السلام عليكم
بنات مشكلتنا ما تخلص مع الحبوب اللي في الويه
ياريت يا بنات اللي تعرف احسن عياده لدكتوره جلدية في الشارجه او دبي ادلني وتقول لي عنها لاني محتاجه اروح لان ويهي بدا يتشوه

ياريت يا بنات ادلوني

أختي الوردة الدكتورة الدكتورة سعاد لطفي في دبي تطلبين رقم عيادة الدكتورة سعاد لطفي وفي دكتورة فالشارجة بس نسيت اسمها توها فاتحة عيادة وهي دارسة في امريكا اعتقد والدكتورة سعاد مواطنة وهي بعد ممتازة
كان بودي اساعدج حبوبه
أقولج عندنا في منطقة النخيل الدكتور جورج جاكوب الصراحة أسعاره حلوه وعلاجة ممتاز فأنا وأعوذ بالله من كلمة أنا تعالجت عنده من فترة قريبة والحمدلله رب العالمين بشرتي استوت صااااافية وحلوة لأني استمريت على الدوا لمدة شهرين والحمدلله طلعت النتايج ممتازة صح ان في فترة العلاج بشرتي اتقشرت واستوى ويهي مب شي بس الحمدلله طلعت النتايج مرضية 100%.
وبعدين سرت خذت صابون سودا قيمتها خمس دراهم من دايسو والصراحة الصابونة وايد زينه وحلوة وكل يوم قبل النوم استعمل اسكينول وانت جربي الطريقة الثانية راح ترتاحين وااايد عليها واستعملي ريتن A بعد ممتاز.

والسموحة على الثرثرة الكتابية
السلام عليكم ... شخباركم... بصراحة أنا اتعالج عند طبيبة جلدية في مستشفى البراحة اسمها الدكتورة مريم سعيد (مواطنة)... بصراحة بديت من فترة بسيطة بس النتايج ماشاءالله .. طبعا لازم استمر عليه فترة شهرين بس للآن تماااام و لله الحمد... جربي خذي موعد و ان شاءالله تستفيدين.. بس أحب أعطيج معلومة عن الدكتورة سعاد لطفي اللي طرتها الأخت الرفيعة,, الدكتورة سعاد طبيبة جلدية و تحصلين أسرع النتايج عندها ماشاءالله ... بسسسسسسس .. الدكتورة تبالغ في اسعارها و عقب فترة ويهج بيخترب و بتردين تسيرين لها,, أنا ما أحب الاساءة لأي حد و انا الحمدلله ما تعالجت عندها لكن أعرف وااايد بنات تعالجوا وويوهن ماشاءالله استوت رخااام من صفاتها ,, بس عقب فترة تمن يراكض عند الدكتورة عشان تعالج بشرتهن,,, بنات.. نصيحة الدكتورة اللي في مستشفى البراحة طبيبة في مستشفى حكومي يعني تاخذ راتبها من الحكومة مب من الناس.. يعني مالها مصلحة تخليج اتيين عندها كل اسبوع و الا كل يوم,, بالاضافة انه علاجها ماشاءالله ممتاز... نصيحة أخوية و براحتكم...

اختكم وحيدة..


الساعة الآن 11:04 .