السلام عليكم ورحمة الله وبركاته

خواتي مثل ما أكثركم عارفين انا عايشة مؤقتاً في بريطانيا
وبعد ثلاث او اربع شهور ان شاء الله برجع لبلادي وهي الامارات
فاللي حابة تطلب شي من مواقع او محلات بريطانية حياها الله



شي كذا بنت اشترت مني من قبل

وشي وحدة من المنتدى بعد موصتني على غرض اييبه وياي يوم ارجع ان شاء الله

و ان شاء الله بكون عند حسن ظنكم
واللي حابة تتعامل معاي اقولها انها بعد ما تقرر تصلي ركعتين و تستخير ربها
فإذا كان فالموضوع خير لها ربي بيسر الأمر لها





بالنسبة للطلب ممكن تختارين شي من اثنين:
ممكن تشترين البضاعة اللي تحبينها وارسلها على عنوانج بالبريد الجوي
والشحن بيكلفج عالكيلو تقريبا 70 درهم
وكل نص كيلو زيادة عليه 30 درهم


او انج تشترين البضاعة واييبها معاي يوم ارجع بإذن الله
وبهالطريقة توفرين قيمة الشحن







عندي بعض الملاحظات بس قبل ما احط الروابط :
1-
الطلبات تكون من مواقع بريطانية فقط

2-
بالنسبة للمحلات اللي ما عندهم مواقع على النت مابقدر اشتري منها
لان السوق بعيد عني اشوي وما اقدر كل يوم اروحله
3- الدفع يكون مقدماً من الزبونة وانا بعطيكم معلومات البنك والحساب اللي يخص زوجي في لندن او ممكن تحولون عن طريق الويسترن يونيون
4- عمولتي على كل طلبية تطلبينها (( 50 درهم )) على الطلبية كاملة مهما كان حجمها
5- ما اقدر اشتري اي شي عليه صور ذوات أرواح ( ما فيني آخذ إثم )،، فرجاءا محد يطلب شي عليه صورة سواء ثياب أو اكسسوار او غيره






هذا كل اللي عندي من تفاصيل واذا تذكرت شي ثاني برد اكتبه ان شاء الله
واللي عندها اي سؤال تحطه اهني عالعام عشان الكل يستفيد

ولي عودة وبحط لكم بعض الروابط للشراء



وهاي بعض الروابط اللي ممكن تطلبون منها

واللي عندها مواقع ثانية تحطها للبنات عشان يطلبون


هاي مواقع لثياب الاطفال، عندهم ثياب كلها ماركات

شي منها يديد وشي منها مستعمل بس مكتوب تحتها اذا كانتيديدة او لا

أسعارهم أرخص عن السوق الأوروبي لانه الثياب تكون موضةالسنة اللي طافت

فعشان جي تنباع بسعر الجملة:







وهذا لورا اشيلي اظن معروف:



شنط:






مسدس صنع البسكوت:



ميك أب


هالموقع فيه ماركة (بينيفيت) :



وهاي لستة الاسعار لـــ (بن ناي) : (السعر بالباوند\الجنيه الاسترليني)

ممكن تشوفون الصور في موقع بن ناي الامريكي لان المحل اللي بشتري منه عنده موقع لكن ما فيه صور عدلة ،،،،

اهني ممكن تشوفون (الصور بس من دون الاسعار):

ملاحظة:
أسعار المحل اهني في بريطانيا أغلى من سعر المحل الامريكي
ماعرف ليش
طبعاً كل شي في بريطانيا اغلى من امريكا بشكل عام




أمـــــــــــــ ـــا
المواقع اللي بحطها الحين للميك أب بس أسعارها رخيصة لان:
- بعضها فيه عيوب في التغليف يعني مثلاً: العلبة مالها كرتون ،، او يكون سطح العلبة مخدوش او الكلام مطبوع عالعلبة فغير مكانه ،،،والمحلات الكبيرة ما تعرضها فا هالشركات تاخذها من المصنع وتبيعها برخيص
- او انه ما فيها عيب لكن يشترونها أيام التصفيات
- او تكون بضاعة فائضة عن حاجة المحلات
أما المنتج من ناحية نوعيته او الكواليتي مافيه شي أبداً،،، المنتجات كلها أصلية وماركات معروفة مثل : كريستيان ديور،، بينيفيت،،، لوريال ،،، ماك ،،، ماكس فاكتور،،، وغيرها








وهذا موقع لتحويل العملات :
بالنسبة للطلبات :

يليت كل وحدة يوم تبا تطلب شي تحطلي :

1- رابط الموقع اللي طلبت منه

2- صورة المنتج ،،،، ورقمه ،،،، ورابط الصفحة اللي فيها المنتج

عشان تسهل علي وما ايلس احووس فالموقع وانا ادور اللي تباه

3- الكمية اللي تباها ،،، واللون ،،، (والمقاس اذا بتطلب ثياب)



طبعاً بشوف لها كم بتكلفها الطلبية كاملة مع العمولة والشحن وبخبرها

اذا عجبها السعر تحوللي المبلغ من الصراف او بالويسترن يونيون

بالنسبة لبنات الامارات ممكن يحولون من الانصاري <<<< ياخذ 60 درهم على اي مبلغ يطرشه للندن

او الرستماني <<<<<<وهذا (اظن مب متأكدة) ياخذ 40 درهم على اي مبلغ
والسموحة


بالتوفيق ****لله اختي الطير المهاجر
اقتباس مشاركة  (بنت الكويت العسل)
بالتوفيق ان شالله اختي الطير المهاجر



الساعة الآن 08:23 .