Analysis Services
السلام عليكم خواتي الله يجزاكم خير دلوني وارشدوني وساعدوني الله يحفضكم من كل ش ر

انا عندي ولدي الله يحفظه يدرس في امريكا وله مده يحن علي يبيني اشحله قهوه وهيل ولوازم القهوه


يقول معدته تقطعت من القهوه السودا اعذروني على التعبير مااعرف اتفلفس

المهم ياحبايبي انا ودي ارسله هذي الاغراض ابي احطلكم فيها قائمه وانتم علموني وش اطلب من المحل

يحط عليها المحل هوالرفاعي وقالي مااغلفها لك إلا تشترين مني اكثر الاغراض مدري هوصادق ولا يبي

يبتزني وهل ارسلها مطحونه ولا حب قلتلكم مااعرف اتفلفس وهل مطلوب ذكر المحتوى ولا بس تاريخ الصلاحيه

هاه نسيت شي ولا لا إذنسيت ذكروني الله يذكركم الشهاده عاد عجلوعلي وليدي راسه يعوره يبي يكيف على

القهوه هو وخوياه الله يردهم لهلهم سالمين ------

القائمه الاكل-

قهوه - هيل - عويدي - خلطة القهوه - تمر - كليجا - معمول - مره - زيت خروع طالبه مدري ليش -بزار سعودي

قائمة الاغراض -

ترامس للقهوه والشاي - فناجيل - بيالات - قدر ظغط - بريق - وين احسن شركة شحن همتكم معي
16-04-1433 هـ, 05:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
****لله يفيدونك
بس ليش يقولك اشتري اكثر مني يكفي قائمتك مشاء الله كثيره
16-04-1433 هـ, 05:20 صباحاً
 
الله يرجع بالسلامه

رفع
16-04-1433 هـ, 05:35 صباحاً
 
الله يرجعه لك بالسلامه ويوفقه ويرجعنا جميعاُ لبلادنا سالمين ..


والله يا اختي اغلب الاشياء اللي ذكرتيها موجوده في امريكا في المحلات العربيه حتى الكاسات والفناجين ..


و قدر الضغط يقدر يطلبه من موقع الامازون يوصله لحد بيته ..


والاباريق والترامس ممكن يلاقيها في محلات ross اسعارها حلوه


احنا في البدايه كنا نجيب كل شيء من السعوديه لكن الحمد لله اكتشفنا ان كل شيء متوفر ماعاد القهوه و الهيل و العويدي و البهار السعودي والتمر مافيه احسن من حق السعوديه ..


واعتقد انه مو مطلوب منك تحطي المكونات بس يكفي التاريخ ..


طبعا لما يكون حب مو مطحون افضل بكثير عشان ما يفقد نكهته والمطاحن هنا متوفره ويقدر يطلبها كمان من موقع امازون ..


واذا تحبي يا اختي خليه يدخل موقع السوبر ماركت السعودي فيه شباب يوفرو له كل طلباته ويشحنوها له بالطريقه الامنه والمضمونه و توصله لحد عنوانه وبأسعار معقوله ..


واريح لك انتي عشان ماتشيلي هم انها توصل او لاء ..


بس حبيت اذكرك بسفرة الطعام اللي استخدام مره وحده وبعدين ترمينها هذي مو متوفره هنا كثري له منها اتوقع انه راح يحتاجها (=


اعذريني على الاطاله واي سؤال انا حاضره ..
16-04-1433 هـ, 05:41 صباحاً
 
الله يوفقه ويرجعه سالم

انا من اسبوعين شاحنه لاختي تمر و قهوه. وفناجيل. واجله صلاه

شريت الاغراض ووديتها للرفاعي وغلفها ماقالي اشتري من عندي ولا شي

انا غلفتهن بالرفاعي اللي بشارع الستين

ورحت وشحنتها بشركه d h l

شركه ان شاء الله انها مضمونه

قالي الاغراض راح توصل لامريكا من خمس ايام الى ثمان ايام

وماشاء الله وصلت خامس يوم وهي عندها الاغراض

شحن لي الاغراض ب ١٤٣٩ ريال
16-04-1433 هـ, 07:27 صباحاً
 


الساعة الآن 05:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