السلام عليكم ورحمة الله وبركاته ...
بنات الوالد جابلي جريش وطلب مني أسويه بحكم أنه ما في أحد غيري يقدر يدخل المطبخ ...
المهم والله يا بنات أنا ما عمري سويت الجريش ولا أعرف عنه أي شي ...
وأبي طريقة مضبوطة بيضوا وجهي جدام ماي فاذر
تكفون بنات أبي طريقة عدله وبعد أنا سمعت أنه البعض يضيف عليه رز مصري والبعض يطبخه بدون رز ... أي طريقة أحسن
ياليت تشرحولي بالتفصيل الممل

شوفي ياعسل انا اسوي الجريش بطريقة سهلة مرة وبسيطه لا رز مصري ولا لبن .........
صدق في طريقة باللبن والرز المصري عندي في كتاب رابحة لكن ما اكذب عليكي ماقد سويتها لاني متعودة على طريقتي هذي وعمي ابو زوجي يحب ياكله من ايدي..........
الطريقة انك تجيبين الكمية اللي تبينها للجريش مثلا كاستين وتنقعينه في ماء شويه يعني ساعة بعدها جيبي بصلة مفرومه وحطيها بالقدر وحطي عليها الزيت وقلبي الين يتحمر البصل .
بعد كذا تكوني مجهزه اللحمه تحطيها على البصل وتقلبين زين الين تتحمر اللحمه بعدها حطي بهارات وهي كمون وكزبره ناشفة وملح وصبي عليها المويه المغليه وخليها الين تستوي اللحمه بعد كذا حطي الجريش على اللحمه وخليه على نار هادية الين يستوي هو بعد ....بعد كذا خذي لبن المراعي واذا شفتي الجريش استواخلاص صبي عليه اللبن المراعي اللين يصير زي السليق شوي بس بعدها اطفي عليه .
لاجيتي تقدميه حطيه في وقته احسن وحطي زبده على الوجه وقطعي شرايح بصل مقلي وحطيه فوقه وبالعافية على قلبك وقلب ابوكي و****لله الطريقة تعجبك.
ادري ما اعطيتك المقادير بالتمام لكن انا اسويه بالنظر كذا واذا بغيتي تجربي طريقة الكتاب قوليلي وانا اعطيكي الطريقة من عيوني اي خدمات انا حاضرة.
يا بعد عمري والله ما قصرتي ... الله يجزاج خير ويرزقج الذرية الصالحة إن شالله ...
بجرب طريقتج إن شاء الله تعالى ...


الساعة الآن 06:36 .