Analysis Services
اقتباس مشاركة  (ssalli2002)
طيب من خلال تجربتك ايش احسن تجارة تتوقعين ممكن تمشي عندنا انا جربت كل شي تقريبا لكن فعلا اعاني من حالة ركود شديدة بهها الصيف رغم انه اكثر موسم كنت متحمسة له لان عندي التزامات وكنت ابغى اغطي مصاريفها لكن للاسف الحمد الله على كل حال لكن حلو اننا نفيد ونستفيد من تجارب وافكار الاخرين ومن بعض
هلا عزيزتي ..اول شي شنو نوع الانشطة التجارية اللي قمتي فيها ... وهل كنتي مخططة لتنفيذها عدل؟؟ يعني سويتي دراسة قبل لاتبتدين ترى مهم جدا دراسة المشروع قبل البدء فيه .. لاتقولين انا دراستي في راسي ومب محتاجة دراسة .. صدقيني الدراسة الشاملة والوافية تجنبج وايد عثرات في عملية التطبيق .. وترى من الاخطاء اللي تأثر على التجارة مب بس الثقة الزايدة .. انما التخطيط والتطبيق العشوائي للمشروع

انا ماعرف بالضبط الاقبال الشديد في الشراء يكون في اي مجال في بلادج .. حاولي تراقبين السوق والمجتمع اللي حولج .. وصالونات السيدات (( اقصد مجالس النساء)) شوفي احاديثهم اكثر شي تتركز على ايش .. ولما ترسين على نشاط معين ادرسيه زين .. ابتكري فيه .. ضيفي افكار وخدمات جديدة .. واهم شي اختي والشي اللي لاتنسينه .. الدعاية والاعلان .. هذا له تأثير رئيسي وقوي على انتشار بضاعتج سوي دعاية مقنعة فيها عنصر الجذب للمشتري يكون قوي.. ترغّبه في بضاعتج

.. بعطيج مثال .. اختي اول مافتحت صالونها التجميلي .. مع انه كان مجهز بأحدث التقنيات والادوات والمستحضرات السويسرية والفرنسية .. وديكوراته كانت رووعه .. الا ان الاقبال كان مقتصر على الاهل والصديقات والمعارف .. بالرغم اني قلت لها ان النتيجة مراح اتبين لج من اول شهر سواء النجاح او الفشل.. لازم تستعين بالصبر في التجارة .. لأن النتيجة راح تبان بعد 6 اشهر ومؤشر الارباح ماراح يرتفع ارتفاع ملحوظ ومؤكد الا بعد سنه الى سنتين من بدء النشاط .. لكن حاولت استغل دراستي في مجال ادارة الاعمال وبالاخص مادة التسويق والدعاية والاعلان .. اني افيد اختي شوي في هالموضوع وصممت لها اعلانات جذابة تنشر في المجلات والصحف بالاضافة الي بروشورات او كتيبات صغيرة ذكرت فيها خدمات الصالون والاسعار التنافسية والمخفضة - طبعا بعد مااتفقت معاها على هالخطة- وهي تخفيض الاسعار في البداية كمبادرة بمناسبة افتتاح المحل .. وماتتصورين اختي كيف ساعدنا عنصر الدعاية والاعلان .. ورفع ارباح الصالون .. وخلا تلفون الصالون مايسكت الكل يستفسر عن هذي الخدمة وذيك .. هذا غير الزبونات اللي يجون بدون اتصال ..

فاختي اعتقد اذا على قولتج جربتي كل نشاط .. معناته الخلل في التخطيط .. بالاضافة الى وجوب دعمج لتجارتج بدعاية ذكية جذابة

عموما من وجهة نظري ومراقبتي لحركة التجارة في بلدي اشوف الاقبال يكون على محلات الكوفي شوب والصالونات اكثر شي .. واكثر مايكون الربح فيها كبير ومضمون (طبعا اقصد مع التخطيط السليم )

تحياتي
20-06-1426 هـ, 12:30 صباحاً
 
اقتباس مشاركة  (نورس في السماء)
البضاعه ماتمشي في الصيف بالنسبه لي لان الكثير مسافر مايرجعون الا عند افتتاح المدارس امكن انتي ياقلب طاهر تسكنين في مدينه كبيره انا مدينتي صغيرونه

السلام اول الكلام..

