مشكوره على النصائح قلب طاهر والله يوفقك في مشروعك
السلام عليكم ورحمة الله وبركاته

موضوع جدا جدا رائع

عن نفسي... مبتدئة (يارب توفقني)

بس اتعلمت شي مهم جدا

وابغي اشارككم فيه

قبل فترة بديت مشروع المكياج.. وعقب بفترة بسيطة بديت مشروع الملابس البناتية

بعد ما بعثت مسجات حق معارفي اخبرهم عن بداية المشروع طحت مريضة

ياني مرضين في نفس الوقت (الحمد الله على كل حال)

المرض الاول خذ 10 ايام والحمدالله شفيت منه
المرض الثاني كان الاصعب والاقوى تعبت منه تعب فظيع استمر اسبوعين ولين الحين تارك لي اثار في رقبتي وجزء من وجهي بس الدكتور والحمدالله طمني وقال على مر الايام ****لله بيروح

طبعا واضح جدا انها عين وحسد من الناس اللي عينهم بس على غيرهم.. والتجارة اي حد يقدر يبدأ فيها لو براس مال متواضع حسب نوعية التجارة..

بس في فئة من الناس اتحب تتفكر في غيرها وتحسدهم على طموحاتهم والاشياء اللي ايسونها..لانهم في الحقيقة يحسدونهم على عزيمتهم..

المهم لازم التاجر او صاحب الاعمال دائما يستحيط على نفسه بقراءة الرقية الشرعية... عشان يبعد العين عنه وعن تجارته.. الناس ما تعرف الصعوبات اللي تواجه التاجر ولا المشاكل ... يعتقدون كل شي عسل في عسل وان التاجر من اول يوم تدخل الفلوس جيبه... ما يدرون ان الفلوس اللي يبدأ يحصلها من تجارته ثلالثة ارباعها او كلها ترجع لتغطية نفقات المشروع الاساسية..

الحمدلله الذي لايحمد على مكروه سواه..
ماشاء الله تبارك الله
تفاعل ممتاز مع الموضوع جزاكم الله كل خير اخواتي الغاليات
وبالفعل استفدت كثير من نقاشاتكم واتمنى ان تدوم ونتناقش بالي يفيدنا ونذكر المواقف الي تصير لنا لنقوي بعضنا وياليت تذكرون لنا عن دورات تفيدنا في مجال التجارة او مجال تطوير الذات واكون لكم من الشاكرين
فاز من بحياته إنجاز
اقتباس مشاركة  (ssalli2002)
مشاء الله تبارك الله والف الف مبروك مقدما والله يوفقك

و***** الله لازم تعطيني خبر عند الافتتاح عشان اجيكي بس معرفت انتي من وين
السلام عليكم...

افا عليج ياسالي تشرفيني وان ماشالتج الارض تشيلج عيوني .. تأكدي اول ماتدخلين عندي .. اسلم عليج باليمين وكرت عضويتج اعطيج اياه بالشمال


انا ياعزيزتي تقدرين تقولين عني مجبوس .. سلطة.. لول .. انا من البحرين ووالدتي قطرية تربيت وعشت طفولتي ومراهقتي واغلب حياتي في كنف جدي وجدتي وخوالي بقطر .. قبل لاسافر لتحصيل دراستي في بريطانيا وامريكا ومن ثم رجعت واستقريت في البحرين وبديت تجارتي ومع مزاولة تجارتي مابطلت دراسة .. انتسبت لكذا جامعة برااا .. وحصلت على دبلومات ثانية تسند دراستي الاساسية .. وعلى فكرة جدتي لابوي منكم ((سعودية))

شفتي كيف انا مجبوس اصلي ؟؟

تحياتي
اقتباس مشاركة  (نورس في السماء)
مشكوره على النصائح قلب طاهر والله يوفقك في مشروعك
السلام عليكم ..

افا عليج حنا خواات ولازم نتعاون

الله يوفقج انتي كذلك

تحياتي


الساعة الآن 01:21 .