السلام اول الكلام ...

عزيزتي دريم .. موضوع حلو والمناقشة فيه راح تكون مجدية ان شاءالله ومفيدة للجميع..

فعلا كما تفضلتي انتي وباقي البنات الفاضلات .. اول خطأ تقع فيه التاجرة هي الثقة المطلقة سواء بالعميل او حتى الموظف اللي يشتغل عندها.. وهذا اكيد يرجع الى حسن نيتنا بالناس وان اكثرنا تشوف الناس مثل ماتشوف نفسها على ماقالوا (( كلِِ يرى الناس بعين طبعه)) ناسين ان الزمن تغير ماهو مثل لول.. العقد أو الصك في زمان اجدادنا لم يكن باوراق ولا احبار وانما بكلمة يقولها الرجل وهي بمثابة السيف على رقبته والصفقة كانت تتم بالمصافحة فقط ولذلك سميت صفقة .. سهينا عن موضوع الثقة او تهاونا وان مع وفي خضم دخول الوافدين والاجناس الاخرى اللي جايه بس تاكل الخضر واليابس في بلادنا من دون ادنى مراعاة للضمير والدين .. وماخذينا هالشي في الحسبان

لكن التجارب والعثرات هي اللي تصقل شخصية التاجر او التاجرة وصدقيني اختي وهذه عن تجربة .. التجارب والعثرات في مجال التجارة مختلفه عن تجارب الحياة وهي تصقل شخصيتك وتفكيرك وتوجهك التجاري وحتى انها تصقل شخصيتك بشكل عام .. والضربة اللي ماتذبح تقوي .. وكل ماكانت التجربة قاسية كانت شخصيتك اقوى في التعامل مع من حولك وقلبك وقبضتك ستكون من حديد في اتخاذ القرارات الحاسمة..

وبالنسبة عني انا .. نعم .. مررت بتجارب وعثرات عديدة في بداية مشواري مع التجارة .. وصدقيني اختى تكذب من تقول لج انها ماتعثرت ابدا .. حتى لو درست دراسة شاملة ووافية لمشروعها .. لازم بتكون هناك عثرات وكبوات ..

كانت غلطتي مثل ماقلتوا .. الثقة الزايدة .. بس مهب في الزبائن .. لاني من البداية كنت حاطة للتعامل مع الزبائن ضوابط وقوانين معينة لااتجاوزها .. وتكون واضحة لجميع الاطراف من البداية سواء لي او للعميل .. واذا كانت هناك اي خصومات تكون ثابته ايضا ومذكورة في الكوتيشن او ورقة التسعيرة المقدمة له مع ضمان انه لن يتم البدء في الشغل الا اذا دفع نسبة تعتبر مقدم واذا كان له اي اعتراض او حب يتناقش معي على السعر اهلا وسهلا والقرار يرجع لي اني اخفضه او اذا الامكانيات ماتسمح بسبب الحاجة لجزء من المبلغ المطروح في شراء معدات لاكمال العمل ففي هالحالة مايكون بالامكانية الموافقة .. وننهي الصفقة الى هذا الحد .. ومالله كاتب ..

بس المشكلة كانت في احد موظفيني واللي كان بالنسبة لي ذراعي اليمين .. في بداية انطلاق مشروعي .. كنت انا اشرف من الالف للياء على كل شي ..تعبت واجتهدت وثابرت .. لين مانجحت بفضل من الله وعونه وكبر اسمي واسم شركتي في سوق العمل وزاد الطلب علي لنظافة شغلي وامانتي في التعامل وربحت ربح وفير والحمدلله وقدرت اثبت لعائلتي اللي كانت الممول لمشروعي اني قدها وقدود واني استطعت ان ادخل هالمجال بقوة واثبت قدرتي واصقل دراستي الاكاديمية بالخبرة وانافس حتى الرجال في هذا المجال .. اللي داخوا علشان يشاركوني ولكني رفضت ..