مثل ماسبق وذكرت اختي نورس .. الصيف والشتا مب شرط اساسي في التجارة .. يعني مهب كل تجارة ماتنفع نزاولها في الصيف فقط ولا العكس صحيح.. يعتمد على نوع نشاطج التجاري وحركة السوق .. ومثل ماتفضلتي انتي .. الناس ماتكون موجودة في الصيف لنها في اجازة خارج البلاد .. لشهرين او ثلاث.. وانتي طبعا ادرى بتجارتج عزيزتي وعلى حسب ظني وماستنتجت ان بضاعتج تعنى بالملابس .. فاعتقد بطء حركة السوق في هالشهرين تقدرين تعوضينها مع بداية دخول فصل دراسي جديد علاوة على مواسم الاعياد اعتقد في هالوقت تكون الضربة الحقيقية لكل المشاريع التجارية تقريبا اللي متخصصة في البيع والشراء ((البضائع)) ..مع شوية تخطيط حلو ودعاية ذكية وعرض للبضائع جذاب

أهم شي الصبر وطولة البال في التجارة ياخواتي

تحياتي ..
20-06-1426 هـ, 12:42 صباحاً
 
صح لسانك وفعلا احنا مشكلتنا الاندفاع يعني نفكر ونفذ بدون تخطيط ودراسة مجدية رغم اني دارسة نفس مجالك بالضبط لكن احس اني اسابق الزمن وابغى اوصل بسرعة ونسيت انه لازم نطلع وحدة وحدة واهم شي الصبر وطولت البال

احنا عايشين بالسعودية طبعا الصالونات عدي واغلطي فيها صارت زي البقايل في كل خطوة صالون

الكوفي شوب فكرة حلوة مرة بس يبغالها تكلفة وهنا العنصر المادي مهم جدا عشان تسوي كوفي شوب على مستوى راقي يجذب الناس

انا شغلي عن طريق البيت والدعاية والاعلان عن طريق النت اسويها كما اني سويت موقع خاص اضع فيه كل جديد اول باول

والله يعطيكي العافية طولت عليكي
20-06-1426 هـ, 01:41 صباحاً
 
اقتباس مشاركة  (ssalli2002)
صح لسانك وفعلا احنا مشكلتنا الاندفاع يعني نفكر ونفذ بدون تخطيط ودراسة مجدية رغم اني دارسة نفس مجالك بالضبط لكن احس اني اسابق الزمن وابغى اوصل بسرعة ونسيت انه لازم نطلع وحدة وحدة واهم شي الصبر وطولت البال

احنا عايشين بالسعودية طبعا الصالونات عدي واغلطي فيها صارت زي البقايل في كل خطوة صالون

الكوفي شوب فكرة حلوة مرة بس يبغالها تكلفة وهنا العنصر المادي مهم جدا عشان تسوي كوفي شوب على مستوى راقي يجذب الناس

انا شغلي عن طريق البيت والدعاية والاعلان عن طريق النت اسويها كما اني سويت موقع خاص اضع فيه كل جديد اول باول

والله يعطيكي العافية طولت عليكي
السلام ..

لا بالعكس ماله داعي للاعتذار ..واستمتعت بهالمناقشات التجارية .. واتمناها تدوم

الله يوفقج ان شاءالله ويوسع رزقك .. وتقر عينج بشوفة ارباحج في حضنج وانتي جالسة تعدينهم

وفعلا اذا الصالونات عندكم بكثرة .. فيه امكانية تفتحين مهب مستحيل بس عاد بيكون التنافس على اشده .. يعني لازم تتشطرين في طرح خدمات وانشطة جديدة في الصالون قد ماتقدرين .. اما الكوفي شوب ففعلا مثل ماتفضلتي يبيله تركيز وشطارة وراس مال مرتفع..

وعلى فكرة نشاطي الثاني اللي جالسة احضر له الحين هو كوفي شوب ومطعم درجة اولى .. اتمنى اتوفق فيه ..

ادعولي بالتوفيق .. وان شاءالله, الله يكتب وتكونين عند افتتاحه في ضيافتي .. مكرمة وعزيزة وغالية

انتي وباقي البنات


تحياتي
20-06-1426 هـ, 02:36 صباحاً
 
مشاء الله تبارك الله والف الف مبروك مقدما والله يوفقك

وانشاء الله لازم تعطيني خبر عند الافتتاح عشان اجيكي بس معرفت انتي من وين
20-06-1426 هـ, 05:34 صباحاً
 


الساعة الآن 04:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