المثل يقول..................... ان اللي انلسع من الشوربه ينفخ في الزبادي
انا تعلمت ما اعطي الثقه لأحد في حلالي ......اذا اقرب الناس لك يطالعونك على انك بنك متحرك
كيف موظفينك.....
الموظف .....لما يشوفك متهاونه...يختبرك اذا عدت عليك مره بيكررها مرات واذا ما عدت اخذ حذره منك
وظفت بنت سعوديه عندي بالمحل..........اكتشفت انها تاخذ البضاعه وتبيعا على ناس بسعر مرتفع خارج المحل وتطلع بعموله من وراي......ما كان اعتراضي على عمولتها اعتراضي كان على استخدامها لي بدون علمي فقررت فسخ عقدها.....بعد عدة انذارات
بالأضافه الى انها تشتغل الف شغله في الوقت نفسه كنت دايم اجي للمحل ما الاقيها باستمرار تاركه المحل ورايحه تشتغل لحسابها.
وفي النهايه كل دقه بتعليمه
وترى الموضوع فعلاجيد
18-06-1426 هـ, 11:10 صباحاً
 
موضوع جميل جدا
انا اللي تعلمته ان الوحده لاتبتدي بتجاره في عطله صيف الا اذا كانت في مدينه سياحيه اوكبيرة كالرياض او جده اما المدن الصغيره يفضل تأجيلها الى قرب افتتاح المدارس
18-06-1426 هـ, 02:00 مساءً
 
السوق مواسم والتاجر لازم يغتنم الفرصه المناسبه
18-06-1426 هـ, 03:02 مساءً
 
مشكورات ياخواتي على الموضوع المفيد
18-06-1426 هـ, 04:59 مساءً
 
اقتباس مشاركة  (قلــب طـــــــاهر)
اختي حريجه ..

أحب اضيف هالمداخلة على كلامج .. وهو ان الوافدين عندهم .. فكرة مسيطرة على عقولهم ان عيال الخليج .. تميزهم ميزتين رئيسيتين .. السذاجة والميزة الثانية انهم جالسين على تل ذهب او بير بترول ينبع .. فيحاول الواحد منهم استعراض كل مواهبه في مجال الاستغفال والنصب .. عشان ينهبنا .. ولمثل هالنوعية اللي مرت عليج .. احسن شي انج تتجاهلينها لوقت او ترفضين عرضها وتبينين لها ان عندج عروض افضل منها مطروحة على مكتبج وصدقيني تشوفينها لحالها تجيج تترجاج تتعاملين معاها وتقدم لج خدمات وتسهيلات خيالية.. وانا مرت علي هالاشكال وايد ..

انتي ردة فعلج كانت عفوية ولأن الله حافظج من هالاشكال والحمدلله .. خلاج تصدين عنها .. ومن دون تخطيط منج .. وشوفي وشصار بالنهاية ... هذا اكبر دليل على صدق كلامي

الله يحفظج دوم من هالنوعية المحتالة .. وحظ اوفر في المرات القادمة

تحياتي
هلا الغاليه بالنسبه لتجربتج ذكرتني في مدرستي الله يرحمها كانت اتاجر اهي وزوجها

وبعدين يوم نجحت استقالت من التدريس وبعدين اكتشفت ان الوافد اللي كان يشتغل

عندهم سرقهم وشرد ومب جذي ركب عليهم الديون فجي ردت ادرس مره ثانيه

والله اذكر انها كانت تعباااااااانه يعني تجربه عن جد فضيعه لانها تخليج حيرانه و

غضبانه في نفس الوقت بس عندي سؤال الغاليه " انتي رديت مره ثانيه اتاجرين؟"


و بالنسبه للوافدين الله يسامحهم والله اني ما احب اتعامل مع شخص وافد

والسموحه للاخوان الوافدين والله لو شفت مثلا وافده تبيع بضاعه ب 10 دراهم ما

اقدر اشتريه بس لو شفت مواطنه تبيع نفس البضاعه ب 100 والله راح اشتريه

ما ادري ليش بس ما اقدر اثق فيهم واحسهم يضحكون علينا ويقولون "حبابه وله

حبيبت ألبي .....تأبريني وهل الالفاظ ونحنا طبعا انذوب " ومن هناك احسهم يسبونا

ويستغفلونا الا ما رحم ربي فيهم الزين بس
18-06-1426 هـ, 05:18 مساءً
 


الساعة الآن 12:35 .