نورس في السماء الصيف عاده يكون موسم رااااكد تماما بس عندي نصيحه

في الصيف اذا كنتي تبين تشترين شي حق تجارتج فهاي فرصتج عاده الاسعار

تكون منخفضه والتجار يحاولون يبيعون بضايعهم بس بعدين اول ما تبتدي المدارس

والحشره عاد ابدي بيعي وبالسعر اللي يعجبج
18-06-1426 هـ, 05:21 مساءً
 
السلام اول الكلام

هلا حبيبتي حريجه ..

ايه الحمدلله رديت اتاجر في نفس تجارتي .. وهالسالفة اللي صارت قدلها زمان .. يعني اول ماابتديت ادخل السوق ومجال التجارة وفغي اول مشواري التجاري.. والحمدلله ان الضربة جاتني بدري .. علشان اتعلم بدري .. واعرف اللي لي واللي علي .. صج اني خسرت اموال كبيرة .. والاهم اني خسرت بعض ثقة عملائي .. لكن الحمدلله سويت موازنة .. وحاولت انقذ مايمكن انقاذه .. وحاولت اغطي الخساير من حسابي الخاص .. مع ان هلي ماقصروا واعرضوا علي المساعدة .. بس انا قلت لهم .. لا.. اصبروا .. خلوني اتصرف .. واذا تسكرت كل الابواب في ويهي .. فانتوا ان شاءالله الخير والبركة .. ومالي غناة عنكم ... لأني من بداية دخولي التجارة .. وانا شارطة عليهم .. محد يتدخل في شغلي وفي قراراتي .. كنت مصرة اثبت لنفسي ولهلي اني قدها وقدود .. واني اقدر اصنع لي اسم في السوق وان دراساتي الاكاديمية اللي تحصلت عليها من برااا ماراح تروح جذي هدررر.. وفعلا الامور كانت ماشية تمام التمام .. وربح حلو ماتتصورين شلون كانت تجارتي ممتعة وتدر علي فلوس ولله الحمد .. مع اني اخترت مجال شوي ذكوري .. والكل في بداياتي اذا اقول لهم طبيعة عملي يستغربون ويسألوني شالمعنى اخترتي هالمجال يعني .. مهو فيه ازياء مكياج عطور عبايات .. خليتي كل هذا واخترتي هالمجال؟؟ كنت قول لهم لاني ابي اثبت لكم ان المرأة لها شخصية وعزم قوي وتقدر تنافس الرجل في كل المجالات .. وفعلا .. قدرت .. والله يااختي لو اقول لج العروض اللي جتني بعد مانجحت في هالمجال .. كل من يعرض علي الشراكة (( التجار الرجال طبعا)) وانا كنت ارفض ؟؟ لأن عندي مبدأ ان الشراكة غالبا ماتكون باب للخلافات والخسارة ومن ثم فض التجارة .. وصدقيني بعضهم وراح تضحكين .. بعضهم اذا ماقدروا على الشراكة يتقدمون لخطبتي ههههههههههههههههههه طبعا في ذاك الوقت .. شوفي طمع الرجال بس ..

لكن الحين الحمدلله بمرور الوقت وبالصبر وبالتخطيط السليم وتغيير خطط العمل والحذر رجعت ووقفت على رجلي ومن دون مساعدة حد .. والحمدلله ماشية .. وانا بصدد افتتاح مشروع ثاني الشهور القليلة الجاية ..

بس انتوا ادعولي بالتوفيق ..

تحياتي
19-06-1426 هـ, 02:37 صباحاً
 
نورس في السماء وعزيزتي حريجة..

ماتقدرين تجزمين ان المواسم لها علاقة رئيسية او مباشرة في الربح والخسارة حبيبتي ... هذا يعتمد على نوع نشاطج التجاري .. يعني مثال على هالشي .. انا تجارتي مثلا تنشط في موسم الصيف ومؤشر ارباحي يضرب التوب في يونيو ويوليو واغسطس وسبتمبر مع انها الاشهر الحارة من السنة .. الخلاصة ان الموسم مهب دايم يكون مؤشر للربح والخسارة .. شوفي نوع تجارتج واي المناسبات والاشهر اللي يزيد عليها الطلب بغض لنظر ان كانت اشهر صيف او شتااا


تحياتي للجميع والله يوفقك يارب
19-06-1426 هـ, 02:50 صباحاً
 
طيب من خلال تجربتك ايش احسن تجارة تتوقعين ممكن تمشي عندنا انا جربت كل شي تقريبا لكن فعلا اعاني من حالة ركود شديدة بهها الصيف رغم انه اكثر موسم كنت متحمسة له لان عندي التزامات وكنت ابغى اغطي مصاريفها لكن للاسف الحمد الله على كل حال لكن حلو اننا نفيد ونستفيد من تجارب وافكار الاخرين ومن بعض
19-06-1426 هـ, 05:30 صباحاً
 
البضاعه ماتمشي في الصيف بالنسبه لي لان الكثير مسافر مايرجعون الا عند افتتاح المدارس امكن انتي ياقلب طاهر تسكنين في مدينه كبيره انا مدينتي صغيرونه
19-06-1426 هـ, 12:43 مساءً
 


الساعة الآن 12:03 .