الحــــــــــــــــلقة الرابعة ( الاخيـــــــــــــــــرة )
قطع حبل افكار هدير صوت ام العريس (طنط شكرية ) وهي جايبة الدبلتين لابنها .. بعد ما الناس شافتهم
وبتقول لسامر : يلا يا حبيبي لبس عروستك الشبكة
هدير : طنط .. مينفعش حضرتك اللي تلبسيني الدبلة ؟
شكرية : ليه كدة يا حبيبتي .. انتي مكسوفة من سامر هههههههههههه .. متتكسفيش يا عروسة .. ده زي خطيبك برضو
هدير ( بأبتسامة جافة ) : لا يا طنط مش مسأله كسوف بس مش عايزة سامر يلمس ايدي قبل العقد .. علشانه والله يا طنط .. ساعديني
سامر : اللهم طولك ياروح .. انتي مالك من ساعة ما شفتك في الكوافير مش طبيعية .. لازم البسك الدبلة علشان الصور
هدير : انهي الاهم يا سامر .. انا ولا الصور .. صور ايه دي اللي بتتكلم عنها .. وتخلينا نبدأ حياتنا بمعصية
سامر : متخلينيش اتنرفذ عليكي قصاد الناس .. هاتي ايدك
هدير : سامر .. انت اللي اتمنيته يحميني واشيل اسمه .. يرضيك اعصي ربنا وتكون انت السبب ؟؟ انت عارفني كويس .. وعارف اني عمري ما حد لمس ايدي .. ليه تحرمني من اني اول واحد يقرب مني يبقي زوجي ؟
سامر : يا حبيبتي ماهو انا زوجك ..
هدير ( شايلة في نفسها من كلمة حبيبتي .. ولكن معلقتش ): سامر ارجوك يا سامر .. احنا لسة مش متجوزين .. دي خطوبة .. بلاش علشان خاطري.
سامر ( بلهجة حادة ): انا مكنتش اعرف ان دماغك ناشفة اوي كدة ..اخلصي وانا لية كلام مع عمي .
هدير مدت ايدها ليه وحست بأيده بتلمس ايدها نااااااار .. وفي ودنها بيرن حديث حبيبنا النبي عليه الصلاة والسلام ( اليد تزني .. والعين تزني ) ويتكرر تاني وتالت .
هدير ( في سرها ) : كفاية بقي كفاية حرااااااااااااام .. مش قادرة استحمل ضميري وخوفي من ربنا .. مش قادرة استحمل ضياع فرحتي بان اول حد يلمس ايدي يبقي زوجي .. معقول ده سامر اللي بيحبني .. وكلم الدنيا كلها علشان ابقي مراته .. وعشان يقنعوا امي بجوازنا ؟؟
انا اتخدعت فيك يا سامر .. كنت فكراك هتحافظ عليه .. رغم اني استخارت ربنا فيك .. ياتري الحكمة من اللي بيحصلي ده كله ايه عند ربنا ؟؟
اللهم ان كنت تعلم ان في زواجي سامر خير لي في ديني ومعاشي وعاقبة امري .. فاقدره لي ويسره لي ثم بارك لي فيه .. وان كنت تعلم ان فيه شر لي في ديني ومعاشي وعاقبة امري فاصرفه عني واصرفني عنه .. واقدر لي الخير حيث كان .. ثم ارضني به.
زغارييييييت زغاريييييت .. بس انا سمعاها صريخ اهل النار .. يارب مبقاش معاهم .. انجدني
---------------------
الله اكبر الله اكبر .. الله اكبر الله اكبر
اشهد الا اله الا الله .. اشهد الا اله الا الله
اشهد ان محمدا رسول الله .. اشهد ان محمدا رسول الله
حي علي الصلاه .. حي علي الصلاه
حي علي الفلاح .. حي علي الفلاح
الله اكبر الله اكبر .. لا اله الا الله
---------------
- احمد : حبيبتي انتي صاحية؟؟
-هدير ( بابتسامة ساحرة ): احمد ! هو الاذان صحاك .. كدة مش هصحيك بنفسي واخد ثوابك !!.
احمد : انا صحيت علشان وحشتيني .. والادان بيفكرني بيكي .. قد ايه بتساعديني اطيع ربنا !!
هددير : انا فرحانة اوي يا احمد ان ربنا كتبني ليك .. دونا عن غيرك .. ربنا ما يحرمني منك ابدا .
احمد : قوليلي الاول.. كنتي سرحانة في ايه ؟
هدير : كنت بفتكر ذكريات قديمة .. وبقول لنفسي لو انا مكنتش عرفتك .. وربنا قسمك لية .. يا تري كان هيبقي حالي ازاي دلوقتي .. انا وافقت بيك بعد استخارة .. ودعيت ربنا تكون لية عون علي الطاعة .. بعد الضياع اللي كنت فيه
وفعلا .. دايما بتحسسني اني احسن وافضل .. ربنا ما يحرمني منك
احمد : تعرفي يا ديرو .. انا لما اختارتك دونا عن البنات .. يمكن كان لبسك مش بيعجبني اوي .. بس كنت حاسس فيكي اصرار ومحاولات علشان تبقي احسن .. ولقيت نفسي بستخير فيكي ربنا .. مش عارف ليه
بعدها لقيت نفسي بخبط علي بابكم .. وبقول يمكن لو سعادتك تكوني افضل .. ربنا يكتبلي اجر هداية مسلم
لكن اللي حصل .. اني لقيتك انتي اللي بتعينيني علي كل شئ صح .. ومعرفش من يوم ما نورتي بيتي حبيتك ازاي ؟
بقولك ايه؟
هدير(بابتسامة ): قول يا سيدي.
احمد : ما تيجي تصلي الفجر معايا في المسجد ؟
هدير( بدهشة مصحوبة بابتسامة ) : انا .. انزل الفجر في الشارع .. واروح مسجد؟؟
احمد : وايه اللي فيها ... هو انتي نازلة مع حد غريب؟؟ انا عارفة انك خايفة مني .. متقلقيش .. عبد الله ابننا معانا محرم هههههههههههههههههههه
هدير : هههههههههههههههههه ربنا يفرح قلبك .. انا متوضية .. روح انت صحي عبد الله واتوضي .. علي ما البس نقابي واجهز علشان ننزل سوا
:)
احمد يبتسم لزوجته هدير : ربنا يجعلني في عينك يوسف .. يا مريم دنيتي ♥ ♥
تمت
والي اللقاء في قصة جديدة
في نفس ميعادنا
منقول من صفحتنا ع الفيس بوك
انا هكون يوسف وانتى هتكونى مريم ومش هنحب الا ازواجنا
فريق العفة @fryk_alaaf
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة