هلا أختي
اول شي ادعي ربي يبيضك وجهك وصفي النيه
سوي شاهي وقهوه وكابتشينو وحلي وكيكه التمر لمنال العالم روعه واشتري حلاوه زي سنكرز وتوكس وبونتي ورصيها فصينيه او سله معاك .. الشاهي سوي فطاير التوست وخذي مكسرات وفصفص واذا عندك وقت غلفيها بشكل بسيط جيبي الأكياس حقت التغليف وقصصيها مربعات وحطي شوي مكسرات وغلفيها بشرائط وكمان الفصفص واذا مايمديك عادي وزعيها فصحون لما تقدمين الشاهي..
الاطفال لاتنسين نصيبهم علبة حلاوه وكيس شيبس ..
نجي للطبخ : سوي تبوله تقطيع يدوي وحطيها فحافظه- سوي حمص-وبابا غنوج او طحينه
افرمي بقدونس وقطعي معاه بصل شرائح وقت التقديم حطي ملح وخل وسماق واخلطيهم سوا .. فصحن التقديم افرشي الخبز اللبناني وحطي شوي من الخلطة السابقة عليها ورصي المشاوي فوقه يطلع شكلها روووووعه أنا سبق وجربتها.. اذا في حريم كبار قدمي رز ابيض .. ولاتنسين البارد ..
واهم شي المسابقات عشان تتونسون ..
الحمدلله
الرز ماله داعي بيطول الشوي وبيخرب

سوي تبوله وورق عنب اذا عنك وقت وحمص وكاتشب ومايونيز وبطاطس مقلي او مشوي بكيفك ..

والقهوه سوي معاها حلا الشوفان سهل وسريع واخذي معاك تشكيلة ميني شوكلت واذا فيك حيل سوي تمريه سهله وشكلها حلووو ..

والشاي مكسرات وبزر ..

والغازيات ضروريه مع الشوي والمويه

والله يبيض وجهك ..
بالنسبه لي ماافضل الرز مع المشويات

سوي بطاطس مشويه تبليها في البيت وقت الشوي حطوها بفصدير على الفحم
وتبوله وحمص بابا غنوج ومشروبات
وممكن تسوين سلطه فواكه

والحلى سوي شيء مايحتاج ثلاجه مايكون فيه كريمه او خلطه جبن ونستله عشان مايذوب
والشاهي خذي مكسرات وشبسات

وممكن تحطين مع الاكل معجنات بيتزا وفطاير تكونين مسويتها في البيت

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك

بـشـريـنـا اخـتـي لمسة ابداع وش صـار علـى الطـلعـة وشـ سـويـتـي نـبـي نــستـفـيـد مـنـك ومـن تـجربـتـك
الله يوفقك ننتظركــ ..
اهم الشي الموووووويه جيبي مويه كثير خاصة لو الطلعه كبيره وفيها أطفال لان كل شويتين وواحد جاي يبي مويه
مع القهوه سوي بسبووووسه وكيك وحلى قهوه واشتري من المعموول الجاهز لو ماعندك وقت تسوي ( خدي معمول البطل مررره طعم )
سوي هالكيكه تنفع للطلعات

http://forum.hawaaworld.com/showthread.php?t=2895943

وجيبي مكسرات فشار وكدا و كربوو مع الشطه والحمر
والعشا ما افضل الرز ابدأ لان لو في مشويات الرز مايتاكل
افضل سلطات وخبز وبطاطس مشووويه مثل ما قالت الاخت فووووق
طمنينا وش صار معاكي
ثقتي بالله تكفيني ..


الساعة الآن 04:18 .