السلام عليكم ورحمة الله وبركاته
حياكن الله اخواتي الكرام
في موضوعي هذا اود ان نجمع فيه أخطائنا في بداياتنا ليتفادوها غيرنا ونكون سبب بعد الله في انقاذهم من كارثة تحطمهم وهم في اول الطريق.
وكذلك نذكر المواقف الطريفة الي حصلت لنا اثناء البيع .
انا الصدمة الي صارت لي ارتكبتها بيدي لاني وضعت ثقتي بالناس كلهم بدون تفريق وكان لابد لمن تريد ان تصبح سيدة اعمال ان تحرص على وجود اثباتات ووضع المشاعر والعواطف على جنب لكن قدر الله وماشاء فعل وإن شاء الله تكون درس لي ودافع اني استمر وانجح .
اما الموقف الطريف الي صار لي فهو بنت تسحب امها سحب علشان تبيها تشتري كتاب الحياة الرومانسية والام مستحية على الاخر وفي الاخير اقتنعت والحمد لله
ارجوكم بنات خلوا فيه تفاعل في الموضوع واهم شيء موضوع نستفيد منه .
بإنتظاركم
فاز من بحياته إنجاز
Dream22 : تسلمين على هالموضوع المفيد للكل .
وراح ابدأ معك: مثل ماقلتي الثقه الزياده بالناس هي التي تجعلك تقعين في مشاكل انتي في غنى عنها . وبحكم اني سيدة اعمال منزليه (طباخه) حصل لي موقفين
الاول: كلمتني إحدى الاخوات التي قالت لي إنها اخذت الرقم من منتدى عالم حواء
وطلبت مني ان اعمل لها بوفيه كامل يشمل المقبلات من سلطات إلى فطائر إلى صياني خضار إلى مشاوي مشكله ونصف ذبيحه 20 شخص وبعد ان فاصلتني على الاسعار إتفقنا على سعر معين وعلى يوم محدد وساعه محدده(الساعه العاشره ليلآ)
وطبعآ اوصل لها البوفيه كامل لمنزلها .ولم اخذ منها الكروكي او وصف البيت غير إنها ساكنه في شمال الرياض بالقرب من مدارس العنايه . فقلت لها إنتي طلبيتك بعد بكره وزوجي هو الذي سيوصل الطلبيه ففي اثناء التوصيل اكلمك واخذ الوصف كامل حتى يكون زوجي معي بالسياره .وانتهت المكالمه .وفي اليوم المحدد عملت الطلبيه كامله وبعد ان حملت بالسياره .إتصلت عليها مرارآ وتكرارآ ولم تجب وبعد عدة محاولات كثيره ( بعد 25دقيقه ) ردت علي وببرود ومن شدة حرصي على إني تأخرت بالطلبيه عن موعدها إعتذرت لها وقلت إنني أحاول ان اتصل عليك حتى اوصل الطلبيه في وقتها ولكنك لم تجيبيني . فردت علي ببرود اكثر من الاول وقالت :
اوووه نسيت اكلمك واقول إن العزيمه تأجلت , قلت لها
طيب والطبخ اللي عملته وين اوديه قالت وديه اي جمعيه او اي احد محتاج .طبعآ هي مايهما اي شي . والحمدالله ماهي هي اللي تعلمني على أني اعطي المحتاجين .
بعدها تلقيت الغضب من زوجي وقال لي تستاهلين خليك علشان مره ثانيه للمناسبات الكبيره تاخذين عربون . صدقوني يا اخوات والله ماهمني المصاريف اللي صرفتها على الطبخ لانها راحت بإجرها للمحتاجين ولكن اللي يهمني التعب والوقت اللي راح مني .واهم شيء الثقه الزياده بالناس والناس اجناس .
واعذروني الان : الموقف الثاني بكره إن شاء الله .
أسألك اللهم باسمك الأعظم أن ترزقني رضاك والجنة..
الغاليه انا غلط غلطه ومب وااايد ندمانه عليها قد ما حبيت انكم تستفيدون

انا مره كنت راح اتعاقد مع وحده على شي معين( حرمه يابانيه) على شي معين وانا

كنت وااايد متحمسه وظهرت لها اني سعيده بالتعامل معاها واني راح اشتري شو ما

كان، المهم الخايسه يوم شافت اني شاريه شاريه طنشت رسايلي وبعد فتره شفتها

رفعت الاسعار بطريقه خياليه كله عسب اهي تعرف اني شاريه . بس سبحان الله

والله اني انقهرت وحسيت عمري متضايقه وقعدت ادعي عليها لانها كان لازم اتمم

الصفقه بالمبلغ الجديم بس اهي تبيني ارد اطلب بالمبلغ الجديد وكان الطلب عليها

واااايد بالمبلغ الجديم لانه كان يناسب كل الماديات المهم والله اني رقدت وشفت

في الحلم ان الاسعار ردت مثل لأول والله العظيم اني نشيت من الحلم وسرت اشوف

موقعها نفس الاسعار اللي شفتها في الحلم يعني ردت لان محد اشترى منها يوم

رفعت في السعر

العبره اللي اقولها مهما كنتي فرحانه في الشراء ابدا ابدا ابدا ابدا لا تراوين البائع انج

فرحانه لانه راح يرفع السعر على غيرج وله راح يتكبر عليج

ودمتم
دعوده للجميع لعقد الصفقات
عندج شي ندمتي ليش اشتريتيه؟
عندج اغراض استعملتيها مره وحده وتبين تبيعينها؟
خلوناااااااااا نتشارك في هل الصفحه




اهم شئ تكون عليه التاجرة مراعاة حق الله ومراعاة وتحري الحلال والبعد عن الحرام والصدق والامانه في التعامل واهم شئ الكلمه الطيبه هي مفتاح التجاره والنجاح
العمر لا يقف عايقا امام الاحلام حققت حلمي واكملت تعليمي وتخرجت من الكلية تخصص هندسة ديكور وكل ذلك وانا جده وام لسته ابناء اكبرهم في عمر الثلاثين عاما والحمد لله رب العالمين
ابتديت مشروع حلو وصغير ومربح ولله الحمد
المشكله اللي عانيت اني كنت ادين الناس ...........وراحو بفلوسي
وتعلمت ان السلف تلف والرد خساره.





شكرا على الموضوع الحلو


الساعة الآن 11:50 .