السلام عليكم
اخواتي لو تفضلتوا تساعدوني في عمل المعكرونة
ادري هي سهلة
بس انا ما جربت اعملها قبل وحابة اعملها يوم
ياااااليت تساعدوني
طيب
انا بكتب اللي اعرفة في طريقة التحضير وعندي بعض الاسئلة
طيب
........
اولا
نضع المعكرونة في قدر بة ماء لمدة 10دقائق على ان يكون الماء ساخن
واثناء سلق المعكرونة
يوضع نصف زبدة ("زيت للغلي) مع بصل ثم طماطم وقليل من الملح والبهارات وبعدها توضع الدجاج المقطع ونضيف الخضار من بطاطس وجزر ونضيف كذلك ملعقة صلصة طماطم
......
طيب
سؤالي
الحين الدجاج هو مقطع وخالص بس ابي شلون اطبخة يعني قبل ما اضيفة لمكونات القدر هل اضع علية بهارات (وما نوعها) وهل اسلق الدجاج ثم اضيفة للقدر الثاني المكون من الخضروات او لانحتاج لسلقة فقط نضعة مع من في القدر وسيطبخ معها؟؟؟

والخضار هل اسلقها واقطعها مكعبات وبعدين اضيفا في القدر الثاني؟؟

..........
مع خالص شكري وامتناني لكل من ستساعدني ولكل من حاول مساعدتي
واشكركم جميعا
....

سكنات
20-06-1426 هـ, 06:25 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله ايعينج انا بعد حالي من حالك لكن اللي اعرفه ان سلق المعكرونه لازم يكون مع ملعقة زين وملح عشان ما تتلصق وبعدين الدجاج لازم يتبهر او يتبل فبل الطبخ هذا بالاضافه الى انه في بعض الاكلات لازم يطبخ
20-06-1426 هـ, 10:26 صباحاً
 
انا اقترح انك اتجربين تعمليها اول مره بدون دجاج يعني بالصوص او مع الكريما او البشميل بعدين اذا تمكنتي تعملينها بالدجاج واللحم
20-06-1426 هـ, 10:29 صباحاً
 
يا هلا اختي العزيزه .. سكنات الليل الهاديء

المكرونه : مثلما قلت تغلين الماء مع شويه ملح وبعدما يغلي تحطين شويه زيت + المكرونه

وتقلبينها شويه بالملعقه حتى ما تلصق مع بعضها وتخلينها حتى تلين ثم تصبينها بالمصفاه

خلطه الدجاج : من كلامك تبين خلطه دجاج مع الخضار

اول شي لازم تسلقين الدجاجه مع الملح والبهارات وبعدين تسحبين منها العظام ويصير عندك دجاج مسحب ..
البطاط والجزر الافضل انك تقطعينهم مكعبات وتقلينهم شويه بالزيت حتى يتحمر لا تسلقينهم .
الحين تسوين الخلطه :
تفرمين البصله وتقلبينها مع شويه زيت حتى تلين ثم تحطين الثوم المهروس وتقلبينه شويه
بعدين الطماطم المفرومه مع رشه ملح وتخلينها شويه على النار حتى تلين , ثم معجون الطماط وقلبيهم شويه ...
الحين حطي بهاراتك + ( اذا تبين بقدونس او كزبره مفرومه يعطي طعم حلو للخلطه )
وقلبيهم شويه وبعدين حطي الدجاج المسحب وقلبيه عدل حتى يختلط مع المكونات كلها ,
وآخر شي حطي البطاط والجزر وقلبيهم شويه برفق حتى ما ينهرس , خليه شويه على نار خفيييفه جدا ثم طفي النار .
الحين اخلطي المكرونه مع الدجاج وردي حطي القدر على نار هاديه حتى يتسكر .

وان شاء الله تتوفقين وعليك بالف عافيه ....
20-06-1426 هـ, 11:06 صباحاً
 
rawnd

اشكرك اختي على الرد ...ومثل ما قلتي احتمال اعملها مع الخضار فقط
بس انا حابة افاجا الاهل بمعكرونة سنعة وابيها بالدجاج
......................................

زهرة النوير

الف شكر وامتنان لكي اخية
بصراحة وفيتي
وكلمة شكر قليلة في حقك
بس ما قلتي لي وش البهارات اللي اضيفها مع الدجاج وكيف انة نضج زين؟؟
........
20-06-1426 هـ, 07:13 مساءً
 


الساعة الآن 02:24 .