يوم شفت ان الربح ثابت مع تزايد حلو في المواسم وان كل شي مستقر .. القيت اكثر الحمل على مدير شركتي .. لأنه كان معاي من سنين وكنت دايما اشوفه (( او هذا اللي كان يتظاهره )) انه حريص علي تجارتي واموالي ومايرضى اي حد يغشني ولما يكون هناك اي تعاقد على صفقة او مبلغ في اجتماع معين وكنت اوافق .. كان ينحني ويهمس في اذني .. سيدتي تمهلي شوي.. لاتخلينهم يغشونج .. وحتى لو بغيت ادفع اي مبلغ سواء لاحتياجات العمل او حتى لاحتياجاتي الشخصية اذا حبيت ارسل احد من العاملين لدي لشرائها .. كنت اعطي بدون حتى مااعد .. اما هو كان يقف في النص .. ويأخذ المبلغ من يدي ويعده ويفاصل ويطلب فاتورة واشياء من هذا القبيل .. وكان مجتهد ومخلص في عمله وارتفع معدل ارباح الشركة بشكل حلو بفضل الله ثم بسبب ذكائه ونشاطه .. بعد كل هذا القيت اكثر الحمل عليه .. وتفرغت لنفسي قليلا لأني فعلا بعد هالسنوات القليلة من التعب والجهد والتركيز والسهر وشد الاعصاب .. احتجت للراحة وللألتفات لنفسي ولحياتي الشخصية .. ومثل مانصحوني هلي وصديقاتي بان اشوف نفسي شوي وحياتي .. ومع عتاب هلي وصديقاتي المستمر اني حتى مااشوفهم وماعندي وقت للجلوس معهم او الخروج للعشاء حتى .. قلت خلاص نرتاح شوي .. والامين اللي عندي ماراح يقصر .. ومن هني بدت مشاكلي ..

شوي شوي ومب على طول (( شوفوا دهائه)) قل الدخل .. قل سير العمل .. زاد معدل المصروفات .. وقلت الربحية .. وكل مااقوله وين الربح .. يقوللي السوق نايم .. مافيه زباين .. المؤسسات تبي تخفيض .. وحتى لو قلت له اوكي قلل من مبلغ شغل يدنا خلها حاجة بسيطة .. يروح ويرجعلي بانهم ماوافقوا على المبلغ الجديد .. وحتى المؤسسات والجهات اللي وقعنا معاها عقود ثابتة شهرية او سنوية .. علشان نضمن انه مايكون هناك اي خلل في دفع المصروفات الثابتة من رواتب وغيره .. زادت شكاوي هالمؤسسات انه ماقمنا نسوي شغلنا في الوقت المحدد والمطلوب لدرجة ان اكثرهم فسخوا العقد .. ولأن العقد انفسخ بسبب غلطة منا يعني حنا اللي اخلينا ببند من بنود العقد فيجب علينا حنا دفع مبلغ فسخ العقد كما مبين بالشروط .. يعني خسارة خسااارة .. واللي زاد الطين بلة يااخواتي اني اكتشفت بعد فترة في اوراقه الخاصة الموجودة في مكتبه اكتشفت ارصدة تحويل مبالغ لحسابه خارج البلد.. لبلاده .. وكانت مبالغ طائلة تقدر بمئات الالاف .. واللي جمعها من قولة مافيه شغل مافيه زباين .. كانت ضربة قوية .. عطتني درس ماراح انساه ابدا في حياتي واضفته لملف تجاربي العديدة اللي مريت فيها في اولى خطواتي اللي مشيتها في درب التجارة.. وانا الآن الحمدلله اقوى بكثير .. قوى عودي .. واصبحت قرارتي وكلمتي في التجارة كالسيف ومسموعة واملك قوة بفضل الله تجعل كل من حولي يحترمون كلمتي ..الرجال قبل النساء سواء في مجال التجارة او المجال الشخصي
.
الخلاصة .. لايغركن يابنات الكلام المعسول والتمثيل .. لاااتعطون ثقتكم المطلقة لاي حد ابدا خصوصا في امور الحلال ..

ومثل ماقالوا اخواننا المصريين ((( المال السايب يعلم السرقة )))

آسفه على الاطالة .. اتمنى استفدتوا ن تجربتي

تحياتي
اختي حريجه ..

