باركوووووووولي واذكروا الله علي.. شد الصدر و شفط الظهر/ قديم

اخييييييييرا الحمدلله جايه اكتب لكم تجربتي بعد معاناه سنوااااااااااااات

اول شي ترهل الصدر .. ثاني شي دهون الظهر

انا جسمي درقي بس من يومي صدري كبير ومترررررررررررررهل يعني الحلمات تحت لما انزل راسي ما اشوفهم
و مقاسي دي او سي حسب الوزن :angry:

اما ظهري عندي شحوم بالظهر مهما انحف ما تروح السفطات و طبعا المنظر العام قبيييييييييييح:icon33: والحمدلله على كل حال الظهر من فوق مليان بس القرف من تحت عند الخواصر يعني الخصر مو مستقيم.. فيه ثنيات قاسيه وفيها دهون

رحت في نص فبراير مستشفى بروكير و دخلت على الدكتوره عطف محرزي .. طبيبة التجميل ((وهي معروفه جدا و قرأت تجارب ناس عندها))

و سوت لي كشف ما اخذت معي ربع ساعه وقالت لي واضح جدا يبيلك شد وشفط .. مع اني كنت باجل الشفط عشان المبلغ مو كامل معي بس قالت لي حاولي تدبرين لان بما معناه يعني ظهري كارثي ..

كانت متحمسه تسوي ظهري

كلمت اخوي وصارحته بالموضوع و طلبت منه يسلفني و حبيبي خاف علي بس ما قصر حول لي المبلغ

طبعا الظهر شفط وشد بالليزر اما الصدر شد جراحي بدون حشوه وهي رفضت تحط حشوه لان تقول يثقل ويطيح مره ثانيه وانا احمد ربي اني ما حطيت حشوه.. لان الحجم جيد الان

المهم حددت معها موعد العمليه انه بعد 3 اسابيع بتاريخ 12/3/2012 و سويت التحاليل والاشعه .. لازم تكونين صايمه
بالبدايه قالوا لي التحاليل داخله ضمن العمليه بس الاشعه لا ادفعيها لحال

التحاليل 700
الاشعه 600
عمليه الصدر كلها مع التحاليل 22000
عمليه الظهر 16000

الحمدلله النتايج جيده و دمي كويس 12.3

و في موعد تقابلين دكتور التخدير.. انسان رااااااااااااائع و راقي ومتقهم للخوف اللي فيني

و في قبل العمليه بيوم تروحين تسوين تحليل دم اخير

طبعا انا من زماااااااان ارفع المبلغ و مخططه .. ست سنين يعني

رحت قلت لماما بعد تحديد الموعد وبلغتها ((هي عندها خبر اني ابي اشد ومتضايقه من صدري و دايم اسولف لها))
ماما ما علقت ولا شي بس بصراحه دعمتني جدا لان هي عارفه لاي درجه انا متأثره نفسيا من صدري وظهري
وبابا بعد صارحته و دعمني عالموضوع و قال لي بكيفك .. قلت له غريبه ما هاوشتني لان المبلغ كبير.. قال لي مادمتي متضايقه .. خلاص طز بالمبلغ <<< بابا عادة مايرضى و يهزيء عالعمليات وهالكلام

دخلت يوم الاثنين الساعه 7 صباحا
ما بلغت احد من اقاربي فقط صديقتي الحميمه

جات معي ماما الله لا يحرمني منها <<حبيتها بصراحه شكلي بصادقها

و لبست لبس العمليات و جالسه بغرفتي و استنى ومفههههههههههههههههيه و هي كل شوي تقول لي اقري الاذكار وانا اقرا شوي وافهي من الخرعه والفرحه

اضحك زي الخبله من عدم الاستيعاب

الساعه 9 جاتني الدكتوره الغرفه و سكرت الستاره وخططت لي و صورتني و بالمتر تقيس وترسم على ظهري و صدري

طبعا قالت لي انها بتشيل الخواصر يعني اللي جوانب البطن لانها متصله بشحوم الظهر

الساعه 10 جابوا لي السرير وانسدحت فيه وتحجبت بالشيله و نزلوني تحت و ماما معي

عطيتها شيلتي ودخلوني العمليات عال11
جاني طبيب التخدير صقيقي وقال لي لا تخافين هذي ابرة مهديء عشان اعصابك

و طققققق الا ما احس بشي

حسيت بعمري وهم مره ينقلوني من سرير العمليات لسرير الافاقه و بعدها صحصحت شوي شوي و هم ملحفيني وحاطين فوقي دفايه عشان برررررررررررد

المهم اول ما صحيت اقول لهم ابي مسكن لاني احس بالم الجرح بصدري

حطولي مسكن وكان كل الطاقم قممممممممممه بالتعامل والتفهم .. الدكتور المصري ودكتور التخدير حقي يهبلوووووون و لطيفين جدا ((ملاحظه: انا اصير زي الاطفال لما اكون تعبانه او مريضه احتاج اهتمام نفسي ومعنوي))

خلصت العمليه عالساعه 3 و الافاقه ساعه .. طلعوني الساعه 4 العصر ..

