صباح الورد



فيني صيحه ببكي يانااس انا الحمدلله اعرف اطبخ واقدر اسويلك سفره حلوه بس عندي مشكله مسببه لي ازمه واتعبتني


مشكلتي الكبسه ماتضبط معي نهايي المشكله احيانا نادرا تطلع حلوه والاغلب ماتنبلع حتي زوجي يجاملني ولقمه ويقوم تفشلت منه كل شي جربته ماتنفع معي غيرت البهارات الرز بس مافيه فايده وش اسوي
يعني الغيها من قاموسي نهائي
جربي بهارات القصيم تضبط الكبسه رووعه ورز البشاور
يطلع نكهه حلوه هذي تستخدمها عمتي وكبستها روعه
وان شاء الله افدتك
مافهمت قصدك يعني مالها طعم
ليــــــس كـــــل مايصــــــلك منــــــي يعنـــــي شخصيـــــتي أنــــا همــــــــي هـــــــو للــــــفرفشـــ ـــة فقـــــــط...
هدي حبيبتي وش الي بضبط مايزبط معك
شوفي جربي المندي حقي وردي لي تراه سهل سهل سهل
شوفي كشني بصل يكون حجمه وسط وبعد مايذبل حطي عليه فصين ثوم مهروس
وشوحيه شوي ولكن لايتغير لونه
وعلى طول حطي عود قرفه وقرنفل وهيل يجي خمس حبات
وحطي الجاجه وتكون مقصوصه نصين
وحطي ملح وبس
وأنقعي الرز لمده نص ساعه أو أكثر شوي علشان الحبه تجي طويله
وأذا أتسوي الدجاج طلعيه وخوذي من المرقه شوي كذا نص كوب وأخلطيه بصبغة الزعفران البودره
وصبيه على الدجاجه علشان يصير لونه ذهبي ويكون شكلها أحلى بتقديم
وحمريها بالفرن
وبعدين حطي الرز بعد غسله طبعا وخلي الما غاطي الرز ونار عاليه
وبس يصير الماء بمستوى الرز وطي النار وخليها هادي
وأنا لي طريقتي الخاصه برز لما احط الرز احط معه الفلفل الرومي وأشيل الراس والبذر
واقصه من النص لأنه يشيل الزفرت الدجاج ويعطي للرز نكهه رائعه
وبس يتسوي الرز حطي عليه من الصبغه الزعفران وحركي الرز حتى يكسب لون
ويصير نصه اصفر ونصه ابض وبعدين حطي الدجاج بنفس القدر
وجيبي فنجان به شوي زيت وحطيه بالقدر وحطي فيه جمره واكتمي عليه خمس دقايق
وبعدها تمتعي بالمذاق الرائع
أما الكبسه الحمراء أذا انتي من عشاقه فيه بهارات الكبسه من ماجي
حلوه بالمره كشني بصل طبعا الحجم يكون وسط وبس يذبل حطي عليه فصين ثوم هروسين
وبعدها حطي المطيبات الي هيا القرفه عود واحد يكفي وخمس حبات هيل وقرنفل
وليمون اسود وحطي طماطم وسط مقطع مكعبات وشوحيه شوي وحطي على طول الدجاج
وخليه الين يصير لون الهيل أصفر بعدها حطي بهاراتك المطحونه وأنا أحط من بهاراتي ومن الخلطه الي قلت لك عليها حقت ماجي
ملعقه صغيره منها وملح حاولي البهارات لاتكثر وطعمها يطغى
وعلى فكره الخلطه تجي بظرف لأستعمال مره واحده ولكن انا أشوف أنها كثيره
خوذي بملعقه صغيره وأخلطيها مع بهاراتك يعني أذا تحطين ملعقه بهارات حطي من الخلطه نص ملعقه ومن بهاراتك نص
ملعقه
والبهارات حطيها أخر شي بعد ماتكشنين البصل هيا وصلصه علشان ماتحترق
وبعدين صلصة طماطم وزيدي شوي مويا لاتكثرين خليها تغلي مع بعض حتى تتسبك وتكسب النكهه
وبس يتسبك زي مويا
وبس يستوي الدجاج طلعيه وحمريه
وأكبسي الرز على مرقة الدجاج


الساعة الآن 04:35 .