الله يعافيك اختي ام لين وليان
حابه اقولكم على شغله
انه احنا ياصاحبات المشاغل التأمينات نقدر نسجل فيها بشكل شخصي
ويحق لنا فيها بعدين راتب تقاعدي فقط اذا اكملتي سن الخمسه والخمسين او اشتراك 10سنوات يعني 120شهر وقدري تدفعي حق ثلاث سنوات بأثر رجعي فقط
يعني مثلا وحده مشغلها له خمس سنوات وحبت تسجل نفسها عشان تستفيد راتب تقاعدي وتبغى تسدد من بداية تشغيل مشغلها ماراح يحسبولها الامن ثلاث سنوات مو خمسه !!!
وطبعا ماتنحسب كموظفه بالمشغل حتى لو كنتي تشتغلي بنفسك !!!

وبالنسبه لتأمينات الموظفه السعوديه يختلف الامر
اولا هما التأمينات يحطو نسبة 20بالميه على الراتب واقله 1500ريال وعليه تأمين 300ريال
طبعا هو تأمين عن الاخطار وتأمين اجتماعي(يعني راتب تقاعدي)
فلو الموظفه اشتغلت مثلا سنه وهي مسجله بالتأمينات وراتبها الحد الادنى 1500 فمجموع تأميناتها خلال السنه هو 300*12=3600ريال
طيب لو تركت العمل هي اما انها تخلي مبلغ هذا التأمين ولاتسحبه من الشركه بحيث انها في حالة اتوظفت سواء بالقطاع الخاص او الحكومي يضاف الى وظيفتها الجديده وتكمل عليه سنوات الخدمه
وبعضهم لا تروح وتسحب المبلغ !!!
هنا النقطه ايلي اكثر السعوديات سواء من الموظفات او صاحبات العمل خصوصا المبتدئات مايعرفوه او فاهمينه غلط !!
وهو ان الموظفه لها فقط المبلغ ايلي كان فقط يتخصم من راتبها نسبتها 9بالميه وان باقي المبلغ ايلي تدفعه صاحبة العمل يكون للمنشأه او لصاحبته في حال قفلت المشغل وطبعا هالمعلومه غللللللللط
الصحيح هو
ان مبلغ التأمين كله للموظفه السعوديه هي تستطيع في حال رغبتها انه تسحب منه يعطوها النسبه ايلي كانت تخصم من راتبها +واحد بالميه
يعني باقي المبلغ مايرجع ابدا للمنشأه ولا لصاحبة المشغل وهذا الكلام اخذته شخصيا من مسؤولة التأمينات

عشان كذا بعض صاحبات الاعمال خصوصا ايلي راتب موظفاتها طيب تتفق معاهم ان مبلغ التأمين يكون كامل على الموظفه او يخلوه مناصفه

يعني الحين انا علي بس اسجل اسم الموظفة السعودية فقط في التأمينات
وهي الي تروح تسحب اذا بغت ,,
اما انا مااسجل اسمي الا بعد سنتين من تشغيل المحل
ويكون لي مثل الراتب التقاعدي بعد 10 سنين ومااعطيهم اي شي خلال هذي الفترة صح؟؟
معليش حبيبتي على كثرة الاسئلة ...
اللهم أعني على ذكرك وشكرك وحسن عبادتك
اللهم قني عذابك يوم تبعث عبادك

اللهم أجعل قبري روضة من رياض الجنة
وأغفر لي وللمسلمين والمسلمات الأحياء منهم والأموات
يعطيك العافيه اخت الصبر
اقتباس مشاركة  (أم لين وليان)
يعني الحين انا علي بس اسجل اسم الموظفة السعودية فقط في التأمينات
وهي الي تروح تسحب اذا بغت ,,
اذا كان هذي اول مره تسجلي فيها بالتأمينات اي موظفه وماعندك رقم اشتراك للمنشأه تبعك تروحي القسم النسائي اذا وتقولي انا ابسجل اشتراك منشأه وبعدين تضيفي اي موظفه سعوديه عن طريق موقع التأمينات اون لاين وهي طريقه سهله وبعد مايتم تسجيلها تروحي تسددي الرسوم عن طريق الصراف ويعطوكي خيارات 3اشهر 6اشهر اوسنه وتختاري وتسددي وبعدين راح يكون التسديد شهري وطبعا التسديد يكون عن طريق رقم اشتراك منشأتك ايلي يرسلوه لكي بعد التسجيل مو رقم اشتراك الموظفه
وبعدين تروحي للتأمينات وفقط تطلبي منهم شهاده بعدد موظفينك وتاخذيها بوقتها وتكون مدتها سنه وتوديها لمكتب العمل ياخذوا نسخه منها
اما السحب ايلي هو صرف المستحقات ماتقدر الموظفه تسحب الا اول شي تنزليها من التأمينات عن طريق اون لاين وتعطيها ورقة اخلاء طرف من عملها عندك وتاخذها وتروح لمكتب التأمينات وتسحب مستحقاتها لو تحب


اما انا مااسجل اسمي الا بعد سنتين من تشغيل المحل
لااااا اختي تقدري تسجلي اسمك من اول ماتفتحي المشغل انا قلت المثال تبع الخمس سنوات كأفتراض لو وحده كانت من زمان فاتحه المشغل قبل حكاية التأمينات وحبت انها تسجل من اول تاريخ فتح المشغل يقولوا لا اقصى مده نحسبها لك من ثلاث سنوات وتدفع تأمين ثلاث سنوات وتكمل بعدين عادي السبع سنوات ايلي على اساسها تكمل عشره سنوات لاحتساب الراتب التقاعدي



ويكون لي مثل الراتب التقاعدي بعد 10 سنين ومااعطيهم اي شي خلال هذي الفترة صح؟؟
ايوه اذا كملتي عشر سنوات يحق لك راتب تقاعدي حتى لو استمر مشغلك
قصدك اثناء مدة العشر سنوات الا اختي تعطيهم مبلغ تأمين عادي انتي تحددي مقداره بتحديد كم تبغي المبلغ ايلي يحتسبوه عليكي وهو موجود عندهم بالموقع
يعني ممكن تقولي انا مثلا دخلي الصافي 1600 ريال اذا عليها تأمين 320ريال فتدفعيها لمدة عشرسنوات او انك لاي ظرف قطعتيها وماكملتي عشرسنوات وبلغتي سن 55سنه تروحي وتطالبي براتب تقاعدي
معليش حبيبتي على كثرة الاسئلة ...
لااااااا ابدا انا بالخدمه لاي استفسار اقدر عليه
السلام عليكم ...

سؤال للاخت صبر ولباقي الاخوات انا الان عرفت انه من شروط فتح المشغل وحدة تكون سعودية ولا شملها حافز

أقدر اسجل قريبة لي حتى لو ماداومت ؟؟؟

وكم راح يعطونها وانا كم اعطيها

ولها سن معينة ؟؟ يعني العمر محدد ؟؟








الساعة الآن 09:44 .