحة
ما أحب أدخل مجال ما أكون فاهمته.....


اقتباس مشاركة  (جوري جوجو)
انا بفيدك بحكم اخوي مبرمج مجنون وهاوي وعنده مكتب

شوفي اول شي لازم تحجزين دومين مثل www.

قيمته من تقريبا 10 دولار بالسنة ويكون ملكك بس مو للابد لازم تجديدين دايم والا يروح لغيرك

وبعدين قيمة استضافة على الانترنت ولها خيارات واسعة لكن ما تهم موقع مبتدي

وبعدين التصميم والبرمجة

انا قاعدة اساله واكتب وترا بعض الاشياء مو فاهمتها

الله يسعدك ياجوري مشكورة على ردك
والله يجازي أخوك بالخير على مساعدته.....


الساعة الآن 06:02 .