تعبتي من ضجة عيالك و سلبياتهم وودك تصلحينها ؟!

لاحظت على اطفالي اذا لعبت معهم يسمعون كلامي
بس اطفش من اللعب معهم هم يلعبوا مع بعض بس اذا لعبنا احنا الكبار معهم يتغيروا سبحان الله يصيروا هادئين ومطيعين
بس احنا ما نعطيهم حقهم باللعب معهم والتعبير عن رايهم بطريقتهم
الله يكون بالعون

كان واحد من اولادي عنيد ويحب يعاند في كل شيء مثلا ان قلت ياولدي البس وقت مانروح ملاهي لاتلبس ثوب الا يصر يبغى ثوب وان قلت له لاتشرب بارد تتعب الا يعاند في اغلب الوقت صرت اولا اذا ابغاه يأكل صحي سرت اخيره بين وجبتين صحيتين ويختار واحده ويحس انه مشى كلمته (حيله مني )واذا اصر يلبس ثوب ما اجبره يلبس غيره وعند العب يضيق مررررررررررره واقول له تحمل نتيجة اختيارك هههه وصار يرضى غالبا بما اختارله من ثياب او اخيره ايضا واحاول ان وجهة امر بان وقت العب انتهى والان وقت النوم اوجه الكلام للكل او لاخوانه ياله نووم وابدأ اطفي الانوار وهكذا الى ان خف العناد بتدريج حبيت تستفيدون ولي عوده

الله يصلحهم يارب
انا عانيت من النظام ووضع اوقات محدده لاني جبتهم ورا بعض وكنت دايم عند ام زوجي وتعرفون الحريم الكبار من حبهم لاحفادهم يدلعونهم وينسونهم النظام
بس ابشركم بعد عنا طويل جبت الحل
اولا قصرت رجلي عن الناس اللي يتدخلون بتربية عيالي ( ماقطعت بس قصرت) لان لازم يتعودون على صلة الرحم
ثانيا مشيتهم علي نظام مدة اسبوع صااااااارم لا طلعه ولا دخله ولاشافو فيه الا انا وابوهم

وطلعت للناس بعد اسبوع واحد الناس لاحظت انهم تغيرو بنسبة خمسين بالميه
بعدها صرت اطلعهم بالاسبوع مره ملاهي ومره نزور احد
المهم انا ماساعدني الا بعد ماقللت بالاختلاط بالناس اللي تتدخل بتربيتي وصارو مطيعين ولايفوتكم صارو ماما ممكن ناخذ هذا ممكن نلعب هنا وماصرت اشد عليهم لانهم ماصار فيه مجال للشد زي اول

استغفر الله

الله يعين ويهديهم والله مسئوليه كبيره التربيه
انا من النوع النظامي مره واحب كل شي بوقته بس المشكله مااحد يساعدني انا جديه بكل شي وزجي عادي عشان كذا اطفال ملخبه حياتهم ومايسمعون الكلام دايمن والله اني تنازلت عن اغلب الامور عشان اريح نفسي تعبت مره معاهم الله يعين بس