الموضوع مبين من العنوان

مثل ما تعرفون ان كتب الطبخ منتشرة بكثرة بالاسواق والمكتبات

وفي منها الزين والمضبوط وفي منها اللي وجوده مثل عدمه
فحبيت اعرف الكتب اللي مجربينها البنات وتكون مضبووطه بالمقادير واهم شي تكون سهلة الاعداد

وخل يكون هالموضوع مثل الموسوعه حق البنوتات اللي توهم بالمطبخ
انا عن نفسي احب وايد كتب المطاحن
ان ييتي من ناحية المقادير فهي كده ]

واذا التطبيق سهوولة
والطعم يهبل

اضيف بعد كتاب عوافي وااايد حلووو ومقاديره شعبيه هههههههه

بالقلاص <<< اهم شي

ومن فترة حصلت كتاب نخبة الاطباق وما عجبني

صراحة كل الاكلات اللي فيه موجودة بالنت يعني ما ضاف لي شي يديد


وفي عندي كمية كبيرة من كتب الطبخ ان شالله لي عودة واتكلم فيها

بس القى تشجيعكم وارائكم خواتي
12-04-1433 هـ, 12:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أكلات منال العالم مضبوطة مية في المية >> نفس اسويها بنفس مقاديرها وتطلع مضبوطة
بس للأمانة ولا مرة شريت لها كتاب بس اخذ من موقعها او من برامجها

واختي لما تزوجت اشترت مجموعة كتب رابحة للطبخ السعودي

للمعلومية الاكلات اللي فيه مو بس سعودية لا مقسمة >حلو - مالح - معجنات - حلويات - كيكات - بسكوتات - اكلات هندية - اكلات جاوية -ايدامات - اطباق رز - اطباق مكرونة


هذا مقسم لثلاث اجزاء (ثلاث كتب )
كل كتاب يقول الزين عندي

وصفاتها روعة ومضبوووووطة يعني تسوين نفس المقدار بالضبط ما يحتاج تعديل والبهارات مية مية

في وحدة اجنبية اسمها مارثا ستيوارت انا ادخل موقعها > طبعا كله انجليزي و الله يعينك حلوياتها بس روووووووعة اما الموالح مو حلوة اكل الاجانب مو حلو ما فيه بهارات ونص استوا وما فيه ابتكار بس الحلويات والكيكات مقاديرها مضبوطة سويت من وصفاتها كثير كثير كثير




نجي للسيء
طبخات مجلة لها >> ما تقدري تاخذي منهم إلا الفكرة بس وانتي طبقيها بأسلوبك وببهاراتك الخاصة وزودي وقت الطبخ
والكيكات حقتهم مو مضبوطة ابدا

قناة فتافيت في وحدة اسمها نايجيلا تحسي الوصفات خوقاقية وهي تسويها بس لما تطبقيها للأسف تطلع شي وحشششششششش

مدري ليه


دعواتك
12-04-1433 هـ, 12:29 مساءً
 
بنات وين القى كتاب اطباق النخبه؟
12-04-1433 هـ, 05:46 مساءً
 
بنات تنصحوني احمل كتاب الاطباق المميزه لام ريما <<<<<اعتقد اسمه كذا

يعني يستاهل والا لا واعطوني الرابط لو سمحتو
12-04-1433 هـ, 06:10 مساءً
 
أنا أشتريت كتاب أطباق النخبة وندمت كلها أشياء معروفة وموجودة بالنت
12-04-1433 هـ, 09:12 مساءً
 


الساعة الآن 09:45 .