Analysis Services
  • «
  • 1
  • 2
  • 3
  • >
  • »
صباح الخيرات لكل الموجودات ولعالم حواء الجميل..
فكره جت على بالي وش رايكم يابنات بما انو احنا يالخليجيين مشهورين بالكبسه والقهوه العربيه .. وطبعا كل بيت له طريقته بعمل الكبسه والقهوه .. فقلت كل وحده تسدح لنا طريقتها .. بالنسبه لي هاذي طريقتي :
1- الكبسه : دائما المتعارف عليه ان البصل يحمس مع الطماط كذلك ومن ثم يوضع اللحم والماء لاكن انا اعتمدت على طريقه ثانيه لانها اطعم والذ المهم ( مالنا والطويله )
اول شي احط المويه بالقدر واللحم والملح وانتظر لين تغلي المويه بعدين احط ملعقه صغيره ( كمون - قرفه - فلفل اسود - ابزار الكبسه اللي موجود عندك ) وشوية زنجبيل ناعم ذره بين اصابعك ومعجون طماطم تقريبا ملعقتين اكل مليانه واذا حابه تكون الكبسه حمرا زياده زيدي الكميه ( بس عاد لا تخبصين الدنيا بالمعجون ) وشوية زيت وخليه لين يستوي اللحم وشيليه وحطي الرز وشيلي من المرق اذا كان كثير ليمن تلاحظين انه قريب من سطح الرز وخليه على نار متوسطه لين يتشرب الرز المرق اللي على السطح وخففي النار على آخر شي ليمن يستوي الرز وبعدين رجعي اللحم اللي طلعتيه للقدر وغطيه وخليه دقايق بس عشان يكون حار مع الرز .. بس وبالنهايه شوفوا الطعم وادعولي .
2- القهوه : احمس البن مع شبه وماستكا طبعا لا تكثرون الشبه والماستكا تقريبا خمس حبات او ست وبعد ماتطحن نجي للمويه بعد ماتغلي ونحط فنجان قهوه مليان وذرة كركم وربع بياله حليب سايل و 6 حبات هيل و 6 حبات قرنفل واخليها تغلي على نار متوسطه قريبه للعاليه شوي لمدة ربع ساعه واطفي النار واتركها 5 دقايق واجهز الثلاجه واحط قرنفل ناعم وهيل ناعم وطبعا اللي حابه زعفران تحط .. وعدلي المزاج وادعيلي .. ويالله ****لله تتفاعلون معي .. ونفيد ونستفيد .. ويعطيكم الف عافيه
20-04-1433 هـ, 07:10 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلمين قلبي

ان شاء الله بجرب قهوتك


يعكيك العافيه
24-04-1433 هـ, 03:01 صباحاً
 
لا اله الا الله
24-04-1433 هـ, 03:19 صباحاً
 
سبحان الله
24-04-1433 هـ, 02:51 مساءً
 
احط في القدر الدجاج او اللحم مع الخضار ..لين يطبخوا ثم اضيف البهارات المشكله ..ليمونه سوداء وحده حبه ماجي ودارسين 3حبات قرنفل ومعجون اذا خلصوا اضفت الملح صفيتهم وبعدين اضيف الرز
الرز يختلف على حسب نوعه سواء يحتاج ماء كثير او قليل
بعدين بقلايه افرم بصل وابدا احمره الزيت يكون اكثر بقليل من كميه البصل و اول مايصير لونه بني فاتح اضيف الزبيب بدون مانقعه وملح شوي وكيس عسل الاسود الي يجي مع كريمه كرامل >>>>مو دائما اضيفه
واسكب الزيت بشكل دائري على الرز واحفرحفرة واحط فيه الكشنه وادفنها واذا حبيت اقدم الرز اطلع الي بالحفرة ووزعته فوق الرز
والدجاج اخذ معجون وكمون وفلفل وبهارات وادهنه فيه وبالفرن

القهوة ...هيل وزعفران وقرنفل شوي لمده 20 دقيقه واطفي عليها لمده خمس دقائق وبعدين بالترمس

اشكرك حبيبتي على طرح الفائده لنا
25-04-1433 هـ, 05:22 صباحاً
 


الساعة الآن 06:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