بسم الله الرحمن الرحيم
السلام عليكم ورحمة الله وبركاته
بدايه أحب اشكركم على تعاونكم الجميل مع الجميع
والان انا محتااااجه مساعدتكم صاحبات المشاغل والمتخصصات بهالمجال بأذن الله انا راح اكووون مسؤووله عن ادارة مشغل من والى وتقريبا راح اكون شريكه يعني راح اشتغل في هالمشغل وكأنه لي المهم بالبدايه انا حبيت المشغل يكون متخصص بالخياطه بس اتوقع راح اضطر اضيف طاوله للمكياج مع اني ماحبيت الفكره اهم شي انو بالبدايه راح نشتغل بالخياطه والتصميم فقط والان بدينا باجراءات الفيز راح اجيب عاملتين فلبينيات خياطه طبعا لكن مادري كيف اعرف ان شغلهم راح يكون مظبوط هذا اللي خايفه منه مررره مخوفني لأن المشغل راح يكون معتمد على شغلهم اللي عندها خبره في هالشي تقولي كيف اتاكد ان شغلهم مظبوط وثاني شي حاليا راح ابدا تجهيز المشغل من والى ديكووور واجهزه طبعا المكان اللي اخذته بقولكم مساحته ابغا تقولو لي هل راح يكفي او لا لأن حسيت مساحته صغير هو 4في 8 وجهه صغيره على الجنب 2 في 3 تقريبا بس هاذي مساحته طبعا مافي امل اغير المكان حاليا اهو يحتاج تجديد لانه متدمر مررره راح اغير الصبغ وافرش المشغل فينيل لكن محتاجه ارائكم انا ناويه اعتمد الوان معينه وراح يكون اللون الابيض لون اساسي ومفكره ادخل اللون الاسود والرمادي مع كسر لهاالالوان اما ببرتقالي او احمر طيب وراح احط في واحد من الجدران ورق حائط يكون بلون رمادي والباقي صبغ ابيض هل كذا حلو او لا طيب الفينيل محتاره فيه كل الالوان اللي قلتها ماتصلح تكون لون للفينيل هل عادي لو خليت الفينيل اللون الخشبي يعني كأنه باركيه او ماراح يطلع حلو راح احط حواجز بلون ابيض عشان مايعطي ضيق للمساحه الحواجز وين القاها او اسويها عند نجار نجي للوحه وش ممكن تقترحون علي فيها بالنسبه للالوان والشكل انا اشوف مشاغل كاتبين اسم المشغل بدون لوحه مااعرف اسم معين لها بس يعني تكون اسم بلون ذهبي احسها حلوه وفخمه بنفس الوقت ان شاء الله تكونو فهمتو علي وابغى استفسر عن الاجهزه اللي راح احتاجها للخياطه والتفصيل كم عددها كم يبغالها ميزاينة وش الاجهزه الضروريه والتكميليه اذا حصل وحده تتبرعلي وتقولي عن الاجهزه حقت الخياطه من الابره لين اكبر مكينه وكيف ارتبهم مع ضيق مساحة المشغل واخر شي انا في حاجه مقلقتني بالنسبة للبس انا ماأبغى استاثم بخياطة ملابس عاريه كيف اتجنب هالاشياء وطبعا مستحيل اقدر اتحكم بالزبونه فاابغى ارائكم بالنسبه لهالموضوع واي وحده عندها نصيحه اضافه فكره أي شي ياليت ماتبخل علي وابغى تدعووون لي بالتوفيييق والنجاح لاني مررره خايفه من الفشل

ربي يوفقك حبيبتي كان نفسي اجاوبك لكن ماعندي خبرة
بالاول خياطة الحالة اسمحيلي بيكون فاشل حطي قسم خياطة وقسم كوافيرة بجميع خدماته من تساريح لقص لصبغ امكياج لحلاوة وخلافه


ثانيا الالوان الحلوة اسئلي عن اللون الصدفي جدااا حلو ومميز وحطي مرايات كبار بالجدران بيعطي اتساع للمكان


والارضية افضل سراميك اسهل بالتنظيف وكمان لاقدر الله تتجنبي الحريق الي ياكل الباركية بثواني او النمل الابيض الي يدمرة
اختي انا خاختصاصي خياطه وتصميم الازياء .اذ تبغي اوفر لك ادوات الخياطه
الله يعافيكم يعني تتوقعين يكون فاشل اذا كان خياطه بس مادري احس الخياطه مشروع ناجح خصوصا اذا كنت بسوي تصاميم وبعرضها منه يشوفون الخياطه كيف ومنه اذا حبت تشتري بدون ماتفصل


الساعة الآن 07:14 .