أحب اضيف هالمداخلة على كلامج .. وهو ان الوافدين عندهم .. فكرة مسيطرة على عقولهم ان عيال الخليج .. تميزهم ميزتين رئيسيتين .. السذاجة والميزة الثانية انهم جالسين على تل ذهب او بير بترول ينبع .. فيحاول الواحد منهم استعراض كل مواهبه في مجال الاستغفال والنصب .. عشان ينهبنا .. ولمثل هالنوعية اللي مرت عليج .. احسن شي انج تتجاهلينها لوقت او ترفضين عرضها وتبينين لها ان عندج عروض افضل منها مطروحة على مكتبج وصدقيني تشوفينها لحالها تجيج تترجاج تتعاملين معاها وتقدم لج خدمات وتسهيلات خيالية.. وانا مرت علي هالاشكال وايد ..

انتي ردة فعلج كانت عفوية ولأن الله حافظج من هالاشكال والحمدلله .. خلاج تصدين عنها .. ومن دون تخطيط منج .. وشوفي وشصار بالنهاية ... هذا اكبر دليل على صدق كلامي

الله يحفظج دوم من هالنوعية المحتالة .. وحظ اوفر في المرات القادمة

تحياتي
وحتى انا للاسف تعاملت مع ناس ووثقت فيهم وارسلتلهم اغراض واللين اللحين مشفت فلوسي من 3 و4 شهور وانا اجري وراهم وهم كل يوم بكرة وبعده

انا خلاص قررت بعد كدة التعامل يكون سلم واستلم يعني اللي ممعاه ميلزمو وبراحت كل وحدة اللي تبي اي شي تدفع حقه وتاخذه ومافي بيع بالاجل لو ايش صار بعد كدة لان جت علي وقت كانت اعاني من ظروف خاصة واطلبتهم لفلوسي والله لاحاة لمن تنادي وكل وحدة مو دارية وين الله حاطها

الحق انا فعلا تعقدت والطيبة الزايدىة قررت احطها على جنب لانها متاكل عيش ناشف حتى
للطلبات. واتس اب او تليغرام 0599666991
مشاهدة باقي العروضانستغرام ssallistore
السلام اول الكلام...

اختي سالي .. الحمدلله اللي جات الى هالحد .. وما خسرتي خساير كبيرة .. وهذا درس من دروس راح تتعلمينها في مشوارج التجاري ان شاءالله وصدقيني كلها في صالحج .. عدم منح الثقة الكاملة .. وياريت مثل ماقلتي تتخذين قرار يضمن لج حقج .. بس نصيحتي .. لاتقولين لزبونتج مباشرة يعني كاش في وجهها (( تبين ؟؟ سلم واستلم )) لان علاقتج راح تتوتر مع زبوناتج من بدايتها ..وبتحس وطبعا انتي ماتتحكمين بعقليات الناس وتفكيرهم راح تقول ايه مب واثقة فيني وش فاكرتني سراقة؟؟ ومن هالكلام.. او انها بتظن انج تبدين المصلحة المادية على كسب رضا الزبون .. طبعا فاهمتني

فأحسن حل .. اذا كانت في نفس البلد .. كلفي نفسج ولو قليل في اول تعامل بينج وبينها .. ان يكون التعامل مباشر وجها لوجه ويدا بيد .. علشان تشوفينها وتشوفج وتعرفينها زين أو على الاقل تعرفين وين ساكنه ومنهي هالزبونة .. ومن ثم يكون التعامل سلس بينج وبينها عن طريق البريد .. واطلبي الدفع مقدم بس بطريقة حلوة واذا كانت خارج البلد .. وفري لج مندوبات يقومون بنفس مهمتج

الله يوفقج حبيبتي ويبعد عنج المحتالين

تحياتي
يعطيكم العافية على هالموضوع القوي بصرااااحة

وبالنسبة لاني مبتدئة يعني ازحف يادوبي في عالم التجارة الا انه

لازم الوحدة تشيل الطيبة والثقة الزايدة بالناس وتخليها على جنب وتتعامل بهالشي مع اهلها بس


وانه اسرار المهنة لازم ماتطلع لاي احد حتى لو اصدق صديقة

لو اشتري شريط تغليف وسالني احد عنه مااقول من وين ولا بكم لاني بصراحة ياما اكلت مقالب من الناس

والمنتدى ماقصر بعد ,,,,, زاد التجارب حبتين مثلا سالفة الاستفسار عن اخر الاشكال واخذ الافكار ومع السلامة


ويعطيكم العافية مرة ثانية


الساعة الآن 03:11 .