لقيت صديقتي تنتظرني ((ربي يخليها لي)) و قالت لي ان ماما رجعت البيت علشان اختي اللي بالمدرسه و انها هي تنتظرني و كذا .. دقت على ماما و كلمتني وتطمنت .. رجعت الغرفه لقيت بابا و تطمن علي ويقول لي هيفا وهبي الحمدلله عالسلامه << ابوي ماعنده وقت خخخخخخخخخخخ

جلس شوي وطلع

جاتني صديقتي وجلست وكذا وجاتني ماما واختي .. و كان اول يوم تعب من البنج احس اني مرهقه ولايعه كبدي

كان حاطين لي قسطره للبول (((الله يكرمكم))
وحاطين لي انابيب طالعه من صدري .. من كل ثدي انبوب عشان الدم والوسخ

ما اقدر اقوم وظهري يعوووووووووووووووورني كأني مصدومه بسياره ومترضضه و اما صدري ما احس فيه ابدا ملفوف بلزقه كبييييييييره

و لبسوني اثناء ما انا مبنجه مشد طبي للظهر

و حللوا لي الدم وطلع نازل الى 9.3 يعني فقدت 3 وحدات دم .. هالشي سبب لي دوووووووووووخه
وفقد الدم طبعا بسبب الشفط

قالت لي الممرضه اذا كنت ابي اشوف اللي شالته الدكتوره ورفضت بس طلبت ارقام يعني كم شالت

من الجزأ الايمن بظهري شالت 550 غ و من اليسار 500 غ !!!!:09:
من الثدي اليمين 70 غ ((جلد طبعا)) و من اليسار 280 غ ((صغرت اليسار لانه يفرق عن اليمين))

يعني نحفت 1.4 كيلو خخخخخخخخخخ

لما جا يوم الثلاثاء شالوا القسطره و طلبوا مني اقوم الحمام طبعا مع ممرضه تجي وتفتح لي المشد من تحت وادخل واغسل نفسي و ترجع تسكره لي

كل ما تحركت قل الالم اكثر واكثر الحمدلله

اشوف ظهري بالمرايه حقت الحمام .. خفففففففففففف كثير كثير و مع المشد النتايج احلى

صدري مشدوووووووووووووود والحلمات مرفوووووووووووعه ((ما اشوفه لكن من مكان الشاش عرفت موقعهم))

يا الله حلم حياتي تحقق .. جسمي من فوق صار حلو و صغر

البطن والفخوذ مقدوره بالرياضه لانها مو مترهله وكبيره حيييييييل عندي

الاربعاء الصباح جاتني الدكتوره شالت لاانابيب من ظهري و فكوا ابره المغذي و طلعت من المستشفى و ماما كملت باقي الحساب و دفعت حق المشد

طلع حق الاشعه ال 600 ريال مشموله وخصموها من سعر المشد ((المشد حدود 950 غاااااااااااالي))
و كان طبعان دم من اليمين لان الانبوب الايمن ما كان مثبت كويس بصدري

فا رجعت البيت نمت شوي وجاوا بنات خالتي (( هم الوحيدين من الاهل اللي يدرون اني مسويه تجميل والباقي قلت لهم كيس دهني بظهري))

خليت الشغاله تغسل المشد ((الدكتوره تقول ممنوع تشيلينه اكثر من ساعه باليوم .. والترويش كامل بعد اسبوعين))

غسلت شعري بنت خالتي وانا رشيت جسمي من تحت و مسحت اباطي ويديني وغسلت وجهي

و ماما لبستني المشد مع اختي ((فشله شافوا فخوذي))

و بس لبست فستان بحر خفيف وروب طويل شوي و ارتحت

بعد كذا بغسل شعري بالصالون عشان مره عورتني رقبتي بالبيت .. وجسمي بالبيت بصراحه


الان انا مدلعه بالبيت كلن يخدم علي

الدكتوره وصفت لي فيروغلوبين 15 يوم
مضاد اسبوع
فيتامين سي اسبوع
مسكن الم خمس ايام فقط

امشي مثل البطريق
انام بغرفه ضيافه تحت ما اقدر اروح فوق
ماما تسوي لي اكل مغذي ومفيد

وانا سعيده جدا جدا جدا اني حققت حلمي لنفسي .. هذا الشي كان محطمني نفسيا بشكل غير طبيعي

وكنت مثار تعليقات الاخرين ويفكرون اني ابالغ مع صدري بس الحمدلله خلصت من هالمشكله


ملاحظه: المستشفى سووا لي خصم 10 \% عالعمليه
مشد الصدر لسه ما دفعت سعره 800 ريال لكن يوم السبت لما اشيل الضماد بتحطه وبدفع قيمته

قيمة العمليتين 38000 قبل الخصم و 35200 بعد الخصم

المشدات 950 + 800 = 1750

المجموع = 36000 تقريبا

الادويه 180 ريال

الثقه والراحه = مليون ريال


دعواتكم لي بالشفاء وان ربي يعطيني النتيجه اللي ترضيني


اللي تحب تسأل عن اي شي تتفضل .. هذي تجربتي بعد معاناه

مقاسي الجديد لحد الان ما اعرفه بس اتوقع دي مو سي زي ما الدكتوره تقول !! لان مقاسي القديم دي وربع مو دي عادي .. اكبر من الدي بتكه

وزني لما سويت العمليه 92

الان ما اعرف

فقد الدم دوخني و شكل الدم مقرف ويدوخ بعد بغيت اطيح عليهم من المنظر